السلام عليكم ورحمة الله وبركاته
صبحكم الله بالخير والسعاده
اليوم انا ابغى مشورتكم وياليت ماتبخلوا علي
طبعا عندي اختين اللي اصغر مني ثالث في الكليه واللي اصغر منها في ثالث في الثانويه المشكله تكمن في ان اختي اللي في الكليه رافضه فكرة الزواج الان ولقد تقدم لها حوالي خمسه وهي ماتبغى تتزوج الان واحيانا تجلس تبكي وتخاف من الزواج والخطوبه ولما يخطبوا اللي اصغر منها يرفضوا اهلي بحجة انه ماتتزوج الصغيره قبل الكبيره وعلشان اكون معكم صريحه اختي الصغيره نفسيتها مره تعبانه تقدم لها ناس كثير وكلهم ماشاء الله عليهم مافيهم شيء يعيبهم لكن اهلي رفضوهم مع ان اختي الكبيره راضيه ان تتزوج الصغيره قبلها وقالت هذا الكلام لأهلي لكن لا حياة لمن تنادي
سؤالي لكم هل يجب على الاهل ان يزوجوا البنت الكبيره ثم التي تليها وهل هذا يعتبر من العدل بين الاولاد؟؟
وهل هذا النظام موجود في كل البلدان ؟؟
ويا ليت اللي صار لها نفس الموقف هذا تحكي لنا عنه يعني اي وحده تزوجت اختها الصغيره قبلها
يالله الحين ابغى اشوف مشاركتكم وارائكم لا تبخلوا علي الا ترى بأزعل عليكم
والسلام عليكم ورحمة الله وبركاته

__________________

أختك الكبيرة الله يهديها معقدتها !!!

الحل انكم تقنعوا الاهل يزوجوا الصغيرة

حاولوا بشتى الوسائل

حتى لو اظطر الأمر ان الكبيرة تقول للجميع انا ارفض الزواج نهائيا

لاقبلها ولابعدها

تعطيهم من الآخر

بعد زواج الصغيرة يحلها الف حلال

لكل حادث حديث

والله ياحبيبتي اللي يجئ نصيبها تتكل على الله
وفي هذا الزمان الواحد يدور ستر البنات
وحاولي ان تقنعي خواتك ان اللي يجئ نصيبها تتزوج والله يوفقها

__________________

في بيتنا الكبيره أول .. بدون مشاكل .. يعني لما يخطبون ما يخطبون إلا الكبيره..

بس صارت معي مره .. جوا ناس يخطبوني و كان في 2 من خواتي أكبر مني.. بس كنت صغيره بعدني..

يعني الأهل رفضوا للسن و الدراسه فقط.. يقولوووون .. بس حقيقة أنا مادري السبب..

بس الحين الدور واقف على محسوبتكم.. موقفه الطابور اللي وراي.. خخخخخخخ

بس كثير نشوف الصغيره لي جا نصيبها طارت و كلٍ و نصيبه ..

و الحمدلله على كل حال..

__________________

اللهم ارزق إخوتي زوجات صالحات و أخواتي أزواجا صالحين عاجلا غير آجل يا رحيم..

"علمت أن رزقي لن يأخذه غيري فاطمأن قلبي"

انا الحين ملكت وانا عندي اخت اكبر مني بسنتين ... اهلي من البدايه كانو رافضين بس اختي كلمتهم وقالت لهم انا


راضيه انها تتزوج


بعدها بس بكم يوم انخطبت أختي بس ماصار نصيب


الظاهر اهلك رافضين انه الصغيره تتزوج قبل الكبيرهـ ..انا اهلي لمن كلمتهم اختي صار كل شي والحمدلله


الي رزق الصغيرهـ .. يرزق الكبيرهـ ان شاء الله


اختك هموووم

__________________
"رَبِّ إِنِّي لِمَا أَنزَلْتَ إِلَيَّ مِنْ خَيْرٍ فَقِيرٌ "

كل شيء قسمة ونصيب أختي
وبعدين انا اختي اتزوجت واناالكبيره بس قلت لهم عادي
نصيبها وبعدها اتزوجت عادي مافيها شي لما تتزوج الصغيره قبل الكبيره
ربي يسعدك و أخواتك بكل الخير

جزاكم الله خير ومشكورين على مروركم وتعليقاتكم اللي اسعدتني

__________________