السلام عليكم اعرف اني ازعجتكم بمشاكلي بس احس ان كل اللي بالمنتدى يسعون لصلاح البيوت انا بقولكم زوجي اول ماتزوجنا كان رومنسي وومتفاهم معي عند كل مشكله وكريم بس الحين ماادري شفيه يعني كذا مرة اسوي له حركات بالبيت يدخل ولا يعبرني .........لما يشوفني اصيح ولو من تعب يزعل ومايعطيني مجال اتكلم ويطلع من البيت ويجلس يومين زعلا ن رغم انه حنون لاخر حد وانا اتعامل معاه عادي واسولف معاه عادي وعند اي مشكله يذكر لي كل شي سواه لي بحياتي انا اتمنى مايسوي لي بعض الاشياء علشان مايتمنن علي طول الوقت يسب لي رجال خواتي علشان احس انه هو غيرهم رغم ان فيه احد احسن منه بس ماقد قلت له غير كذا يقارن نفسه برجال خواتي مثلا رجل وحده من خواتي سافر قبل كم يوم بدون زوجته جاء يقولي يعني يبغاني افهمها واخليه يروح رغم ان اختي هي اللي رفضت تروح مع زوجها لما قلت له سكت وغير كذا انا ماقد قلت له شي عن سفره لحاله بس هو لانه لما خطبني قال انا شرطي انها تسافر معي اي مكان اروح له ..........لما البس احسه يناضرني نضرات احتقار قبل فتره حسيته محتاج عطر له خمس شهور ماشراء المهم شريت له عطر هو يحبه وكنت مغلفته قام شافه قال ياسلام هذا لي وتركه بالصاله الصبح انتضرته يفتحه مافتحه سويت نفسي عادي وفتحته وعطيته اياه قالي بكم شريتيه ولما قلت له سعره قالي لاعبين عليك المهم ماحط منه الا مرة وبعد اسبوع راح شرى له ثلاث عطورات بصراحه ماادري ليش سوى كذا رغم انه اذا اهداني انبسط واجلس ابوسه لو شوكلاته والله ابين فرحتي .على فكره انا تغيرت للاحسن بس هو ماادري شفيه تغير للاسواء انا شريت كتب وجلست اقراء وفتحت المنتديات

بصراحه اشوف الرجال بكل المنتديات يهتمون بزوجاتهم الا زوجي احسه كل شي يسويه بس علشانه واجب حتى الهديه الحين انا حامل وناوي يهديني هديه بعد مااطلع بس لانه شي واجب يقولي وش تبغين اهديك بصراحه ينرفزني

ليس عندي الا الدعاء له باالهدايه

له ولزوجي

الله يهديهم ويسخر قلبهم لنا يااااااااااااارب

السلام عليكم ورحمه الله وبركاته
بعض الرجال يجب ان يعامل معامله خاصه ...اسحبِ عليه شوي ولاتبالي به ..وسوف يبحث عنكِ ..لاتحاولي الحديث معه كثيرا او السوال عن حاله او اين سوف يذهب او الى اين يذهب بمعنى اثقلي عليه لكن بدون اغضابه حتى لايغضب الله عليك ونفذي ما يطلبه منك...وبعدين عطينا النتيجه .

اؤيد اخوي العازم

لان زوجك من هذه النوعيه

نوعية الرجال الذين .. ان اعطيتيهم وجه يبتعدون

اثقلي .. وراح تشوفين النتايج ياخيتي

والله يوفقج

ولاتحاولين تشغلين بالك بهذا الموضوع كثيراااا

حتى لاتتعبي نفسيتك

خليكي دائماااا متفائله

ومع التفاؤل تحلو الحيااااه


والله يهنيج معاااه

ودامه حنون ...<< ترى الحنون دايماا بقلبه ذرة رحمه حاولي تستقطبينه من هالناحيه


وقولي له ارحمني من بعدك...بس لاتقولين له انت متغير

>>ترى الرجال يكرهون كلمة متغير ولايحبون الاعتراف فيهااااا لانهم يظنون ان باعترافهم بهذا الشئ نحن سوف نذلهم وسوف نتغير عليهم ايضااااا...>>عن تجربه هالاستنتاج




