ذكري يوم عقد زواجنا قربت وبعدها بأقل من اسبوع راح يكون يوم ميلاد زوجي
ابغى افكار حلوه ومفاجأت وش ممكن اشتري له هديه ؟؟ وشلون ارتب لهاليومين مع انهم قراب من بعض !!
ابي افكاركم ساعدوني

ملاحظه زوجي ماهو رومانسي ولا يحب الورد ولا الشموع وولا يعترف فيهم وش ممكن يونسه ؟؟ ماعنده غير هوايه وحيده وهي البرمجه وطبعا انا مااعرف شي فيها وغير ممكن اشتري شي له علاقه فيها كتاب مثلا لانه ممكن يكون قديم او من غير فايده

وش اسوي عشان ابسطه

وشدعــــــــوه محد عنده فكره ؟؟؟؟؟؟؟؟؟؟؟؟؟

اذهبي لاي محل لبيع السي دي هات

واشتري له مجموعة سيديهات للبرامج الجديدة

وهانك الكثير من البرامج المطورة التي يوميا تنزل مثل برامج التعريب والميديا وايضا برامج التجسس وسرقات الايبي

وبرامج الترجمة واشياء رهيبة تنزل يوميا وما يمكن لاحد ان يحيط بها كلها

وانصحك بشراء له مجموعة القرأن المرتل بصوت قارئ يحبه فهي هدية جميلة جدا

ربي يوفقكم ويبارك لكم

__________________

اختي الفاضله
انا اقولك انتي بخبرتك حاولي تزرعي الرومانسيه وحركيها .... وانا لا اعتقد انه سيتأثر وبالنسبه للهدايا
اختاري الهدايا التي تناسب شخصية زوجك مثلا اذا كان جديا فالساعه تكون شي جميل له اذا كان
ابرز ما في شخصيته الاناقه اشتري له قلم جميل او ميدالية مفاتيح زي كده يعني وان شالله افدتك....
وننتظر من غيري المشاركه

المعذره اختي
هناك خطأ انبه واقول ان الانسان يتغير بالتأثر من الغير وهذا الذي اعتقده ان شالله

السلام عليكم
أنا كنت محتارة مثلك بس بعد تفكير قررت ان اخذ الاطفال عند امي واخذ اجازة من الشغل واجهز العشاء على طاولة دائرية بها مفرش مناسب وأفضل اللون الوردي وانثر عليه اوراق الورد وأضع فازة دائرية بها ورد بيبي روز وردي وشمعدان وجهز العشاء ويكون المنيو فكس أي أفرض طبق ستيك مثلا وأرسل لزوجي مسج اخبرة اني عازمتة على حسابي على العشاء واحدد الوقت في هذه الاثناء تقومين بتجهيز نفسك وتقومين بلبس ملابس نادلة وتنتظرينة عند الدخول وترشدينه الى الطاولة المعدة مسبقا وتأخذين طلبة وهو الستيك بد أن تخبرينة ان المنيو فكس ولكن يختار الصلصة م تضعين الطعام وتقومين بتشغيل الموسيقى في هذه الاثناء تقومين بلبس بدلة سهرة وأنا افضل فستان الزفاف مع تعديلات بسيطة طبعا بعد وضع المكياج وتجلسن على الطاولة حيث يتخللها الاحاديث والدلع والغنج والرقص سويا ثم تستأذنين متعللة للذهاب الى الحمام ثم تقومين بتبديل ملابسك ولبس قميص النوم التي قمتي بختيارة بالنسبة لي اخترت لون وردي ووضعت لوشن بنكهه الفراولة وعمل مايلزم لهذه الليلة ثم تتطيلين البقاء داخل غرفة النوم المزينة بالورود والشموع حتى يمل ويأتي للبحث عنك والباقي متروك لكم

شاكره لكم يا اخواني بس انا ابغى واحد عنده خبره بالبرمجه ودي يقول لي وش يعني
complier ?? وشهو آخر شي جديد بالنسبه هالشي لاني مره سمعته يقول انه يحبه
او يحب اي كتاب جديد في البرمجه والجافا؟؟ آخر السي ديات الخاصه بالشي هذا ؟؟؟؟

اختكم ......>>>ميح بالسوالف هاذي


شسوي زوجي مايحب الرومنسيات :sودي اسوي له شي يبسطه
افكر اسوي له كيكه على كومبيوتر ههههه من زود حبه في البرمجه وهالشغلات :P
عموما شاكره لكم