السلام عليم ورحمة الله وبركاته

والله محتاجكم كثير.....ابي اقولكم المشكله دايركت....واتمنى المساعده...:

انا طالب جامعي معدلي ممتاز واتخصص لغة انقليزيه والحمدلله الوظيفه مظمونه بأذن الله الواحد الاحد.

ابوي انسان مثقف وشهادته فوق الدكتوراة وانسان ديموقراطي وفاهم الدنيا كثير والحمد لله.

انا حبيت بنت عمي الله يرحمه وابوي استلم الوكاله يعني صار مكان ابوها شرعا.

طلبت من ابوي اخطبها لي وانا بأخر سنه كون الحمدلله قربت اخلص كليه وابي استقر نفسيا قبل التخرج

والوظيفه والحين الموافقه من طرف ابوي سواءا على او عليها وبعد معاناة وعذاب وافق ابوي عليها فقط ولم

يوافق عالخطبه,دايما يقولي مابيك تاخذ من بنات عمك لانه صارت قبل 25 سنه مجادله مع زوجة عمي(امها)

بعدين طلعت حجه جديده يقول انا ابيك تفكر بالماجستير والدكتوراة وانت تفكر بهالتفاهات !!!!

بعد فترة قالي انت مراهق والغريزة الجنسيه عنده وتبي اخطبلك عشان هالشي وبعد فتره بتعاف البنت.

حالتنا الحمدلله تمام وشكلي حلو وقلتله لو ابي اقدر اروح السوق وربي اجيبلك 100 بنت بس مابي انا نيتي صافيه واحبها وتعرفون الحب وش يسوي وانا قلتله ابي تكون علاقتي فيها شرعيه وش المشكله لمى تصير خطيبتي وبعد ما اتخرج واتوظف نتزوج مع انه تقريبا بأذن الله سنه من الان نكون متزوجين .

بعد فترة يجيني للغرفه ويجلس يحاورني ويقول بالنسبه لي وتوقعاتي انها مي زوجة المستقبل.

ياناس ابوي مايعرف الحب طول عمره بالدراسه وشلون بيقدر موقفي مع اني جيته من الطرف الديني.

انا حالتي تدهورت ونفسيتي تعبت جدا,,,,,,صار شكلي جدا سئ كنت متفوق وشكلي راح افشل وزني نقص كثير واللي يشوفني يرحمني ...

يجيني ويقول اللي تبونها انا حاظر ومالي دخل لانه اختياركم ولمى اقول هي يقول لا ...بالله مو تناقض ؟؟

انا صرت ماجلس بالبيت وعصبي والمصيبه انها قالت عني اني بيبي يعني الحين ابوي حطني بمواقف احسد عليها صراحه ومهما صار ماله داعي اللي سواة

حرااااااااااااااام ليش ماخطبلي اياها ..... والله لو عرفتني الناس يطيح من عيون الكل


يتعب لخاطر عيون الناس وزوج كل عيال عمي وعيال الناس وانا ولا همه

والله حراااااااااااااااااااام

السلام عليكم ورحمة الله وبركاته :
من رأيي أنك تبدي لوالدك بأنك لو ماتتزوج بنت عمك ماراح تتزوج نهائياً وأتمنى من الله لك التوفيق
سبحان الله وبحمدة سبحان الله العظيم

__________________

هلابك اخوي مدللللل

سويتها يعني معقوله ماتمر علي ؟؟؟

بس يعطيك الف عافيه عالمرور...

من توكل على الله فهو حسبه
صلي وأسخير
وأدعي أن ربك يلهمك ألصواب
نصيحه
أذا أنت مقتنع بالي براسك أصر ولزم عليه
أولاً احس أن ابوك رافض بنت عمك لسبب يمكن أنت تجهله
أعتبر هذا الموضوع معركه ولازم تخرج منها منتصر
لكن غلط منك أنك تعصب وتخرج من البيت وتتتعب في نفسيتك
أنت حتى لو تخطبها الحين باقي في وقت الين الزواج يعني معاك وقت تقنعه
عشان كذا أصر ودخل أحد أحد بينك وبين الوالد حاول تقنعه بكل الطرق
كلمه كل ماسمحت لك الفرصه قله وبين أن دوم ماقصر معك وانه رباك واحسن تربيتك وساعدك وكملت تعليمك
وأن باقي يبارك لك هذي الخطوه
خلك متشبت برايك أذا رفض أطلب منه سبب
خلك وراها أذا حس بقوة نيتك راح يرضخ ويسلم
ناقشه وتكلم معه
وخل عندك امل
والله يهديه ويوافق
ومبروك مقدماً

كلم الوالده وخلها تقنع ابوك وان شاء الله تقدر عليه

__________________
ادعولي ربي يفرج همي... محتاجه لدعواتكم

أخي الكريم ..أسأل الله أن يعينك وما أدري هل تكلمت مع والدتك؟؟ حاول أن تضمن موافقتها واجعلها في صفك ولا شك سوف تكون أقدر منك على التأثير على والدك ونقطة ثانية كأني فهمت منك أنك تحدثت مع ابنة عمك برغبتك فيها وصراحة ما كان ودي انك سويت الشيء هذا مباشرة

مالك الا امك اهي اللي تقنعه حاول تهدده اذا مانفع النصح قوله ابترك الدراسه

حاول تتودد له بكل السبل قوله اذا تبني اخد الماجستير شجعني واخطبلي اياها

الله يوفقك مالك غير الدعاء

جزاكم الله الف خير وان شاء الله ما انساكم من الدعء

اغلبكم يقول امي وطبعا امي موافقه عليها وتمده لي بس امي تأثيرها على ابوي بالمواضيع هذي 0%

ماراح تنفعني ولا تسوي شي بموضوعي.....اكيد جربتها


انا بحرب مثل ماقال اخوي وانا فعلا انسان عنيد وخصامي واحب انتصر دايما وخصوصا ان كان من حقي هالشي

والمصيبه ان دخلت احد بيني وبين ابوي....مصيبه وكارثه بيزعل ويقول فضحتنا وانا عندك وش تبي بغيرك

الله يعيني ويعينكم....بجد تعبت

__________________

اخي ... اتوقع ابوك خايف من هذا الزواج خصوصا انه ولي بنت عمك ...

لا سمح الله قد لا يكون هناك توفيق .. حتى لو كان هناك حب .. الحب ليس كل شي في الحياة الزوجية ..

يمكن خايف من كلام الناس << مثلا تقدم لها آخرين ورفضهم طبعا برفضها .. والناس مالهم الا الظاهر ..

فهو رفضهم لاجل يزوجها لابنه << كلام الناس دائما هكذا ..

الوالد شايل همك وشايل هم بنت اخوه وكلاكما صعب بالنسبه له ..

كل شي مكتوب .. وحاول بالكلام السهل اللين .. وعليك بالدعااااااء والاستخارة ..

والله يكتب لك التوفيق في الدارين ..

ديو....والله كلامك عسل عسل بجد احس اني اقتنعت بكلامك وراح اصارح ابوي انه اذا هذا الشي اللي مستند عليه ولا لا ؟؟

بس انا بحاول بالكلام اللين والقاسي وان شاء الله يكون فيه خير بالمحاولات واتمنى انكم ماتنسوني من الدعاء وانا راح ادعي لكم كلكم بالتوفيق والنجاح...

__________________