انتي حاولي تطنشينه وصدقيني بيرجع مثل اول واكثر


بس احذري مو تطنيش لكل الامور لاااا

فقط ابسط الامور التي تجعلك ممله...يعني دعيه يخرج براحته ولاتسألين >>>سيستمتع بالبدايه من عدم الحاحك عليه بالرجوع للمنزل مبكراااا ولكن مع مرور الوقت سيتضايق بقلبه من عدم اهتمامك >>وهذه نقطه في صالحك...

قومي بواجبك تجاهه على اكمل وجه..واذا نظر بوجهك ابتسمي له ولكن لاتكلميه الا اذا سألك

صدقيني ساعتهااا بيشتاق وراح يعاتبك ويقول لك ليه صايره غريبه هالايام علي


.....وانتي عاد عطيه من الزين وقولي له انت ابتعدت عني حبتين .. ف انا قلت ابتعد عنك حبتين

وبهالطريقه تكونين وصلتي لمناج من غير مشاكل ومن غير صراخ وعتاب وبكاء

عااااااااااادي

ترى الرجل مثل الطفل ...داريه وحطيه بعيونك يموت عليك ومايقدر يعيش بعيداا ابدااا عنك وعن حنانك

انا مع اخوي العازم والله يهدي زوجك ويصلحه

همسه الدعاء يحل كل المشاكل
اخوي العازم كلامك صح بس زوجي عنده مشكله انه اصلا مايطلع من البيت يعني قليل يجتمع هو واصدقاءه وحتى اذا طلع ماقد دقيت عليه واذا رجع ابين له اني مبسوطه انه طلع
العيون بحاول اسوي زي ماقلتو لي رغم انه اصلا مو معبرني احسه تغير كثير لما ابعد عنه مايكلمني يحسسني انه انبسط اني طلعت من البيت وانا عارفه انه يفقدني مرة لانه اذا رجعت يقولي تصدقي ماكنت ارجع الا انام بس وكنت انام بالصاله طبعا كنت اروح ضروري للدراسه يعني مو بكيفي
احب بناتي مشكورة ياعمري لمرورك

السلام عليكم ورحمه الله وبركاته
أختي ...قله خروج الزوج من البيت اعتبره احد أركان فتور العلاقة الزوجية ..ويعتبر انطواء الزوج وعزوفه عن الخروج سمه من سمات شخصيته التي تربى عليها منذ النشأة..عموما اختي حاولي جاهده بعدم إظهار اهتمامكِ به بإشغال نفسكِ ولو تظاهرا بالقراه والكتابة ومحاوله محادثه من تحبين وظهار لزوجكِ تلك المشاعر وانكِ تشعرين بالسعاده .. ولو تحاملا فصدقيني سوف يحاول ان يجد أي شي لكي تلتفتين له ولو تحرشا بكِ ا وان يطلب منكِ امور معينه لكي تلتفتي اليه حتى ولو كان بطريقه (المهاوش)..لا انسي يجب ان تطيعه قيما يأمر منك بكل هدوءا وأدب حتى لاتدخلي في معصية الله ..والنتيجة ان شاء الله مع الصبر قليلا سوف تكون لصالحك .

اخوي العازم انا اتمنى انه يطلع لاني احسه اذا طلع يغير جو وعادي عندي حتى لو يسهر برى بس هو حاكر نفسه بالبيت ولما ينام مايبغاني اتحرك يبغاني جنبه لدرجه ينام بالصاله يقول علشان ماتروحي وتخليني ويقولي ارفعي التلفزيون زي ماتبغين وانا نايم واجلسي على النت بس من يوم اروح الغرفه يقوم ويتضايق اكيد بيمل مني علطول بوجهه بس بحاول انشغل عنه