حبيبتي معليش ممكن أجاوبك بصراحة ويمكن شوي كلامي يكون قاسي ..

خالي ( الله يرحمه ) .. لاحظي ..
كان الله يرحمه انسان اكول وسمين شوي يعني بعافية ..
وكانوا الناس يحطون البال عليه ..
ويعلقون عليه تعليقات بمزح ..
وهو كان إنسان مزوح يعني يمكن حتى هو يعلق على حاله ..
جاه السرطان ببطنه .. الله يكفي الجميع الشر ويبعده عن المسلمين ..
وهو وأخوانه شكوا في واحد صديق له عينه حارة ..
باعترافه الشخصي إن عينه حارة ..
كلهم يدورون طريقة ياخذون من أثره من غير مايحرجونه ..
وانتظروا يجي البيت يزور خالي اللي كان في آخر أيامه ..
وقدموا له رطب عشان ياخذون النواة لكنه مابغى ياكل منه ..
وحاولوا يتحايلون ويدورون طريقة غير إنهم يقولون له بصراحة نبغي من ماء وضوئك ..
لكنهم ماقدروا ..
والنتيجة توفى خالي وخوالي ندمانين إنهم ماقالوا للشخص إنه يتوضا ..
الله يرحمه هذا قضاء ومكتوب له أجله في هذا اليوم ..
لكن الإنسان يزعل إنه مابذل جهده ..

بنت خالتي ..
بنتها الصغيرة كانت مع أبوها بالمستشفى زيارة لقريب لهم ..
وبالصدفة صديق أبوها شاف الأب شايل بنته ..
فشهق عليها وقال أشحلوها بنتك .. جميلة ..
راحوا البيت ..
وطاحت البنت مريضة ..
حرارتها فوق الأربعين ..
أخذوها المستشفى ..
وحمموها ..
وأبرة ..
وووووووو ..
لكن حرارتها مش راضية تنزل ..
بنت خالتي بكت عند زوجها ..
قالت له ألحين تروح لصاحبك وتطلب منه ماء وضوءه ..
وراح زوجها وطلب منه ..
تتوقعين زعل صاحبه ؟؟
أو قاطعه ..
بالعكس لما عرف بهالشي على طول راح توضأ وأعتذر من أبو البنت وأنحرج لأنه ماذكر ربه ..
بنت خالتي تحلف .. وهي ماشاء الله عليها إنسانة مؤمنة وملتزمة ولا تكذب حتى على أطفالها ..
تقول أخذت الماء ..
ووضعت بنتي في البانيو بعد أن خلعت ملابسها ..
وسكبت الماء بهدوء على ظهرها وأنا أذكر الله وأدعوه ..
تقول والله إنها شافت ظهر بنتها وجسمها تطلع منه حبوب حمرا وبعد شوي تختفي ..
لحد ما أختفت كلها وراحت حرارتها ..
وجففتها ولا كأن البنت كانت مريضة قبل دقائق معدودة ..

بنت خالتي الأخرى ..
كانت ترضع ولدها أمام الأهل من النساء ..
وهي تضع شال لكن أحيانا يبان جسمها مع حركة الابن ..
رجعت البيت وصدرها اللي كانت ترضع منه يألمها تقول كأن سكين مغروزة بداخله ..
في اليوم الثاني اجتمعوا الأهل ..
راحت لهم وقالت لهم بغيت من وضوئكم أسكبه على صدري لأنه يألمني ..
وكل وحدة كانت موجودة في اليوم السابق أعطتها من وضوئها بكل رضا ..
بل وكانوا يدعون لها بالشفاء ويقولون إذا العين منا الله يشافيها ..

اللي أحب أقوله إن العين حق ..
وإحنا أحيانا نسهو ننسى ومانذكر الله ..
ليس معناه إن إحنا قاصدين ..
إلا من غير قصد ..
فلا تزعلين ..

والله يوفقك ..

كبري دماغك اختي واعتبري السالفة عادية وخالتك من مقام امك اظن انك تفهميها جيدا حاولي ما تحكي بحياتك زوجية قدامها كوني متحفظة ودكية في ان واحد واكسبي حبها واحترمها واحرسي ان كلام الجميل في رد ك عليها حتى لو كان فيه جروح اليك يكون باحترام وحب حيخليها تحترمك وتقدرك صدقني

__________________

	ربي لا تدرني فردا وانت خير الوارتيين

مساء الخير //

جايز يكون ردي مغاير لبقية الردود اختي الفاضلة //

اذا شك المريـــض في شخص بعيـــنة فلا بأس بان يطلب منه ان يقراء او يتف في الماء ،، فربما كان هو السبب ،، على الاقل يرتــاح من الظن السوء ،، بدلا ان يدوم الحال في الفرقة وفي الظن السئ

عودي يارعاك الله إلى السنة ،، وسألي اهل العلم بدلاً من سؤال عامة الناس

والله يريح بالك وتعود المياة الى مجاريها

والنفس وانا اخوك حــــق

بتصرفك هذا ستزيدن اشتعال الموقف

اسمحيلي لو رديتي الحركه بالمثل في نظري هذا تصرف اطفال

وخالي من الحكمه والتاني

عدي الموضوع وبلاش تولعينها اكثر

مثل ماقالت بحرينيه ولكن

كلامها سليم العين حق من اي شخص كان


وغلط انه الواحد يقول انا مابحسدهم او عيني موحاره


يعني انا لومريت بنفس موقفك مابزعل بالعكس بتوضى لها

يمكن الواحد تكلم يوم ونسي يقول ماشاء الله

وحاولي تطنشي لان اللي يدقق في كل صغيره بيتعب

مشششششششششششششششكورين اخواتي واخواني على ردكم

تصدقون ان ردودكم طفت النار اللي فيني

بس بحاول انسى الموضوع لاني تعبت وانا افكر فيه
وبالتوفيق

الله يهديك بس
احسب عندك سالفه
ثلاثه ايام تحرقين في اعصابك ومحد حولك
وش ذنب زوجك تزعلينه طيب بالحركه هذي لو ترجعينها لأمه
يا شيخه عاااااااااااااااااااادي وحده تفوت ولاحد يموت
كان فعلا قمتي قريتي عليها ونفثتي
خذيها برحابة صدر
وكان سألتيها هاه ياخالتي ان شاء الله ارتحتي
روقي يا شيخه .... يمكن خالتك قاصده تشوف وش ردة فعلك وسوتها والا لو هي خايفه من العين كان تعالجت وبالدس وتاخذ من اثركم ومن وراكم الله اكبر وش الصعوبه يعني
يمكن في بالها بال غير العين والحسد
وانتي تقولين لوحدكم
صدقيني الحركه مقصوده ولاهي عين ولا شي ابدا
يمكن انتي ضايقتيها في شي فحبت تعطيك هالدرس اللي يرفع الضغط
راجعي حساباتك وعموما
طنش تعش تنتعش

__________________
[/IMG]