أنا عضوه جديدة في المنتدى وحبيت أكون صديقة لكم وأنا جيت أشاركم بموضوع مهم لاكن هناك بعض النقاط إلي أبذكرها قبل ماأبدى بالخطة

يتكلم عن تجربتي الخاصة والي غلطت فيها وكثير من البنات لأنهم ماألموا بجميع احتياجاتهم إما إنهم مزودين شي ماله داعي أومنقصين شي مهم.
ويتكلم عن البنات الي زواجهم سكاتي (في البيت) وأنا من وجهة نظري أفضله لأنه أقل تكلفه وأكثر بركة وسعادة بعد الزواج قال صلى الله علي وسلم (أكثرهن بركة أيسرهن مؤنة) والزواج المتكلف فبه مليجي من وراه خير لأنني أشوف أكثر حالات الطلاق والمشاكل الزواج من الي يسرفون في زواجاتهم ويحطون شي يغضب الله ومن ترك شيئا لله عوضه الله خيرا منه ولاكن من رايي الي تبي حفل تحطه بعد الزواج وبتفرح فيها أكثر لأنها بتكون مرتاحه نفسيا وبدون خوف وقلق ومنطلقه وبتستانس مع البنات وبعض الأزواج إذا حب زوجته ويسر الله عليه بيحط لزوجته الي تبي .
مهرها يكون مثلا 50 ألف
يتكلم عن الناس العاديين إلي عندهم ذوق ولايتكلفون بزيادة مثل الي تشتري الشنطة ب3000 وتلقاها ماتعرف تلبس وبعدين الناس يقيسون الوحدة على مستواها يعني لوصارت غنية وشرة رخيص بيقولون أكيد إنه من فرنسا أكيد إنه غالي وإن شرتوإن شرت البنت الي مستواها عادي غالي بيقولون أكيد إنه رخيص أكيد إنه تقليد فلا تتعبون حالكم لأن الحين فيه شي رخيص وزين وفيه ماركات مقلدة تقليد الأصلي وهي زينة ولا تكون من المقلد الخيص الي يخرب بسرعة
أنا في الموضوع محددة القيمة الافتراضيه لكل شي وكل على راحته بس أنا في نظري يكون أقصى حد لكإذا جاء المهر تحددين بورقة وقلم وش لازم تشترين وكم وبكم ومن أي مكان علشان يسهل عليك

الخطة

أي وحدة مننا أكيد بتبدأ بفستان الملكة لانها هي أقرب شي وأنا حددت قيمته مثلا 1500 ريال ويكون هادي بس لونه حلو وجذاب وفيه حركة بسيطة
والكوفيرة مثلا ب500 أقصى حد وهذا طبعا لكل شي حتى البدكير والمناكير وأنا أنصحكم ماتبالغون في المكياج ولا في التسريحة حتى تكونين أقرب الى شكلك الطبيعي ويحبك زوجك بهذا الشكل
بعد الملكة يبدا الجد وهو التقضي بس أنا انصحك ماتروحين بدري يعني قبل الزواج بكثير علشان ماتملين منهم وتروح موضتهم ولا تروحين متأخرة علشان ماتنحاسين ولا تنسين شي بس أحسن شي تخلصين قبل الزواج بإسبوعين علشان ترتاحين وتتهيأين نفسيا للزواج ويصير عندك وقت تشوفين نفسك وتعملين حمامات زيت وكريمات
وإذا رحتي للسوق تكونين محددة الي تبين تشترينه ومحددة قيمته سواء نقدا أو في بطاقة الصرف ولا تقولين معي لأنها بتقضي وبتشوفين فخليك ذكية ومدبرة

