زوجي نوى خصامي ثلاثة ايام وهو الغلطان عليه ..ويرى ان المراه ليس لها ان تزعل من الزوج حتى لو غلط عليها ...وعيب المراه تقول انت زعلتني بكذا....ويرى انه عادي الزوج اذا زعل من زوجته يوديها بيت اهله وهذا هدي نبوي ومن الدين...بداية ارجو الاجابه بانصاف وحق على هذه الاشياء هل هي صحيحه وارجو لاجابه على كل نقطه؟؟؟ امل الموقف الحصل بالتفصيل لكي تكونو على بينه ان ام زوجي ارسلت هديه(على حد قوله) عباره عن كيس مليء بالملابس القديمه (لا تستغربون ترى طباعهم غريبه جدا بس ما في وقت احكي ولا اريد ان احكي الا ما يتعلق بالموضوع الحالي محل الخلاف)من اجل اولادي ولا فيه شيء مناسب كله اشياء غريبه شتويه(مع العلم احنا غير محتاجين وجوزي لله الحمد من الاجاويد) وقلتله ما شاء الله وسكت واعطاني كمان علبة تمر صقعي وقالي هذي هديه من امي قلتله حلو جميل انا احب هذا النوع جدا وكنت شويه تعبانه ومقفهره وقلتله معلش انا تعبانه واشعر بشحنات سلبيه تخرج من راسي وذلك الان موعد الكريمه قرب (الحيضه) وطلعنا جلس يطلع بالملابس قلتله معلش مش عارفه انا ما احب الاشياء المستعمله لاني ما ادري مين اللابسها قبل وايش فيه من الامراض مع العلم انه قالي ان الكيس جاهم من ناس يعتقدون ان امه عندها اولاد تبرعات يعني(وترى هم ما محتاجين بس ارجع اقول طباعهم غريبه) فهاج وماج وزعل اني ما اشاركه الهديه وفرحتها قلتله انت ليش تبغى تفرض عليه هذا الشيء واني اذا ما قبلته كاني اصير خلاص قليلة الادب فقالي انتي فعلا قليلة الادب انك ما تقدري هدية امي وانتي محرومه منها وراح نتبرع بيها لليستحقونها وطبعا انا زعلت من هذه الكلمه........ثم بعد ذلك من عادته انه اذا سوى زي كده يعني يغلط عليه خلاص يكلمني ويؤمر وينهي وعايزني اكون كويسه ولا كان في شئ.بس انا بكون زعلانه وما بكون عايزه اتكلم عادي بس ارد على قد الكلمه...واسوي اليقوله...ثم سالني عن شىء ورديته بالعافيه ثم سالني مره ثانيه فقلت انت ليش مصمم تكلمني وتخليني اتكلم بعد الحصل هاذا فقال لي انتي ما تستاهلي تتعاملي كبشر فقلت كمااااان فقالي انه يعني يعاملني هو كبشر او انسان ماني فاكره بالظبط وقالي انه سياخصمني ثلاثة ايام ولن يكلمني ومر اليوم الاول وها نحن في الثاني وانا في هم والله خايفه من لعنةالملائكه لذلك اسال هل هي تلعن كل من زعلت زوجها سواء هو الغلطان او هيه؟؟؟؟وكمان والله صعبان زوجي عليه انا احبه وعارفه انه مهموم وانه الان يفكر اني ما اقدرما فعله لاجلي لانه لسه كان جايب اشياء لبيتنا كثير عشاني مكيف للمطبخ واشياء اخرى تكلف فيها ....بس ايش اسوي انا ما ابغاه كل ما زعل غلط عليه لان هو متعود وشاف ابوه يسوي اشياء كثيره في امه (اكثر من كده بكثير وبينهم انقطاع كبير لاسباب كثير)المهم وامه ترجع تتكلم ما ابوه عادي ولا تقدر تزعل حتى مع اولادها مهما سوو فيها ترجع تكلمهم ولا تزعل هو يبغاني اكون كده...وانا ما اقدر احس هذا قمة الاهانه للنفس والسلبيه ليش يعني وين الكرامه صح ما في بين الازواج كلمة كرامه بس لحدود يعني ما يتكبرو يصالحو بعض ويعترفو بالخطا.....المهم كمان انما جربت اصالح زوجي على طول بعدين اكلمه في غلطه بالهدوء فما يعترف بيه يقولي انتي لما تسوي شي غلط يباه تستاهلي اليجيك؟مادري كيف والله ما يعترف بغلطه ويقول هذا ردة فعل افعالك انتي؟؟؟؟اقول يمكن عرف خطاه حتى لو ما اعترف المهم ما يسويه تاني بس يسويه تاني يعني المشكله القبل هادي قال لي اخرجي بره الغرفه اطلعي ما ابغاك وقلتله عيب تقول كده لزوجتك التسويلك اكلك وكل شيء .............اذن المشكله ان زوجي وقت المشكله ينسى اني زوجته وانه لازم يحترمني حتى اثناء المشكله او الزعل صح ولا انا غلطانه وترى انا ما اغلط عليه اصلا ما اقدركيف الواحده تغلط بزوجها صح ازعل واسكت او قد اقول كلام باندفاع بس ما فيه سوء ادب وكله قبل هذه الكريمه تكون اعصابي فايره غصبن عني ما استحمل .....وهو يقول لاه تقدرين تستحملين وتغيري نفسك؟؟؟هل هذا صحيح ارجو قراءة موضوعي بدقه لان فيه اسئله كثيره مهمه لي وفيصليه في حياتي جزاكم الله الجنه اعينوني كي اعرف اخطائي وماذا افعل الان ازوجي وهو غضبان عليه؟؟؟

__________________
اللهم اصلح زوجي وأصلح به؛واهدي زوجي وإهدي به ؛واجعله للمتقين إماما؛واجعله نور عيني وخفوق قلبي