هلا وغلا

حبيباتي





أميh







سلامتك ياغاليه من الاهمال والكسل


اصحي ياعسل وشوفي الحريم من حولك

كل واحده تقول أنا هنا

فلا ترضي بان تكوني مضرب المثل في الكسل والاهمال


بالنسبه للصابون المغربي

جربي الصابون الحجر المغربي

يعني مثل صابون لوكس للايدي

مافيه ريحه بالعكس ينظف الجسم بشكل حلو

اما البشره فياليت تقتصري على الاشياء والاقنعه الطبيعيه مثل الحليب مثلا


ابدئي معانا يالله شدي الهمه


أسعدك الله..





غالياتي




حلالالا





samsamsoma




نورتوا الموضوع بمروركم الكريم

يارب تستفيدوا وتفيدونا بجداولكم ياحلوات


أسعدكن الله في الدارين..





تقبلوا تحيااااااااااااااااااتي ..................

مرحبا كيفكم حلوين طيبين وبنحبكم

بالنسبه لليزر حبيبتي مو لنزع الشعر بعد تنظيف البشره تستخدم الليزر عشان تمنع ظهورالبكتيريا والحبوب

اللي مالها داعي

ومصفف ومرمم الشعر اسمه advance techniques إيفوووووووووووووون

__________________

	حبيبي دنيتك صعبه بدوني ولاشي دنيتي تسوى بدونك

السلام عليكم

اول شي انا كنت مهمله او بالاصح .. عديمة الاهمال..

تاني شي ..

وبحكم ان ماباقي على زواجي غير شهر ..

بدات من تلات شهور اعمل الاتيوبكل صدق وصراحه اقول ان النتايج مببببهرة )

بس طبعا اول مابدات كنت يوم اسوي ويومين لا ويوم كدة ويوم كدو يعني اعتني بشي في يوم والشي التاني يوم تاني..

المهم وبعد ماداومت وضاق الوقت علي وانتظمت صار نظامي كالاتي:

الصبح

اصحا .. عشرة عشرة ونص..

اتمطط اتشقلب الي تسمو المهم انا اسميها رياضه يعني شويه حركه واتنفس التنفس العميق واكتمو في بطني شويه واخرجو من فمي(سمعتها كتير في كل دورة كنت احضرها لان لها فوائد كتير)

يعني حركه تشبه التنفس لما تكوني مسترخيه ..

اجيب اربع شرايح خيار واحطها على عيوني ربع ساعه شريحتين شريحتين..

تاني شي : احط زيت ترمس ادلكه لين احس الدم يجري في دمي للوش والرقبه (يعمل على تفتيحو طبيعي وتحسي انو ينورو كمان)
وفوقو في نفس الوقت احط زيت الخوخ واخليهم نص ساعه
دي الزيوت يتباع بقوارير صغيرة انا جايبتو من مصر والي تحب اني اجبلها تراسلني على الخاص بس عندكم شهر يمكن بعد الزواج ما اقدر ادخل النت الواحد ما يدري اش ظروفو <<هرجي كثير والله انا عارفه حتلطش

اغسل وجهي بصابون نيفيا

احط زيت اللوز حولين العيون عشان السواد..(ادلكو لمده 5 دقايق)

(وحاليا بعد ما اغسل وجهي ححط ماسك الحليب لمدة ساعه)

اتروش..عالظهر

لما اخلص ترويشحاولي تستخدمي صابون ديتول خاصه في الاماكن الحساسه والي دايما مغطايه الي تحبس العرق)

اتنشف مزبوط عندي خلطه احطها على الاكواع والركب واليد والرجل مكون من

(جلوسوليد-مخلوط مع جلسرين عادي او سائل-مع ليمون) للعلبة الصغيرة تبع جلسرين 10 ليمونلت والباقي بكميات متساوية..

عامله منها علبتين علبه في الحمام وعلبه عند السرير عشان قبل النوم

برضو تعمل على تخفيف السواد وبالمداومه ازالتو وكمان ترطيب وتنعيم..

عشانو دبق الكريم شويه احط في يديني من كريم الجونسون..

بعد الترويش برضو احط زيت اللوز ..

عالمغرب احط نفس الزيت (مع العلم ان بشرتي دهنيه وما يضر) الترمس والخوخ .. بس براحتي بنوع الترمس اساسي والخوخ والبرتقال وغيرو بنوع كل مرة..كل شي ولو فوايدو .. واغسلو ..

قبل النوم :

جينا للقرف
احط الزيت الي مكون من (زيت توم - زيت الورد- زيت الجرجير-جوز الهند- الخروع- اللوز)
طبعا الريحه تكتم لكن الي بدو الدحة مايقول اح واحط كيس نايلون واستحم تاني يوم الظهر..

النتيجه للشعر بصرااااااحه:
اول شهر اذا داومتي علي يوميا بس لمدة شهر يكثر بطريقه ملحوووووووظة
دحين اجازة واستغلي عشان لاتقابلي احد بالريحه طبعا مو للدرجه حتكون لاصقه في الشعر بس بشرط ماتستخدمي الاستشوار في اول شهر

عاد باقي الثلاث شهور يطووول ويلمع ..

