لو جاء رد واحد منكم يمكن يغمى علي
هلا وغلا بالحبايب
اليوم انا رايقه وحابه انفعكم وانصحكم بفكرة تجنن
قررت في يوم من الايام اني انزل عند اهلي وحبيت اني اسوي شي يسعد زوجي ويحسسه بقربي واهتمامي حتى وانا رايحه عند اهلي لان روحاتي لهم قليله جداً بسب البعد
لما جينا نسافر لاهلي خليته يطلع من البيت بحجة غرض ابغاه من برا طبعاً انا انتهزت الفرصه ورتبت لمفاجأتي له
وضعت عند مدخل الباب ورقه مكتوب فيها(الحمدالله على سلامتك ياروحي وشلون الطريق ونت راجع لحالك)بعدين كتبت له كلام حب واوصفله عن الشعور الي بيحل فيني لحظة ما افارقه
بعدين سكرت الباب ولما يفتح الباب خليت السيب الي يوصل للصاله مليان ورد وخليت اللانوار خافته ثم علقت على الباب ورقه مكتوب فيها(ياروح روحي انا مجهزه لك اليوم مفاجأتين اتمنى انها تعجبك***وكتبت كلام رومنسي حلو مرة )ولما يفتح باب الصالة انا حضرت له طاولة الطعام وحضرت له العشاء وخليت تحته شموع عشان مايبرد وخليت الاضاءة خافته وعيشته في جو رومنسي وحطيت له رسالتين على الطاوله الأولى مفتوحه والثانيه مسكره وكتبت في المفتوحه(حبيبي* يا نور عيوني* اتمنى انك تتعشا وتتخيل اني بجانبك لاني اعرفك ماتاكل الى معي بس عشان خاطر محبوبتك تعش وقلي رايك)وكتبتله كلام يحب دايم يسمعه مني ثم قلت له (حياتي اتمنى انك ماتقرأ الرساله الي بجنبك الا بعد ماتتعشى)وكتبت فيها (بالهناء والعافيه على قلبك يابعد عمري انت ***اتمنى انك تمشي معي خطوه خطوه الين توصل للمفاجأه الثانيه ****حبيبي فيه ورقه تحت التلفاز خذها وقراها)
كتبت فيه( عيوني معليش رح لجهاز الكمبيوتر فيه ورقه اقراها) وكتبت فيها ( ياالله ياليتني جنبك يا بعد عمري تخيل انك في متاهه ماتطلع منها الى اذا قريت ونفذت المطلوب منك الحين يا مسعد ايامي رح غسل ايديك من بعد الاكل ) وطبعاً تاركه له رساله على المرايه وبعض الكلام المعسول وكتبت معليش اعتبرها عملية تخريط للعشاء الحين انطلق بسرعه لمجلس الرجال وخليت فيها ورقه تحمل لغز سهل من حل الغز يعرف موقع المفاجأه وكنت حاطه مفاتيح غرفة النوم مع الرساله خوفاً انه يروح للغرفه يبدل ملابسه
ولما يفتحها يلقى على الارض اشارة او سهم يدل على موقع المفاجأه
وكنت محضره علبه مزينتها بشكل جمالي حلو مرة وحطيت هديه حلوة مرة ورساله شعريه
على فكرة انا كتبت هرساله في المنتدى بس محد عطاني وجه وبكتبها مرة ثانيه وشكواي لله
ان قلت0000
احبك تراها عليك يالغالي قليلة
غلاي000
لك يعجز عنه كل تعبير الكلام
انت000
روح الحب للخافق دليله
يا شمعة000
القلب تنور باقي الايام
حبك000
رسى في القلب ما يبغى بديله
في جبين 000
الكون حبي لك وسام
لاجلك000
سهرت اليل ليلة بعد ليله
في بعدك000
يالغالي اشعر بالسهر والظلام
ترى000
هذا حبك تعال وشوف بعينك دليله
يشهد الله000
في رضاك دايم امشي تمام
خلك000
بجنبي يالغالي على الدروب الطويله
لو تاخرت000
عني ابصبر لو هي الفين عام
طبعاً بيتصل عليك واتي عند اهلك وبسمعك كلام 0000000000000؟؟؟؟
ولا تستغربين لو جا واخذك في نفس اليوم لو كانو اهلك في نفس الديره
بصراحه وش رايكم
________________________________
بعد إذنك قمت بتعديل بعض الأخطاء الإملائية لكي يظهر الموضوع بمظهر أفضل ....
( تم التعديل بواسطة المراقب الفيلسوف )
.
29-03-2004, 12:03 PM
ضوابط المشاركة
العرض الشجري