صدقيني ذهب ليس لجمالك وانما عندما قابلتيه لانه فقد الثقه

هناك بعض النساء غير الجميلات و متزوجات.....
و هناك نساء و بنات جميلات و عوانس او مطلقات و القطار فاتهم.....
او تعرفي شي.....
الدنيا حظوظ ....وكله قسمه و نصيب......

ياحبيبتي
أنا قدامك جميلة كل الناس تشهد بذلك , ومطلقة بعد .
يجيني خطاب , يشوفوني ,أعجبهم شكلا , بس ينفرون مني (مايرتاحون )
يعني ماجذبهم الجمال ههههههههههههههه
حبيبتي الجمال مو كل شي
وبعدين أنا على الرغم من وجود الجمال عندي إلا أني ماودي أتزوج واحد يبغيني عشان الجمال
أنا أبي واحد يبغيني لذاتي لأن الجمال سيزول لامحالة.
احمدي ربك إنه خلصك من ذاك الرجال , هذا يحب نفسه , لو كان يحبك صحيح كان رغب فيك مهما كان شكلك , بعدين ودك تاخذين واحد يبيك عشان شكلك ؟ ماأعتقد
أتمنى لكِ التوفيق وتذكري أكثر الجميلات مطلقات ومتغربلات .......

__________________
سبحان الله وبحمده سبحان الله العظيم
سبحانك اللهم وبحمدك أشهد أن لاإله إلا أنت, أستغفرك وأتوب إليك

انا ماراح اتكلم بمثاليه او تصنع ..

الكلام واضح من اوله .. بحكم معرفتي بالعينات هذي وعشت تجارب بعض الناس ..

الرجال هذا كذاب ويكفي طريقته في معرفتك .. وراعي لف ودوران ..

نصيحه مني اتركيه ولاتفكرين فيه لانه مايستاهل من يفكر فيه ..

الاشكال هذي له علاقات متعدده ... ويستغل طيبة بعض البنات بكلامه ووعوده بالزواج ..

والهدف معروف..

وصراحه واضح انك انسانه طيبه وعلى نياتك .. يعني في اعتقادك انه يبي يتزوجك ؟ حتى لو انتي جميله ؟؟

وهو اول شي لازم يقول الكلام هذا انه يبي جمال الروح ووووو الخ

علشان يطمنك بكلامه ... وانه طيب وصادق ..

وانا متاكد ميه في الميه انه عند اصدقائه يتكلم عنك ومخليك فاكهة مجلسه ..

ويعرف غيرك عشر ...

وانتي المسكينه شايل هم الدنيا كله ..

والله اني كم مره اشوف حالات مثل كذا وانقهر ..

نصيبك بيجيك انتي جميله او عاديه او قبيحه ..

والجمال مو جمال الشكل بس .. جمال الاسلوب والشخصيه .الخ

فيه ناس ممكن يكون شكله شين وسمين وحالته حاله .. لكن شخصيته مميزه واخلاقه عاليه

وتلقى الناس دايما حوله وتحبه وتحاول تتقرب منه ..

اذا انتي انسانه مرتبه ولبسك حلو وانيقه وتهتمين بنفسك .. وروحك خفيفه وصاحبة اخلاق ومبدا....

فانتي ماينقصك شي وكثير يتمنونك .. وراح تلقين الي يسعدك طول عمرك ..

ولاتفكرين الافكار هذي انا شكلي شين انا ماحد يبيني ... وتحتقرين نفسك .. لااااا

الواحد مايقدر يحكم على نفسه .. وحتى لو انتي كذا .. لاتحتقرين نفسك ..

الجمال له نشوه وتروح ويبقى الاساس ..

والناس تحب الجمال وماحد ينكر الشي هذا .. لكن انتي عندك فكره ان الجمال هو كل شي .. وانتي تعممين الفكره على كل الناس .. وهذا خطا

وشوفي الحياة من زاويه ثانيه .. والزواج والامور هذي لو تعتمد على الجمال كان ماحد تزوج لارجال ولا بنت

واتركي عنك الاشكال هذي ..

انا ودي اجلسك مع بعضهم ..

يكلم هذي وشوي يكلم الثانيه

وهذي يبي يتزوجها

والثانيه يلعب عليها يقول انا كاش ( غني ) وانا وانا ..

والثالثه يحبها ومايقدر يتخلى عنها ... وكل يوم يطلب منها شي ..

ويضحك عليهم في مجالسه ويتكلم عنهم

انا طلعت فلانه ورحت معها وسويت وفعلت .. وفلانه تركتها وتحبني وانا ماني فاضي لها ... الخ

يمكن كلامي ملخبط شوي ..

لكن يوم شفت الموضوع تذكرت موقف مشابه له وحبيت ارد ..

إتقي الله .............إتقي الله

وهذا الحاصل بسب البعد عن الله

وإستغفري الله وبإذنة سوف يزول هميك

__________________

أسأل الله لكم راحة في الابدان وصحة من الاسقام

لو اتفقت اذواق الرجال لبارت النساء
الجمال يا اختاه جمال الروح لمن يدرى
ربنا يهديكى ويهدى روعة قلبك
ىرزقك بافضل منه تقرى معه بالذرية الصالحة

__________________

انا بصراحه عندي مبدأ انه كل جميلة غير سعيده وكل سعيده تكون غير جميله
لان الله عوضها عن الجمال الذي تفتقده بالسعاده
اما الجميلة فيكفيها انها جميلة فقط
تحياتي

__________________