أختي غلووو بقول لك اللي عندي وان شاء الله تستفيدي


أنا يوم زوجي سافر استقبلته مع أهله لني ساكنة ببيت أهله وكان حلو

رتبت الشقة ونزلت جلست أسولف مع أمه وما قعدت لحالي أفكر وأحاتي

وكان زوجي مسافر مع أبوه وأخوانه ومحد من زوجات أخوان زوجي كان موجود

وبصراحة خالتي تحبني مرة وذا سبب من الأسباب

وحسيت يوم جه زوجي مرة فرحان يوم شافني عند أمه

وسلم عليهم كلهم وعلى طول خذني للشقة فوق ونا كنت متعدلة والشقة مرتبة وجاهزة من كله


وبالنسبة للتغير في بيتكم فيه أشيا كثيرة ممكن تضيفيها وتغير لك البيت كله فوق تحت

زي تغيير الأبجورات اللي في الصالة وفي غرفة النوم أختاري النوعية الأرضية الطويلة ,

التحف وخصوصا المزهريات الأرضية أو حطي نباتات بالزاوية وتكون طويلة عشان تلفت النظر

وتعطي خضرة ومنظر حلو مرة واشتري ورود طبيعية وخليها في فازات فوق الطاولات

غيري الستائر أو سوي فيها حركة , ممكن تشتري سجادة للحائط وتخليها بالصالة عند التلفزيون

ولا تنسي الوسائد << الوسائد مهمة مرة بالصالة وعند التلفزيون تعطيك أحساس بالدفء وفي نفس الوقت

لها دور في شكل الأثاث غيريها حاولي تغير الألوان بيبان تغيير كبير بالصالة وخذي أحجام كبيرة ومريحة

وناعمة وبأحجام وأشكال مختلفة وطبعا الألوان متناسقة

وأنصحك تجيبي ألوان دافية زي البني المخملي لنه الجو دحين بارد وجيبي وسادتين كبار مرة وخليهم

على سجادة الأرضية بين الأريكة والتلفزيون عشان تجلسون عليهم وبالأحضان وااااو .................

خلي شمعدان كبير وناعم وورود طبيعية فوق طاولة الطعام

وشتري بارتشن جديد خشبي أو ملون يعطي شكل جنان خليه بمكان الفاضي أو أفصلي غرفة الطعام

عن الصالة وخلي عليه مثلا قطعة قماش شيفون بطريقة حلوة ..

والأهم الأستقبال وبالتوفيق حبيبتي أن شاء الله يجي زوجك بالسلامة وتقري عينك بشوفته

المشاركة الأصلية كتبت بواسطة أحلى الذكريات من رأيي أن تستقبليه في منزلك ...حتى يكون اللقاء كما تريدين...بعيدا عن الأعين... أما بالنسبه لتغيير اثاث المنزل ..إذا عندك وقت وماديات كويسه ..اتجهي للمحلات..واختاري ما تريدين.. أما إذا ما في وقت...اكتفي بتغيير شكل الجلسات (الصالون)..والكنبات يعني أماكنهاتغيريها على ذوقك في نفس المكان .و.إضافة المفارش البسيطه..والاكسسوارات..التحف. وبالنسبه لغرفة النوم.. ممكن أول شي يجي في بالي..تغييرمفرش السرير..مثل ما أفعل ..وعطور المفارش وتطييب المنزل ككل ..والبخور والعود..لا يعلى عليها..والرائحه الطيبه لها سحر غريب على النفس..(أنا لو دخلت محل للعطور والعود.... ما أدري شي يصير ودي ما أطلع..)..ان شاء الله أكون أفدتك...