السلام عليكم ورحمة الله وبركاته

أنا رجعت لكم من جديد وقبل حطيت موضوعي الاول واللي فيه غموض لأبعد درجات الجشع والأنانيه واللي مو ذاكر يختار مشاهدة جميع المشاركات لي ويلقى موضوعي...سوري ياإدارة.

الحين في الوقت الحالي أنا تخرجت من الكليه ونسبتي الحمدلله ممتازه والاول على دفعتي بتخصص لغة انجليزيه والحمدلله وإن شاء الله الوظيفه كمعلم متوفره بنسبة 100% بأذن الله.

والحين أيضا أنا وأبوي ماحد يناظر لعين الثاني...وأنا ماطيقه(أستغفر الله) بس اللي سواة فيني دمرني ودمر حياة وشخصيتي وعمري وخلاني ولاشي.

صارت حزازيات بيني وبين أبوي .... خلاني أكره كل شي ...كل كل كل كل كل شي لدرجة إني كرهت الزواج ولاعاد أبي أتزوج مستحيل أصلا أسويها والمشكله الكبرى اللي قاهرتني ومضيقه خلقي ومخليه نهايتي أقرب من بدايتي إني كرهت الانسانه اللي حبيتها وتقدمت لخطبتها.

كرهتها مادري وش جاني .... هل أحد حاسدني ولا أبوي داعي ربه اني اكرهها أو إيش ؟؟ ياناس مادري.

أنا أكلمها...ولايمكن يمر اليوم اللي مانتهاوش أو يصير خلاف أو سوء تفاهم.

ياناس أحس إني كرهت البنات ومات شعوري تجاههم وكرهت الجنس وتمنيت ان الله ماخلق الغريزه فيني.

أحاسيسي وشعوري وحبي للحب وأشواقي وخططي المستقبليه راحت خلاص.

أبي أعيش عزابي طول عمري أحقق أمنية أبوي ..... تعليم تعليم تعليم تعليم كل دنيتة تعليم ويبيني مثله....ماخلاني أحدد مستقبلي يمشيني على كيفه...تعبت تعبت تعبت..

ياناس أحد يقولي ش أسوي ؟؟؟ وش اللي أصابني ؟؟؟ وش اللي فيني ؟؟؟؟

وربي عذاب وأحب أأكد مقوله قريتها هنا بالمنتدى....الحلال صعب وكل الناس ضدك والحرام سهل ولاحد يدري عنك....وربي حراااااااااااام....واحد يطلب الستر والزواج ويصيرله كل اللي صارلي.....بلاش زواج اجل.