السلام عليكم اخواتي الغاليات
الكثير منا يشكون من عدم معرفه الطبخ واصوله والبعض الاخر امن الله عليه بعشق واتقان لهذا المجال
رسالتي موجهه للنوعين والفكره هي خلق جو عائلي حميم داخل المطبخ
تعبت من الكلام الفصحى بتكلم شوي عامي
المهم حتى لو كنت فنانه بالطبخ طبقي الفكره لكسر الروتين وخلونا نتبادل الافكار
الفكره ادخلي عائلتك المطبخ واكتفى بدور المساعد
اذا عندك خادمه طلعيها تكوي مثلا علشان تاخذين راحتك مع عائلتك
في البدايه جهزي نوع الاكله او اسئليهم وش حابين وخلي زوجك هو الشيف واذا عندك اطفال يقدرون يساعدون
صدقيني راح تنبسطون ومع التشجيع راح يكررها زوجك لا تتضيقين المطبخ انحاس وتوسخ تخيليها ليله رومنسيه والورد بكل مكان والشمع بعد؟؟
من وجهه نظري ان الفكره راح تساعد زوجك انه يقدر تعبك وشغلك وغير كذا كسر الروتين والرتابه
مثلا
يسوي كيكه ولو من الكرتون بس الفكره انها من يده وشغلك لها طعم
فهمتوا الفكره
اذا تحمستوا وش رايكم نسويها مسابقه ومافيه مانع يشاركون اخوانا الاعضاء بس بشرط الالتزام بالصدق
مثلا تكتبين ايش طبخ زوجك اليوم وتعرضين صوره وراح تكون الجائزه قيمه
هي
قضائك الوقت مع زوجك في المطبخ تحوسين عليه شوي وتضحكين شوي وترمين الدقيق بوجهه
انا مستعده اكون اول المجربات بس بشرط تتحمسون
استنى اسمع ارائكم
تحياتي
دلوعه زوجي