مشكور اخوي على الرد بصراحه أغلب اللي ردو زادو من مواجعي بس ردك ورد بعض الأخوات والله العظيم اسعدني وعطاني امل وبخصوص وضع الشباب هالأيام والله انك صدقت الله يعيننا كلنا على بعض مشكور الله يعافيك ويخلي لك زوجتك ويبعد عنكم المشاكل يااااااااااارب

__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح

الله يوفقك ويسعدك عليكي بالصبر
بس ممكن سؤاال: انتي على ايش حبيتيه يعني ايش الي جذبك فيه بصراحه؟؟؟
اسفه على السؤال

__________________
افعل ماهو صحيح ثم ادر ظهرك لكل نقد سخيف

لا تراسلية وانتظري واذا راسلك ردي عليه برسالة لاتدقين عليه من الفرحة وشوفي ردة فعلة اذا دق عليك واعتذرلك وقالك مشتاقلك من زمان ماسمعت أخبارك من هالكلام معناتها يعزك ويحترمك فاصبري عليه أما اذا دق وعاتبك ولا سأل اش أخبارك وحط الخطأ عليك عذرا على كلامي بس اتركيه افضلك لأن مو عارف قيمتك ولا يحترمك اساس الزواج الناجح الاحترام المتبادل بين الزوجين ترى الرجال مايحب المرأة إلي ما عندها عزة نفس والله يعينك ويوفقك ان شاءالله

انا رجعت لموضوعك من ثاني يا اميره ..

قرأت كل ردود الاخوات بتمعن ..

وسويت بحث باسمك في المنتدى وراجعت كل مشاكلك اللي كتبتي عنها ..

كان ودي القى في مواضيعك خيوط قصتك الاولى ..

وبداية المشاكل ايش كانت ..

كل كلامك دايما عن وجهة نظرك انتي في المشكله .. والترسبات الكثيره اللي في داخلك ..

ودي اعرف تفاصيل اكثر عن خطيبك عشان نقدر نفهم شخصيته .. ونعرف نلاقي حلول مناسبه ..

انا مملكه مثلك من ثلاث سنين ..

واقدر اقول لك ان السنوات الثلاث هذه هم اصعب سنوات حياتي ..

كلها مشاكل وزعل وفراق ..

كرهت اليوم اللي انخطبت فيه ..

وماكان يمر علي يوم من دون ما افكر بالفسخ .. ي

عني نفس حالكم ..

لكن من فتره قريبه قررت اني اصحح الوضع كله ..

بديت ادرس شخصية خطيبي زين بمساعدة اعز صديقاتي .. واراجع حساباتي كلها ..

وفعلا لقيت الخلل في علاقتنا ..

وبديت اصححه شوي بشوي من اسبوعين ..

والحين لو تشوفي خطيبي كيف صار تعامله معي ..

تغير ١٨٠ درجه .. سبحان الله كأنه شخص ثاني ..

رد مثلما كان بأول ايام خطوبتنا .. كلامه وتصرفاته !!

انتي كاتبه تفضفضين
لانك من الخاطر متضايقه

وانا اعرف شعورج لانه زوجك بالضبط مثل زوجي
هو يخاف من المسؤوليات والارتباط
اذا انتي ما تريدين الطلاق
فلازم تغيرينه قبل الزواج
ولازم لانه لو اتزوجتي على هذي الحاله
وقلتي بغيره بعد الزواج صدقيني ماشي بيتغير

اكيد زوجك لديه اهتمامات اخرى
دوري على اهتماماته
وشاركيه فيها

مثلا انا لاحظت انه زوجي يحب البلي ستيشن
ومع اني ما اطيقه
صرت ادور على الالعاب
والعبها
واحل معاه الألغاز
وصدقيني صرت احس انه في تفاعل بيني وبينه
وصرت احس انه متزوجين

في نقطه ثانيه
اعرفي انتي حسيه او سمعيه او بصريه
واعرفي زوجك من اي نوع
حاوريه وتفاعلي معاه بالطريقه اللي هو يحبها
وبعدين جريه للمكان اللي انتي تبينه

لما تكلمينه لا تحسسيه بأنه هو الغلطان
لما تشتكين من شي
حسسيه انه هو مب السبب
وانك بس تبينه يخفف عنك
او انك ترتاحين تكلمينه

واذا لاحظتي انه اتضايق
اعتذري وخليه هو الملك
وقوليله انا آسفه ما كنت اعرف انطك بتضايق

واخيرا
حاولي انك ما تتصلين فيه كثير
ومثل ما هو ينشغل عنك
انتي مثلي عليه انك مشغوله
وانك مش فاضيه دايما علشان تكلمينه

عامليه بذكاء
وانصحك ان تقرأي كتاب الرجال من المريخ والنساء من الزهره لانه سيفيدك في فهم الرجل اكثر

الله يهديه ويشفيه يارب

وانتي ما قصرتي وقفتي معاه وان شاء الله تكون في ميزان حسناتك

وننتظر الاخبار السعيده(:

__________________
سبحان الله وبحمده..سبحان الله العظيم..

مشاعره مرهفه مشكوره يالغلا والله اسعدتيني بتفاعلك ومحاولتك فهم شخصيتي ومساعدتي
مدري وش اقولك بس بإختصااااااااار شديد كنت انا وياه سمن على عسل وكنا نحب بعض لدرجة الجنون
السنه الأولى.........السنه الثانيه تعب وتغير وتعبت انا أكثر لأن التغير فجأه واكتشفنا بعد فتره انه السحر{حسبي الله ونعم الوكيل} ولله الحمد والمنه تعافى بفضا الله ثم قراءة القراءن وبإذن الله دعوات أمه وأهله ودعواتي وصار طيب لكن من كثر تعبه اللي شافه أيام المرض نفسيته تعقدت من كل شي وصار24ساعه
متضايق وبرضه تعبت انا وياه إلى ان اقنعته وراح لدكتور نفسي وقال عن حالته وعطاه ادويه مهدئه اسأل الله تعالى ان يشفيه..........بس والله انا من الداخل تعبت وانهرت ولاعاد حس فيني قلت ابتعد وارتاح شوي واستودع فيه الباري....................أختي والله ماودي اكتب اكثر واتضايق ياليت تكونين مقدره شعوري
واشكرك على وقفتك يالغلا...................

__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح

لمسة حنان مشكوره مشكوره واللي جذبني فيه..........................وخلاني احبه..................
اشياء كثيره........................افتقدتها في الفتره الأخيره وعندي امل كبير ترجع........
سر الغموض تسلمين يارب بس الله يبعدنا عن الطلاق ويفرج همومنا
سحابة ود مشكوره ربي يوفقك والله يسمع منك

__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح

الأخت alaeraمشكوره على تفاعلك ربي يوفقك وماقصرتي
وان شاءالله ربي يفرجها وتسمعون عني اخبار حلوه بإذن اللي ماتنام عينه

__________________
سبحان الله وبحمده سبحان الله العظيم
ادعو لزوجي بالرحمه ولي بالصبر ولأبنته بالصلاح