السلام عليكم ورحمه الله وبركاته


طبعا الشك اللي اقصده هو الشك في الطرف الاخر وفقد الثقه فيه ؟؟؟

طبعا انا كنت كاتبه موضوع لصديقه لي من مدة ...... عن كرهها لزوجها بعد اكتشاف بوادر للخيانه ..وكيف تستطيع ان تحبه بعد ان ماتت مشاعرها ناحيته ...طبعا الاخوان والاخوات ماقصروا بردودهم ....والحمد لله مشت الحياة معها ....وهذا رابط الموضوع http://www.66n.com/forums/showthread.php?t=125013


..لكن ::


رفيجتي بعد ان تجاوزت محنتها بفترة عاد اليها الشك ولكنها لم تتثبت وقالت في نفسها يمكن صرت اوسوس ...المهم سفهت للموضوع ...وفي نفس الوقت كانت اهي حامل بالشهر الثامن تقريبا ....وبعد الولادة سفرت الشغاله ...وبعد سفر الشغاله بثمانيه اشهر عاد لها الشك بطريقه غير طبيعه لدرجه انها صارت تبكي وتقولي لي اكيد فيه شي صاير جديد انا مايجيني هالاحساس الا اذا كان فيه شي صحيح ...

المشكله اخواني نفس ماقلت لكم من قبل رفيجتي هذي حاستها السادسه قويه جدا واذا حست بشي بعدة بمدة تطيح كل الادله بيدها ...المهم


اهي طبعا عندها الحين شغاله ثانيه...المهم انها راحت سئالت واحدة كانت اثنا مشكلتها اللي طافت ( الموضوع السابق في المنتدى ) قد اخبرتها الخادمه انها اخبرت هذة المراة وهي قريبه جدا لها ولان الموضوع كان قد تم الصلح فيه فما سائلت الحرمه اشقالت لها الخادمه بالضبط ..


المهم بعد سفر شغالتها السابقه بثمان اشهر جاها نفس الشعور ..فقامت راحت حق هالمراة وحلفتها في البدايه رفضت المراة تقول شي ومع اصرارها ...وبعد رفض من قبل هالمراة وهي تقول لها ليش تنبشين موضوع منتهي ...قالت لاني الحين احس بنفس ذيك الفترة وماقمت اقدر انام ارجوج اشقالت لش انا ادري انها قالت لش بكل شي اهي قالت لي انها خبرتج .....قالت لها المراة دام انتي تعرفين مافيه داعي اقول خلاص انتي عارفه .....المهم بعد الحاح رفيجتي طلعت نفس الموضوع اللي هي عارفته ......



بس الطــــــــــــــــــــــــــــــــــــامه الكــــــــــــــــــــــــــــــــبرى

ان الموضوع ياناس ماتوقف عند عهدة لها انه مايعاود هالافعال مرة ثانيه ......اكتشفت ياخواني ان عاود محاولته مع الشغاله مرة ثالثه ويمكن رابعه لان هالمراءة اللي قاعدة تخبرها بالموضوع وهي مراة عودة اهي والدتها وكانت بايته عندهم بذاك اليوم ويوم تعدى عليها( على الشغاله ) كانت امها تصلي الفجر وسمعت صوت وهربت الشغاله عندها وهي تبكي وزوج بنتها طق وخاف زوجته تدري وامها هدت الشغاله وقالت لها لاتقولين حق ماما وهي حامل بتتعب ...وقالت ولا يهمج اذا تكرر هالموقف راح نادبه ....


والموضوع القديم اللي كتبته في المنتدى كان قبل رفيجتي ماتحمل ....والحين بعد ولادتها ب11 شهر تقريبا


اكتشفت هالحقايق ...تقولون لي ليش قامت تتثبت الحين من شكوكها اقولكم لانه عاودتها الشكوك ...


والحين والله رفيجتي تكسر الخاطر ماترقد اللا بمنوم ...تقول ماقدر الحين اواجهه بشي انتهى وبدينا بعدة صفحه جديدة بس شكوكها الحين زادت عن قبل حتى اهو متضايق منها ....ويقول لها راح تخربين حياتنا ..


تقول : شسوي الشكوك هذي ماجات من فراغ اللي سواة فيني من بدايه حياتنا وتسامحي معاة ....

وبالسالفه الاخيرة ...نسفت اخر خط ثقه فيه ....طبعا اهو مايدري انها درت برجعته للشغاله بعد ان عاهدها امام الله وحلف على القران انها مايقرب لها ...وفوق هذا كله رجع ونقض العهد .


على فكرة اهي الحين توسوس انه بدى يحط عينه على الشغاله الجديدة ...تقول والله مايجيني الشعور من فراغ ؟؟؟؟

الحين انا احاول تترك عنها الشك ؟؟؟؟

لكن اهي تترك الشك كم يوم وترد تتعب ؟؟؟؟


وقامت بين فترة والثانيه تغط نغزات على زوجها ....

( على فكرة اهي تقول ان كل ماتوصلت له من خيانات طول حياتهم الزوجه ماوصل الحال به للزنا لانه دايما ينكشف من البدايه )

لكن تقول يمكن هذا اللي بس عرفته يمكن ماخفى اعظم ...

اللحين اهي مب قادرة تثق فيه ...طبعا تقول خلاص طاح من عيني خلاص ...الكذاب الخاين ...الحين قامت تهوجس بالانفصال تقول اما اني اتظاهر بان مافيه شي واستمر بالتمثيل واتظاهر ان مافيه شي يكدرني وانا من داخل اغلي والنهايه افقد عقلي وينهتي بي المطاف بمستشفى الامراض النفسيه او .. اشتري راحتي ....وقلعته ..والفراق اهون ...