المشتريات

شنطة السفر وتكون طقم ومعها شنطة الاكسسوارات وشنطة المكياج وأنا بديت أشتري الشنطة علشان تحطين فيهم أغراضك إلي بتشترينهم ومايتضايعن ويخربن وسعر الشنطه مثلا 1000 ريال فستان العرس ويكون برايي الخاص وشكلكم بتحسبوني بخيلة وأنا إقتصادية ومدبرة أفكر زين ومجربة "معليش مدحت نفسي"
نستنتج منهذا غنه بيكون موغالي لأنك بتستعملينة ليلة وحده والرجال ترا مايدقق أهم شي أبيض ومعه طرحة وأنت عاد خلي فيه ذوق هذا إذا كان في البيت وإذا مالقيتي جاهز وزين وسعره معقول الي أناحاطته 1500 ريال روحي للسوق واشتري قماش وفصلية عند خياط شغله زين ومضمون لأن الفستان هذا مولازم يكون مركب على جسمك تركيب لأنه بيكون نافش فساتين المناسبات أنصحك ماتتكلفين فيها ولا تكثرين منها لأنها بتقعد بالدولاب وبتملين منها إذا مالبستيها وأنا أقول هالكلام منتجربتي الخاصة ومن بنات قرايبي وأقول اشتري فستانين أوفصلي فستانين بسيطات وناعمات وفيهم شويت شغل بس موكثير والسعر المعقول عندي للواحد من 1000إلى 1500 والباقي اشتري تيورات حلوة أوتنانير وبلايز منسقة وكشخة وعددهم بالإفتراضي 3 وسعر مجموعتهم 2500
يعني مجموع فساتين المناسبات بيكون 5000 ملابس البيت وهي الأهم بالنسبة لي لأن أكثر قعدتك في البيت فأنا أقول تشترين 3بنطلونات و3بلايز هذي مثلا ب1200 لأن اتجاهنا كله ماركات وأنت عروس وأشتري بدلة حلوه فرضا ب500 ريال و3فساتين قصيرة وحلوة وياكثرها ودائما أسعارها معقولة نقول حك فيها 1200 أو بعد لو تبغين تنانير بس لوكانت طويلة أنصحك ماتشترين لون أسود ولا جنز وأناموضوعي يتكلم عن مجتمعي الي هو السعودي والي يشابهنا في عاداتنا وتقاليدنن نرجع للتنانير قلت كذا علشان ماتتعجزين وتلبسينهم وتخلين الكشخه والملابس الزين لأنك اذا لبستي الملابس الكشخه وأنت طالعه في بداية زواجك راح تتمكيجين وتصلحين شعرك الجلابيات بتحتاجينهم وأشتري ثنتين وسعر الوحدة حدديه من100 إلى 1500
شنط المناسبات +الجزم وأناحطيتهم بعد الملابس علشان ماتتورطين وتعجبك جزمة أو شنطة وتشترينها بالأخير تلقينها ماتناسب مع اللبس الي شريتيه وأنا أقول الشنط مثلا 5 شنط 1- سوداء وقلت سعرها مثلا 400ريال 2-بيضاء وسعرها مثلا 300 ريال 3- شنطة ماركة فندي مثلا بسعر 1100 ريال4-شنطة قوتشي بسعر مثلا700 ريال 5- شنطة عملية جنز أوسبو ب200 ريال
نجي للجزم ولاتكثرين نصيحة واشتري جزمة للبيت ويكون فيها كعب بسيط ومريح لأنك بتلبسينهاحتى للمطبخ وماراح تطولين فيه أول أيام زواجك كذا شكلك بيكون أكشخ من الواطي الي مافيه كعب
