والله ياأخواتي بقول لكم تجربتي مع كريمات الليل والنهار للمحافظة على البشرة من التجاعيد


من كثر ماأقرأ عن العناية بالبشرة في المجلات رحت واشتريت كريمات من ماركات عالمية علشان ماتضر بشرتي شيء لليل وشيء للنهار وشي سيريوم .... ووالله أخرها كان سعر الكريم 800 ريال وعلبته حجمها وسط


حسيت والله على مااقول شهيد إن بشرتي تغيرت وظهرت فيها خطوط تجاعيد وماصارت نضرة مثل أول

ووقفت كل الكريمات ومتحسرة على اسعارها

وقالت لي أخت زوجي لإنها كانت تنوي حذو حذوي في شراء الكريمات بأن زوجها قال لها المرأة المسلمة وجهها يكون نضر من غير كريمات لإنها تغسل وجهها خمس مرات في اليوم للوضوء وتغطي وجهها من الشمس بنقابها مو مثل الأجنبيات اللى وجوههم تتأثر بالشمس والحرارة علشان كذا تتجعد ويحتاجون واقي ومرطب



وفعلاً توبة أني استعمل الكريمات مرة ثانية

والله يجعلنا من أصحاب الوجوه الناضرة إلى ربها ناظرة.





هذه تجربتي وعليكِ ياأختي بأكل الخضار والفواكه والإكثار من شرب الماء لنضارة البشرة وبالذات الطماطم والتفاح.



أم جوجو

أول شيء حبيبتي غلط 3 مرات تغسلي وجهكـ بالصابون في نفس اليوم ..

هو حسب التالي ..

جافة مرة واحدهـ ( والترطيب قبل النوم _ وبعد الاسيقاظ واذا كان جافة جدا ً 3 مرات ) ..

الدهنية ( مرة بالصبح ومرهـ بالمسا والكريم يكون مرة وحدهـ باليوم ) ..

المركبة ( مرة بالصبح ومرهـ بالمسا والكريم مرتين بس تخففي منهـ بمنطقة الجبين والانف والذقن ) ..

العادية ( تكفي مرهـ واحدهـ اذا استخدمتي الكريم مرتين خلي الغسل مرتين ) ..

الحساسهـ ( يفضل نوع صابون طبي والكريم نفس الشيء ) ..

وبعد الفلسفة وان شاءالله ما اكون لخبطت ..

انتبهي لهذهـ النقاط ..

الاكل لازم اكلكـ يكون فيهـ فايتمينات .. اذا حسيتي وجهكـ فقد نضارتهـ يكون نقص !!

المويهـ أكثري من شرب السوائل وحاولي المويهـ تكون اكثر من 8 كاسات ..

اذا بشرتكـ تتعرض للشمس باستمرار صح الواقي بيفيد لكن بتتأثر بشرتكـ ..

اذا بشرتكـ مو حساسهـ اعملي تقشير لوجهكـ ,,

وحاولي تحطي فيهـ ماسكاتـ مغذيهـ ..

وجربي حطي قشطة على وجهكـ ..

واتركيها لين تنشفـ وبعدين غسليها بمويهـ دافيهـ وبعدها باردهـ ..

وعليكي بشطف وجهكـ بالماء البارد ,,

ومثل ماقالت ولهـ التفاح مفيد وجربي البلح او التمر يعطي نضارهـ للوجهـ ..

والله يسعدك ويوفقك دنيا وآخرهـ ويسكنك الفردوس الاعلى انتي ومن تحبي ..