أخوكم الحين بيكمل الشهر الخامس وانا بعيد عن زوجتي بسبب سفري معا الوالد للعلاج بالخارج حماكم الله وعافاكم من كل مكروه....والحين بأقتراب موعد الرجعه للكويت...
مفكر اني اسويلها مفاجأه بأن ارتب رحله لدوله خليجيه او المالديف مدتها من اربع ايام الى اسبوع بس انا وياها نكون بس ودي بفندق يكون نضامه شاليهات وأذا فيه شاليه يكون بداخله حمام السباحه الخاص به خير وبركه...وتكملون جزاكم أذا احد عنده مقترح او مكان جميل يناسب المده الي انا حاطها....
يمكن احد منكم يقترح علي ان اروح ماليزيا او تايلند وبتكون الاسعار متقاربه بس هالدولتين رحنالهم اكثر من مره....
الله يشفي الوالد ويرجعكم بالسلامة ...
اذا حبيت انك اتروح دولة خليجية ( تعال عندنا الدوحة) صج روح دبي احجز يومين في برج العرب والباقي في ميناء السلام ... والمالديف لازم اتشوف اول شئ الطقس عندهم ...
انا أقول ليش ما تروح شرم الشيخ أو المارينا ...
الله يهنيكم ويسعدكم ...
شكورين على التفاعل وانا ابالي انها اتكون دولة خليجيه اقرب ونختصر الوقت....
وشرم الشيخ فكرة تدور بمخي من زمان بس كل ماعزمت قالولي ماتسوى زحمه!!وكنسل...
وعلى ايدكم يمكن اقرر همتكم معانا