بصراحه أخاف أن أقول لكي نعم شكك في محله أختي لذا ما عليكي سوى النظر في بعض الأمور الخاصة بك وبالبيت من حيث العناية والاهتمام أكثر ومهم أيضاً أسلوب التعامل الذي لا يخلو من الدلع والنعومه فهو أكثر ما يجذب الرجل وإن كنتي لا تقصري في هذه النواحي فبصراحه لا أملك لك حلولاً أخرى سوى عليكي بالتوجه للخالق فهو يكفيكي

__________________

السلام عليكم ورحمه الله وبركاته


اعانك الله اختى

بس احب اقول لك اظبطى اعصابك

ولاتقصرى فى حقه ابدا وكونى دايمه شمعه منوره

دامه يبغى الغالى ويبغى الماركات انزلى واشترى واللبسى

لاتخلى على نفسك قاصر واى شى يتمناه وتقدرى تعمليه اعمليه على طول

واهم شى انك توكلى امرك الى الله وامر الله نافذ

واصبرى شوى الان هو متأثر بزواج صديقه بكره يتأثر بمشاكل صديقه الى ماراح تنتهى الا اذا كان سبحان الله ربى رزقه بزوجتين ملاك يكون حظك الله المستعان


الله يعنك وكتب لك ولنا الاجر على تحمل الرجال

الله يعطيك العافيه

لك فائق احترامى

السلام عليكم,,

اختي اعتقد عشان تحافظين على زوجك

ادخلي نادي او سوي ريجيم عشان تنحفين,, مو عشانك نفسك عشان زوجك,,

و البسي من الماركات,, و اهتمي بنفسك و سوي اللي هو يبيله و ادلعي عليه و سوي له مفاجات رومانسية,,

هذا وجهه نظري مع العلم اني مو متزوجة ((يعني ما عندي خبرة بهالامور صراحة))

والله يوفقك اختي و يخليلك بناتك يارب و يحفظ زوجك لك يارب,,

__________________

اولا شكرا لكل اخواني الي ردوا علي وجزاكم الله خير
زوجي الله يسامحه على الحاله الي وصلني لها
يمكن انا شاركن اكثر من مره من قبل اشكي لكم انه مهملني ومهمل مسؤولياته وما يهتم الا بنفسه وبالمقابل انا صايره الام والاب
اكفي احتياجات الاطفال والبيت والخدم وكل شي وهو ما عليه الا يلاقي شغله جاهز
وفوق هذا في النهايه قام ينتقدني
الوزن انا مازدته الا من الحمل والولاده والحمدلله انا من ولدت قبل شهر ونص نازله تقريبا 15 كيلو والحمدلله وحاليا ما اقدر اسوي رجيمك لاني ارضع بنتي طبيعي وراح يقل عليها الحليب
بالنسبه لمظهري مثل ما قلت لكم انا توني طالعه من النفاس ومسويه نيو لوك جديد بالشعر من صبغ وقص وشاريه ملابس جديده واكسسوارات وكل شي وطبعا على قدر استطاعتي
يعني من وين اجيب فلوس للماركت؟ حتى راتبي قاعده اصرفه على البيت يعني هو ما يدري؟ ليش يتطنز علي وهو اعلم بالحال! انا لما كنت ببيت ابوي ماكن علي قاصر بس لمن تزوجت صار راتبي اشارك فيه بالبيت ونقص علي وايد
من ناحية الحياة الجنسيه الحمدلله انا واسعة الافق واقرا واطلع على هذه الامور من المنتدى ومو مخليه عليه قاصر فيما حلل الله
وما اعتقد الحين في احد يعاني من النظافه الشخصيه بالعكس والله احيانا اشوف منه الي ما يسرني واسكت خصوصا وانه مدخن مما يسبب رائحه كريهه بس اتحمل
والله قلبي يعورني وصايره اشك فيه وايد ومو مرتاحه وصرت دايما اراقب مكالماته غصبا عني وهو متضايق من هالشي
احس انه يخوني خصوصا عقب ما بين لي وجهة نظره بالخيانه
انا بموت من الحيره احس حياتي ما لها طعم