والله في ناس تزيد حبها بعد الزواج وفي ناس يقل حبها بس اكثر شئ الشوق هو اللي ياثر اكثر والناس تعتقد انه الحب

__________________
اللهم لك الحمد حمدا كثيرا

الحكايه مو حكاية انه يزيد او ينقص..او يعني الحب بعد الزواج بيقل عن ماقبل الزواج.. لكن بعد الزواج طبيعة الحب بتتغير لانع قبل الزواج كان البعد بيشعلل المحبه وبعد الزواج راح يجمع الزوجين سقف واحد وراح تتغير طبيعة الحب عن المرحلة اللي قبلها يعني الحب عندنا بيمر بالمراحل انا اعتبرها كده يعني بالنهايه الحب موجود بس بتختلف طرق التعبير عن الطرق اللي كان يتبعها الزوج قبل الزواج هاده بحسب تجربتي الشخصيه .. لازم نحط ببالنا هالشي عشان مانقعد نقارن بما قبل الزواج ومابعده الزواج ومابعد الانجاب ومابعد......الخ

وعليكم السلام ورحمة الله وبركاته

قبل الزواج يكون حب جارف لإنه ممنوع من الوصول إليكِ وصول تام والمثل يقول (الممنوع مرغوب)

أما بعد الزواج وأنتِ معه فالحب موجود ولكن تبدأ الحياة لتسير ويختلط مع الحب الأعباء الحياتية ولكن يظل الحب يرفرف ولكن يختلف تعبيره ...فهو يظهر عن الوقوف معك وقت الأزمات وعند الحاجة

ويزيد وينقص على قدر التآلف بين الزوجين

فعن نفسي لم أجرب الحب قبل الزواج وأقصد هنا قبل ليلة الدخلة أي بعد الملكة لإنه لم يشاهدني إلا في ليلة الدخلة ...ولكن ولله الحمد حبنا إلى الأن يزداد ويزداد وهذا كله بتوفيق من رب العالمين

فلا تفكري في ماهو آت وتشغلي نفسك بل أدعي الله في صلواتك بأن يسخر لك قلب زوجك ويملأه حباً

وأشعلي الحب أنتِ كل حين بالكلام الجميل والإهتمام والليالي الرومانسية فالحب كالنبتة إذا أسقيتها نمت وكبرت وإذا أهملتها جفت.

__________________

من رايي انا الحب يزيد بعد الزواج بالالفه بين الاثنين

يختلف بين الازواج ، ناس اتزيد وناس اتقل ...

__________________

نفس السؤااااااااال اللي دايماااااااااااا اسال روحي..

بس اكتشفت شي ...اكتشفت ان بيد الزوجه والزوج يخلووون حياتهم روووتين ..وبيدهم ينقصوون جرعة الحب والرومنسيهو يزيدونهاااا


بس بيني وبينك حتى انا خايفه من هالشي .. وعلى طووووووول اسال خطيبي ويرد علي نفس رد خطيبك اكساكتلي

الحب يكون موجود بين الاثنين

بس شي طبيعي في فتره الملكه يكون بين الزوجين شووووووق وحب كبيييير .. لان الرجل مايحصل كل اللي يبيه ..
وبعد الزواج .. يبقى الحب لكن تختلف طريقه تعبيره ..

شي طبيعي .. بحكم الاحتكاك .. الزعل .. الاختلاف في المسائل خاصه اللي تتعلق في الاولاد .. جو الاهل والاسره .. في عوامل كثيره .. تشغل الزوجين .. يعني مايكون الزوج متفررغ تماما للزوجه مثل ايام الملكه


وعن تجربتي انا اشوف الشي في بدايته غير يكون له طعم ثاااني .. يعني شخص تكونين ماتعودتي عليه تصدافج معه مواقف محرجه .. يعني ماتكونين ماخذه عليه مهما تكون العلاقه قويه ماتكونين اطلعتي على خصوصياته .. هذي الاشيا ماتظهر الا بعد الزواج والعشره ..


حتى الشوق مو بيدج تكونين معه 24 ساعه .. لكن بعد الزواج بتشوفينه اكثر ..


انا فنظري اشوف فتره الملكه تكون المشاعر قوووووووووويه وعنييييييييفه ..

تحسين بنبضات قلبج يوم تشوفينه .. تحسين بكل الاحاسيس الغريبه ..


وشي طبيعي بعد التعود يخف بالتدريج ...


يعني فتره الملكه فتره حلوووووووه واتمنى تستمتعين فيها لانها من احلى اياام العمر ..

فيها ذكريات حلووه .. اول نظره .. اول قبله .. اول مره سمعتيه يقولك كلمه احبك ..

شي طبيعي لما الشي انتي ماجربتي واول مره تجربينه غير عن الشي اللي تعودتي دايما تحصلينه

بجد متشكرة جدا لكل اللي رد علي سؤالي ودايما الاقيكم موجودين تفيدوني بخبرتكم

__________________