قبل النوم:

خلطة الجلوسوليد- زيت اللوز..

على فكرة الخلطة تشيل الجلد الميت مرة على مرة الي في الكعب..

بس اول اسبوين لما تتروشي تلات مرات في الاسبوع دلكي رجلك بالحجر

ولاتنسي اهم شي بعد الترويش البسي شراب

وياحبذا قبل النوم بس انا مااطيق الشراب وقت النوم ...

بس اضغطي على نفسك شوي

حتى لو الشهرين الجايه او ال6 اسابيع لو شي واحد انا بصراحه بدات بخلطة الجلوسوليد

وبعدين بالزيت للشعر

وقريب عملت الماسك الي بالزيت ..

والله يوفقني ...

ويوفقالجميع

تحملوني معليش طولت عليكم

نسيت اقول لكم بعد ماتغسلو وجهكم بصابون النيفيا

حطي شووووووووووووووويه من النيفيا البيضا الغير دهنيه مع قطرتين موية ورد في بطن يدك ودلكي بيها كل وشك ورقبتك اعرف ان قليل بس حاولي توزعي في كل الوش والرقبه هو قليل لان الملوب التنعيم واللمعه بس..
وقبل ماتحطي الزيت شطفي وشك

بالنسبه للشور بالاول كنت استخدم بلسم بانتين بس بعد الزيوت الي صرت احطها من الليل للظهر احس ان اتشرب ولما اغسلو مايحتاج لو ولا شي مع انا كنت حاطه حنة سودا يعني شعريي من تحت مقصف بس اتحسن

وللجسم انوع ماشالله دحين كل شي متوفر مو لازم من بودي شوب ..
في السبر ماركت اشكال والوان بروايح وكمان بفواحات وبخاخات معطرة للجو في الحمام يعني اخر حلاوة من جد تحسي بنظافه وانتعاش رااحه نفسيه

ولا اقلها لوكس السائل صار بالعنب وبروايح تجنن
واذا تبغي الريحه تمسك بجسمك اطول فترة لمدة 3 ايام وما عندك ولا شي يعني ولا طقم في كريو وبخاخ وعطر وزيت لبانيو ..

حطي اي كريم لو ان شالله نيفيا بس زي ما فلت شويه مو تغرقي جسمك لين تحسي يتزحلق ..
ورشي العطر الي تحبي والطريقه الصح لرش العطر ياترشي وتجي للرذاذ يا انك ترشي من بعيد وبكدا حتمسك الريحه .. مو شرط يكون بخاخ جسم دي الحركه كنت اسويها وانا مستعجله لما اكون رايحه الجامعه ..

وخطوة مهمة نسيت اقولها :
قبل ماتبداي في شعرك ضروري تقصي اطرافو لو ان شالله مو متساوي وانتي بنفسك

هذا اذا بدك النتيجه تجي من اول شهر والغرض انو الشعر يتنفس من اولو لاخرو


بالنسبه لوجهك انا جربت كل شي ورحت عملت تنظيف في كل مكان

نصيحة مجرب

اذا ماكان عندك غير الرؤوس السودا في خشمك ووشك صافي سوي زيي:
جيبي قدر فوري في مويه حطي فيها 5 اعواد بقدونس

شيلي القدر حطي في طاوله قدامك وجيبي منشفه واكمي على نفسك ربع ساعه حطي سماعات مسجل في اذنك عشانتتسلي
بعدين جيبي اللصق حق الخشم الي يتباع في الصيدليه وحطي على خشمك وهو مبلول لمدة 5 دقايق او زي ماهو مكتوب مني فاكرة لاني من زمان مااستخدمتو ماعندي شي الحمدلله

جيبي لبن زبادي واخلطي بعسل وشوووويه زيت زيتون طبعا الزبادي والعسل ربع ملعقه صغيرة ودلكي على وشك وخلي ربع ساعه واشطفي بمويه ورد مخلوطة مع مويه عاديه

وبعدين سوي خلطة العرايس الي يسوها قبل الزواج بيومين مده 24 ساعه حطي نشا وموية ورد وعلى وشك 5 دقايق واشطفي ومحا تشبعي من نفسك وانتي تطالعي في المرايه..

سوي كل شهر مرتين او مرة ..

واحب برضو اقولكم اني جربت كل مزيلا ت العرق البخاخ والكورة واحسن شي:
ليدي سبيد ستيك

مايسود الباط وماتعرقي كمان بسرعه يدوم 24 ساعه..

واسفه مرة تانيه على كلامي الكتير..

هل وغلا حبيباتي




نينا ريتشي



ألف شكر على اطلالتك مره اخرى

والله اول مرة أسمع عن ليزر للحبوب


الله يهنيكي ياعسل


ألف شكر ................


........................................