جزمة سبور للسفر وتكن ناعمة و3 جزم كعب وحده سودا وحده بيضاء وحده بيج وجزمة للطلعاتك مع زوجك وتكون هاديه وفيها كعب بس مو عالي وحددت أسعارهم مثلا ب 1500الاكسسوارات وهنا أقولك بدون تعليق لأن هذا رأيي الخاص والي تبي تعمل فيه حياها الله ورايي هو اذا بغت تتزوج لاتشتري ذهب وهذاعاد حسب عادات وتقاليد كل ناس بس أناهنا اقول إن الذهب ياكل الفلوس وهو راح يجيك مع الهدايا وأنت الناس المقربين والي يسألونك وش تبين هديتك أومن دون مايسألونك أذا صاروا خواتك لأنك بتمونين عليهم قوليلهم تراي أبي مثلا من وحده خاتم حلو ومن ثانية حلق حلو وقوليلهم وش تبين شكله وهم أكيد راح يجيبون لك طقم زعمامنهم انه أوجه ولاكن بالعكس إذا صار مثلا خاتم زين بتسفيدين منه أكثر من الطقم وألحين كثرة لبس الذهب يخلي الوحدة شكلها قروية وبصي رعندك حق الشبكة والصباحة لو حبيتي تلبسين واستغلي هالتوفير للساعة واشتري ساعة حلوة وفيها لمسة ألماس موكثير لأنه لوكان كثير بتكون غالية مره وحددة سعرها مثلا ب5000 وساعة ثانية جلد وعملية وماركة مثلا جيفنشي ب 2000 ريال والاكسسوارات الباقية مثل البكل والشباصات والاساور وماشابه ب1000 ريال ونظارات شمسية ب1000ريال يعني مجموع الاكسسوارات ب9000 ريال
المفرش حددة سعرهب2000ريال يعني حق عرايس مو أي شي وفيه أغلى بس أنا نصحتكم ماتبالغون وتلقين عند مثلا كانون .الملابس الداخلية وقمصان النوم وأنا أقول تشترين 6قمصان نوم و3 بيجامات وقمصان النوم منهم حق أول ليلة وأفضله يكون أبيض وطويل أكشخ والقمصان الباقية نوعي واحد قصيو واحد طويل على كيفك وحبذا لو تكون ألوانمهم مختلفة علشان يبين ان فيه تغير وتكونين مطقمة الملابس الداخلية معهم وتكون بدون حديد علشان أريح بالنوم وبعض القمصان ماتحتاج سنتيان "معليش بس علشان تفهمون" لأن فيها شي يمسك من فوق ولايحتاج لأن السنتيانه بتخرب شكل القميص في بعض الأحيان وسعرهم حددته ب2000
والبيجامات تكون حرير أكشخ لأنك عروس وبجامات القطن ممدين عليها وسعرهم مثلا 1000السنتيانات والسراويل الزينه تشرينهم من محلات مميزة يعني دانتيلات وحديد وشغل وأقةل اشتري 4 أطقم 2 أبيض 1 بيج 1 أسود مجموعهم ب1000 ريال. وأشتري شي عادي وقطن للبيت وللطلعات العادية ونتلقينهم بالمحلات العادية بس مو أي محل وتشترين 5 أطقم 3 أبيض و2 أسود ب300 إلى 350 ريال
وأنصحك ماتشترين المنقطات والملونات الا اذا اضطريت تنسقينها مع فستان لأنها اذا لبستيها تحت الملبس وبانت شكلها موحلو وأنت مابعد صرتي تمونين على زوجك بتلبسينها لحاله وبعد كم شهر أكيد بتروحين للسوق اشتريها كنوع من التغييرالعبايات اشتري ثنتين وحددة سعرهم ب800 ريالوسجادتين لك ولزوجك مثلا ب150 ريال
العطورات أولا لاتكثرين لانك بتملين منها وبتخرب واشتري الحجم الصغي أو الوسط ونوعي شي لك وشي لزوجك وحددة سعر المجموعة منها ب1500 ريال والبخور لاتكثرين وانتبهي للنوعية الجيدة لأنه كثير المغشوش وحددة السعر ب2500 واشتري دهن عود ومسك ونوعي بالي تبين ولا تكثرين يعني نصف توله لكل نوع وحددت سعره ب1500المكياج وأنا خليته اخر شي علشان مايخرب وأنصحك ماتكثرين مثلا أحمر خدود وخوذيلك لونين -كريم أساس -مسكرة-2كحل للاحتياط لأنه مهم -روج 4 ألوان - كريمات وزيوت واستشوار وحددة سعرهم ب1500 ريال .

