السلام عليكم ورحمة الله وبركاته

أحب نبات الزينة ...ويحسسني بالحياة والطبيعة والأمان



بس ما أدري ليش ما يعيش عندي الزرع ؟؟

ويموت على طول !!

وتذبل اوراقه

المهم

إن شاء الله أنا في هذه اليومين راح أروح أشتري نباتات للمنزل

بأي الأنواع تنصحوني ؟؟

بس تكون من النوع المجرب ...وما تذبل وتموت .........

تحياتي وأنتظر ردكم

أختي يمكن من الاسباب اللي تخلي الزرع يموت

انك ما تخليه في المكان المناسب

يعني اما تخلي عند الشمس مباشرة

أو بعيد عن الشمس ..

الأفضل تكون الاصيصات في مكان فيه تهويه

يعني مفتوح ويطل على برا بس مهو معرض للشمس مباشرة

والشي الثاني يمكن نك تسقي النباتات كثير

أو انك تقطعي الأوراق الذابلة بطريقة غلط ...

عل العموم ما فيه نبات يدوم على طول

على حسب تبدلات الطقس

لازم يذبل ويموت بالنهاية

بس عشان تحافظي على النباتات لمدة أطول

لازم ما ترويها موية كثير مرة

وترشي على الأوراق بالموية بمرش خاص عشان ما تجف الأوراق

و تتغسل عن الغبار ...

وكمان تغيري السماد حقها بين فترة وفترة

أما عن الأنواع الجيدة مدري

بس طبعا اخذي اللي تناسب مع الجو اللي عندكم

وممكن تسألي صاحب المحل اللي بتشتري منو

وممكن انتي تميزي النبات الجيد من الشكل والخضرة ...

النبات مثل البيبي لازم تمسحي ورقه دائما وتجعلي له الايناره قويه مباشره له ولا ينتقل من مكان لمكان لازم يكون مكانه ثابت دائما والرش كل اسبوع افضل له ويفضل بالرشاش وان شاء الله يعيش

عزيزتي انا ماأعرف أفضل الأنواع لكن عندي لك كم فائدة وصلتني عبر الجوال..

للمحافظة على حفظ رطوبة النبة ضعي كيش الشاي على تراب النبتة بعد استعماله..

افرمي قشر البيض بعد سلقه وضعيه مع النبته فهو يعتبر سماد طبيعي..