هلا وغلا




اوركيدا




الله يسعدك على هالروح الحلوة



الله يتمم لك على خير يارب

والله جدولك جدول عرايس ماشاء الله تبارك الله


فيه معلومات قيمه


بجد استفدت منه



الله يسعدك دنيا وآخرة


ويديم عليكي هالروح اللطيفه


ألف شكر ......................





تقبلا تحيااااااااااااااتي ...........

جدولك حلو hanooonah

بس نصيحتي لكي لاتستخدمي فاشكول لانو يخلي الشعر يتساقط وكل بلسم بصفه عامه
وبما انك مو صابغه شعرك حطي (حنا)لانو من جد الحنا مرره يكثر الشعر ويغذي الفروه ويقويها وخاصه انك فارده شعرك يعني الفروه بتكون ضعيفه
اتمنى تكون نصايحي عمة الفائده
وشكرا

هلا وغلا


sweet ksa


الف شكر على النصايح ياعسل


أسعدك الله في الدارين ...........

مرحبا حنونة ..

بالنسبة لي .. كثير استخدمت اشياء واللي حسيت انه مفيد هو مازلت مستمرة عليه ..

للوجه ..

عسل + زبادي + ماء ورد + قليل من المره ..

من اهم فوائده يخفف من الحبوب في الوجه ..

الشعر ..

زيت زيتون واحيانا عافية + مايونيز + عسل

مفيد جدا للشعر خاصة الجاف ..

واحيانا فقط زيت الزيتون .. حمام زيت بونا ويل ..

الجسم ...

فكس + جلسرين العلبة الحمراء + ليمون

مادري صح استخدامي ولا لا لكن قبل الاستحمام بساعتين استخدمه ..

ومن فترة حوالي اسبوعين بدأت باستخدام صابونة البابايا ..

هذه هي الأمور التي افعلها باستمرار ولا يخلو الأمر من تجربة شئ جديد لكن للأسف

كسولة وسريعة الملل ولا استمر عليه ...

يعطيك العافية حنونه ..

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..

الله كريم ونرجع لأيام العز والدلال

من آخذ دوش 3 مرات باليوووم الجو عندنا رطببببببببب

والصغيرة مبهدلتني وكل ساعة تستفرق على ثيابي وأورح أغير

الله يساعدنا

__________________

السلام عليكم ..
بالنسبه لشعر الجسم .. جربي المكينه .. مكينه موجوده بكل الصيدليات سعرها تقريبا 300 ريال الى 400 ريال

لما تشيلي بالمكينه نظافه نفس نظافه الحلاوه والمميز فيها انها تشيل الشعر القصير واللي توه نابت

يعني الحلاوه لازم تنتظرين لين يكثر الشعر عشان تشيلينه اما المكينه لا مجرد انه بدا يطلع

خفييييييف ما ينشاف تشيلين فيها من جديد


ميزتها نظافه واسرع وقت واسهل ويصير جسمك طول الوقت مافيه شعر مجرد انه يطلع خفيف غير

مرئي تنظفينه من جديد بسرعه وبسهوله بالمكينه

تنسين منظر جسمك بشعر كثير طول العمر

وخصوصا منطقه الابط .. بمجرد انه يبدا يطلع شعيرات قصيره وخفيفه تشيلينها بالمكينه وهكذا


تقريبا كل اسبوع استخدمها ما تاخذ ولا خمس دقايق ونسيت شكل الشعر بالجسم مررررررررررررررررره

هذا لشعر الجسم ..


اما للبشره .. اذا صحيت من النوم اغسل وجهي بصابونه خاصه للبشره فيه مليون نوع بالسوبر ماركت والصيدليات .. اختاري اللي يناسبك

بعدها كريم النهار

قبل ما انام اشيل الميك اب بمزيل الميك اب وارجع احط كريم الليل

انتهى الموضوع سهل وبسيط ومفيد

ممكن هو كريم واحد لليل والنهار مو مشكله بس يفرق ان كريم النهار مزود بواقي شمس

نفس الشي الصيدليات مليانه اختاري اللي يناسبك ويعجبك



شامبو هيربل وغيره من الشامبوات الى فيها مبالغه بريحه العطر تعدم الشعر

البلسم مظر مره مره مره مره لفروه الرأس ويطيح الشعر

لكن اذا انتي بحاجه للبلسم ضروري لا تشترين شامبو بالبلسم اشتري شامبو لحال وبلسم لحال

حتى اذا تروشتي بالشامبو وخلصتي وشعرك لسا مبلول حطي البلسم على شعرك بدون ما يجي للفروه ولا مقدمه الشعر .. كذا تستفيدين منه بدون ما يظرك


استمري على قص اطراف شعرك كل فتره


حمام الزيت للجسم والشعر والله انا اسويها على المزاج احيان مره بالشهرين واحيان 4 مرات بالشهر

كثرتها مفيده وقلتها غير مضره


اهتمي بحدود حتى ما تطفشي بعدين

الله يوفقك