الحين خلصنا من الجهاز باقي كيكة العرس والشوكولاته ب1000 ريال لأنه في البيت والمسكة حقت العرس حددة سعرها ب400 ريال وكاميرة الفيديو حددة سعرها مثلا ب1500 ريال والحمام المغربي والحلاوة وحمام الزيت الي قبل الزواج ب500 ريال لاأكثر لأن الناس يبالغون لو قالو روحي سوي حمامات قبل الزواج بشر أو شهرين والصالونات الي تسوي عروض للعرايس ترا كل هذا مو صحيح يبغون فلوس لأنك تقدرين وأنت في البيت تسوين هالأشياء بالكريمات وبالزيوت الطبيعية وخليك ذكية وفاهمه وماعليك من احد أنت شوفي وش الصح لأنهم ماراح يشيلون لك جلدك ويحطون لك غيره ولا راح يشيلون لك الحبوب لو فيك بالعكس يمكن يزيدونها بس راح يعطونك شوي لمعة ونعومة وهذا تقدرين تسوينه وأنت في البيت وترا الناس اذا امدحا بالغو ولا شفنا الي يقولون والنعومة واللمعان تجي مع الحرص على الزيوت و التدهين والمداومة عليها وبالنسبة للكوفيرة حقت يوم العرس حددة أقصى سعر لها 1000 ريال ولا تستغربون وهذا بنظري أقصى شي للسعر المعقول بس أنت إذا رحتي للمشغل الي أنت عارفته منقبل وعارفه شغله زين أوعارفه الي بتصلحك زين أو اذا جبتي وحده في البيت لا تقولين إنك عاروس إسكتي وبتقولين ماراح تضبطلي إياه بالعكس إذا قلتي إنك عاروس راح تبالغ وتخليك كأنك مهرج وأنت افتحي المجلة ووريها وش ودك تكون تسريحتك ومكياجك والمشاغل لعابين والي بتشتغل زين سواء عطيتيها أكثر ولا أقل .الله يوفق كل وحده مقبلة على زواج ويسهل عليها ويعينها

والسلام عليكم ورحمة الله وبركاته

ادعولي بسخرة الزوج وصلاح العيال والعمل الصالح وحسن الخاتمة

وشكرا


تم دمج الموضوعين

بارك الله فيك ورزقك الزوج الصالح والحياة السعيده

__________________

الله يعطيكي العافيه استفدت منك كثير انا توني امس مستلمه المهر ومحتارة فيه
امي تقولي يكفي كذا اقول لا ابي اكثر وشكرا على نصيحتك ودي تكوني قربي استفيد [/SIZE]اكثر

السلام عليكم


ماشاء الله تبارك الله

بصراحه عجبني كثير الموضوع وعلى طول نسخ عشان استفيد منه في المستقبل القريب ان شاء الله


يعطيك الف عافيه

يا عروس
وان شاء الله يستفيدوا منه باقي العرايس:14:

ربي يسعدك ويفرج همك وينولك مرادك ويريح بالك

ننتظر المزيد من المفيد

__________________

لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني

إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا

موضوع اكثر من رائع ومفيد جداً

شكراً لكِ اختي الكريمة والف مبروك لعروساتنا

تحياتي

الله يعطيك العافيه يارب

ادعولي بسخرة الزوج وصلاح العيال والعمل الصالح وحسن الخاتمة

امين يارب

__________________





ياااااااااااااارب احفظلي بنتي ولا تحرمني منها وجعلها من حفظه كتابك ومن الصالحين وجعلها بااااااااااره ليا يارب ياارحم الراحمين