والحين تقول دامه على هالدوامه دوامه الخيانه وتوبته دايما مؤقته متى ماتوفرت الفرص شبك.... مصيرة راح ينكشف وهالمرة كل واحد بحاله ...بدال عوار الراس اللي انا فيه ....فعلا اهي هالسنه واجد تعبانه نفسيا ...طبعا اهو لازال يتهمها بانه شكاكه ومريضه ...والله ماجاب لها الشك والمرض الا اهو .....وهي بصراحه من النوع اللي تحسن الظن بالناس وماهي من النوع الشكاك يمكن صارت معاة بس من افعاله


ياناس فيه حل للتخلص من الشك ومالعمل اذا كان الطرف الاخر بعد ان يتوب ويقسم باغلظ الايمان بانه لان يكرر ذالك ...يعود الى افعاله السابقه ؟؟؟؟؟؟؟



ارجوكم اخواني واخواتي الاعضاء الكرام ان تساهموا معي في حل هذة المشكله .....وخصوصا اخواني الرجال ماذا تفعل هذة المراءة ؟؟؟؟ كيف تتصرف ...خصوصا اذا كان ابناءة يحبوة ...لاتقولوا ان تفتح صفحه جديدة معه فقد فتحت وطوت صفحات وهذة الصفحه قد حان وقرب انطوائها وللابد ..المشكله انا شافيتها تعبانه جدا من هالموضوع خصوصا انه دايما يقولها انه يحبها ؟؟؟؟؟وهالكلمه بحد ذاتها تقول اكثر شي دمرني لو ان معاملته لي سيئه بقول مو غريب تظهر منه هالاشياء بس بببببببببببسسسسسسسسسسسسسسسسس الغريب لين يظهر هالشي من انســــــــــــــــان يــــــــــــــــــــــــــــتدعي حــــــــــــــــــــــــبنا اخواني اخواتي هل لديكم حل ؟؟؟

تحياتي واعذروني على الاطاله ..

على فكرة اخواني واخواتي ادعوا الله ان يثبتها على دينها وادعوا الله ان يخلصها من الشك ويريح بالها ويهدي سرها ويدخل الطمئنينه في نفسها ...

آميييييييييييييييييييييين .....

اللهم فرج كربتها وارح بالها وطمئن نفسها يا رب العالمين ............

يالله هاذا مايتوب .. استغفر الله

يعني الواحد لو غلط يغلط مره وحده ولكن هاذا باستمرار اللهم لطفك يارب ..


مافي حل الا انها تدخل اهلها تدخل سريع وحالا.. ابوها اخوانها احد من رجال العائلة يتفاهمو معاه لانه هاذي خيانه وعلاقات محرمه ممكن تنتقل الامراض لصديقتك


الله يكون بعونهها ويفرج كربتها

__________________


اللهم فرج كربتي ويسر امري واكتب لي الخير يارب

الله يهديه ويسخره لها



اختي الرجو الابتعاد عن الا لفاظ العاميه

اليتسنى للاعضاء مشاركتك






نقل للمتزوجين

__________________

	لاتقل أنا طيب فالكل طيب! ولا تقل أنا متعب فالكل متعب! ولا تقل أنا حزين فالكل حزين! بل قل فقط الحمد لله صبحاً ومساءً ، ليخف أنينك وتضمحل أوجاعك وتقل أمطار دموعك ... وعش هانئاً مؤمناً...متسامحاً عفواً متعاطفاً مع الغير..و ابتعد عن النزاعات والأحقاد والانتقام فلن يكسبوك سوا الندامه في الدنيا والآخره..

اعانها الله
اذا هو يتوب ويرجع اجل بحياتهم ما بينتهي الشك فيه
وما اسميه شك
اسميه انها تحس فيه
مو هي اذا شكت يطلع شكها في محله؟
معناتها مو مجرد شك وازعاج له ...هذي تحس بزوجها وتفهمه والله يعينه على حاستها السادسه ذي
مافيه حل الا يتوووووووووووووووووووووووووب او هي تبطل تستقدم شغالات

__________________
[/IMG]

الله يكون بعونها ويصرف قلب و نظر زوجها عن الحرام....طيب هي ماعندها احد قريب من بيتها بحيث انها تودي الشغاله والاطفال عندهم وقت الدوام ؟وبكيفه هو يزعل والايرضى اهم شي انها هي تكون مرتاحه نفسيا عشان تقدر تمارس حياتها طبيعي وتحاول تقنعه انها تبغى تتطمن عالاطفال من الشغاله........... هو شكله الطبع هذا يجري بدمه...الله يسخره لها ويصرف عنه الحرام وعليها بسهام الليل وكثرة الدعاء

__________________

الله يعينها ويهدي قلبها ويهدي هذا الزوج .....طيب هي ليه ما تراقب تصرفاته مع الشغاله يمكن ما تشعر به مجرد وساوس واذا حصلت علي دليل لا يكون الا المواجهة وربنا يقدم الخير

عليكم السلام ورحمة الله وبركاته

لو كنت مكانها مستحيل أقرب البنزين للنار

تسفّر الخدامة وبلااااش منها إذا بتخليني أفقد عقلي !!

الله يكون بعونها ويعافي زوجها ويسخره لها .