في البدايه احب اقول لكم اني امووووووووت بزوجي و هو بعد يمووووووووت فيني و يحسسني بهالشي و لله الحمد و هو مب مقصر معاي في اي شي و اذا طلبت منه فلوس ما يقصر معاي و يعطيني اكثر من اللي اطلبه

بس المشكله انه ما ياخذ رايي في اي شي و اذا ابديت رايي في شي معين يسوي عكس اللي ابيه
احسه يعاندني و انا اعرف ليش يسوي هالحركه فيني ( في مشكله بينه و بين امي من اول ما تزوجنا و من ذاك اليوم ما شافها و لا شافته يعني من سنتين) و في اول ايام زواجنا كنا ماخذين شي من اغراض البيت و سألني وين احطه قلت له مادري قال فكري فقلت ليش ما اخذ راي امي فاتصلت و سألتها شنو احسن مكان احط فيه هالشغله
و من ذاك اليوم و هو ما يحب ياخذ رايي كله حاط في باله اني اخذ راي امي
مره قلت له ليش ما تاخذ رايي قال لاني اعرف انه مب رايج
انا يمكن غلطت في البدايه بس انا كنت صغيره و ما اعرف اقرر بنفسي احب اخذ اراء الناس
بس الحين احنا كملنا سنتين و لين الحين ما ياخذ رايي و هالشي يقهرني و يعور قلبي

و الحين يمكن نأثث بيتنا و نغير الصبغه قلت له ابي اسوي جي في هالغرفه و اصبغها بهاللون و و و
فقال لا اتعبين نفسج بيطلع البيت حلو بخلي واحد متخصص يسوي اللي يشوفه احلى انا ما عندي مانع بس ابي اختار عالاقل الالوان اللي ابيها في البيت

و من كم يوم قلت له ابي ادخل معهد (انا وحده احب الدراسه و واااايد طموحه و مخططه من زمان اني اذا خلصت من الجامعه باخذ دوره في احد المعاهد) المهم قالي لا قلت له ليش؟ قال مختلط؟ قلت لا في كلاسات للبنات و فيه كلاسات مختلطه و في كلاسات برايفت (خاصه) قال بس المعهد بشكل عام مختلط
اكييييييد يعني مافي معهد للبنات بس
المهم قالي انا الحين تعبان و مب فاضي
فخليته ياخذ راحته و رحت عنه
الحين مادري شاسوي عشان اقنعه انه يخليني ادخل هالمعهد بليييز عطوني حل، انا ابي افاتحه بموضوع المعهد مره ثانيه بس مادري شاقوله عشان يقتنع

اعرف انه عندي اكثر من مشكله حاطتهم في هالموضوع بس المطلوب منكم ألحين:
تعلموني شاسوي عشان اخليه ياخذ رايي و ما يفكر انه راي امي؟
و شلون اخليه يوافق عالمعهد؟

thanX in advance

__________________

بل و لا رد؟!!
بليييز ساعدوني

__________________

حبيبتي احمدي ربج على زوجج اولا لان المشكلة الحمدلله بسيطه اقرئي المشاكل الكبيرة اللي فالمنتدي عافانا الله
وبعدين تعلمي انج اذا بغيتي شي اطلبي فالاوقات اللي يكون فيها رايق او في غرفة النوم مثلا
بس انا انصحج انج تصارحينة ان انتي لازم يكون لج رااااي لانج ربة البيت واللي صار قبل كان من الماضي وانتي ما كنتي تعرفين شي حاولي معاه كلمية وصارحية حبيبتي ولا تعودين ريلج على هذا الطبع
ما في احلى من التفاهم بين الزوجين
واعتقد ان انتي الوحيدة اللي عارفة زوجج يعني صدقيني ان الحل عندج بس فكري شوي قبل لا تقررين
واتمنى لج التوفيق في حياتج الزوجية والعلمية
الله يسخرة لج ان شاء الله

اختي تدرين انه زوجتي مثلك بس انا مابيني وبين خالتي (امها) اي مشاكل بالعكس احترمها واحبها
بس يحز في خاطري انها لما تكون في مشكله واقول لها حل ماتاخذ فيه بس لما تساءل امها وتقول لها نفس الرائي تقتنع فيه
امشي هالشي بمزاجي وانبهها عليه على امل انها تتعدل بس بيني وبين نفسي مالومها انها تقتنع براي امها اللي ربتها على كل شي هي عليه الحين وترتاح اكثر لما تاخذ موافقه امها

نرجع لموضوعك
انتي غلطتي انك تبينين له انك تاخذي راي امك.... اذا ماودك تعطيه رايك لحد ماتساءلي امك قولي له ابي افكر او قرري بشي بعدين رجعي قولي له لا غيرت رايي احسن من انك تقولي له باساءل امي

بس الحين هو خلاص غسل ايده منك ... عشان تغيرين نظرته لك يبغاله وقت طووويل
ماظن يمديك تقنعيه بالمعهد واذا تخليتي عن المعهد عشان ماتسببي مشكله اكبر بينك وبينه ترا حياتك اهم المعهد لاحقه عليه ان شاالله اذا اشتغلتي على تحسين شيئين
اولا: تثبتي له انك ترتاحي لرايه اكثر من راي امك عشان تبينين له انك تثقي فيه وفي قراره فرصتكم في اختيار الاثاث انك تخلي الموضوع بينك وبينه بس ماتدخلين امك في الموضوع وقولي له هالكلام انك خلاص ماتبين تدخلين راي امك في اي شي وانه تبين حياتك معاه بينك وبينه وبتكون الفتره الجايه مثل الاختبار وان شالله بيقتنع انك تغيرتي
ثانيا: سوي اللي تقدري عليه عشان تحسني العلاقه بين زوجك وامك وانصحك تبدي من ناحيه امك وتحاولي تقنعيها انها تسوي شي هي من طرفها لتحسين العلاقه ..كوني انتي حلقه الوصل بينهم

تحياتي

مشكوره اختي باربي عالرد و عالدعوه
انا الحمد لله احمد ربي على زوجي
و انا كذا مره صارحته بس ما ادري ليش ما يبي يقتنع اني خلاص ما اخذ اراء الناس

اخ سعودي شرقاوي مشكور عالرد
انا عمري ما بينت له اني اخذ راي امي الا في اول زواجنا و كنت صغيره و ما اعرف اتصرف و ما عندي خلفيه عن امور البيت من مطبخ و هالسوالف (و مازلت بس شوي احسن من قبل) و قلت هو ريال و اكيد ما يعرف في هالسوالف فقررت اخذ راي امي
هالكلام كان في اول اسبوع من زواجنا و الحين احنا كملنا مع بعض سنتين و شي
و انا اصلا ما قمت ادخل حد في مشاكلنا و لا قمت اخذ اراء الناس
اقرر بنفسي بس هو الله يهديه ما ياخذ رايي من ذاك اليوم
و انا حتى عشان اخليه يكون متأكد اني ماخذت راي حد اقرر في نفس الوقت اذا اخذ رايي بشي عشان ما يقول اكييد خذت راي امها
و مع ذلك يسوي عكس الشي اللي انا ابيه

و بالنسبه لموضوع اني اعدل العلاقه بينه و بين امي فما اعتقد اني بنجح لانه هو راسه يابس و امي بعد حتى من يوم تزوجت لحد الحين امي ما دخلت بيتي (سالفه طويله) و انا من ناحيتي ما حاولت اصلح اللي بينهم لاني اخاف تعتدل العلاقه و تصير مشكله ثانيه و يزيد الحقد اكثر من قبل
فما بيدي غير الدعاء

__________________