السلام عليكم ....
اولا احب اشكركم علي المنتدي الحلو واللي عنوانه احس انا وكل من شاهده بأن كل اللي يدخلونه ناس كبار في عقولهم وفي تفكيرهم .... انا جديد علي المنتدي وحاب اني اخذ يعني رايكم او اني اقول مشكلتي وياليت والله كل انسان انه يرد علي بكل صراحه ويقول رايه اذا يعني قدر انه يفيدني....
انا انسان كنت متزوج من انسانه بنت عمي ولا عرفتها الا بعد ماتزوجتها بحكم العادات والتقاليد اللي اكثركم واتوقع الاغلبيه نفسي بحكم العادات والتقاليد بالخليج يعني نفس الشي المهم تزوجتها وحبيتها وعشقتها موت وصارت والله هي حياتي وكل شي فيني وكنت اعيش انا وياها في بيت ابوي اللي هو متوفي وكنت انا اكبر اخواني وكنت يعني مسؤول عن كل شي بحياتهم وبالعربي لولا الله ثم انا والله يدجوون ويظيعون المهم زوجتي كانت مقدر هذا الشي ومتفهمه وكانت طالبه تدرس بالجامعه وجتني منها بنت وصار بيني وبينها خلاف علي الروحه لأهلها وتطلع بدون ماادري من بيت ابوها وقلت لها كذا مره لا تروحين الا انا عندي خبر وهواش زوجي عادي مثل مايصير مع كل الازواج المهم احنا نتفق علي شي واحد ان الواحد مايقدر انه يفارق الثاني وحب مشترك بين الطرفين ....
اخير تخرجت من دراستها اللي والله بعض المرات ماارد للبيت إلا المغرب بحكم المحاضرات واذا صار وقت فاضي اخذها واتمشا وياها واتغدا وياها وعلي هذي الحاله وبعد التخرج تبي تتوظف ؟؟
انا ابيها تتوظف بس تم توظيفها في قطاع انا مااابيها فيه وقلت لها اطلعي وادخلي قطاع ثاني وزعلت وطلعت من البيت وعاشت في بيت ابوها لمدت سنه وكل ماجيت للبيت ماتطلع لي ولا ترد علي وقلت ابي ادز الوالده وجتها ولا ردت عليها يمكن تقولوون كل زوج يقوول المبررات اللي تخليه هو المظلوووم بس يشهد الله اني علي كل ماسوت فيني والله اني احبها مووت وقلت ابي اشوف ابوها اللي هو عمي واخو ابوي ولا لقيته بالبيت وقلت لولد عمي ابي اشوفه بكره بعد المغرب وجيت ولا حصلته وقلت يمكن مشغول وابي اجي بكره ونفس الشي مارد علي ؟؟
حسيت اني انا قاط نفسي علي ناس مايبوووني ويشهد الله اني تعبت نفسيا ولا ادري وين ارووح وحسيت ان حبي راح وان الانسان اللي عشقتها من كل قلبي ماتبيني واني كنت في وهم ..
رحت وتزوجت وحده ثانيه ومن دوله ثانيه بس من اقاربنا وبعد مارديت للبيت دقت علي زوجتي وهي تبكي وتقول ليش تسوي هذا الشي ؟؟
وليش تاخذ علي وحده ثانييه ..؟
قلت لها انتي اللي خليتيني ولا تبيني واناجيت البيت وطلبتك كذا مره وجت لكم امي ولا رديتو عليها وجيت لعمي اللي هو ابوووك ولا قابلني ؟؟
انا يا .......ماني فاسد ولا انساان خربان وانتي عارفه هذا الشي والزوج مايقدر يعيش بدوون زوجه وانا ابي احصن نفسي ولا ابي اني اروح للحرام ....
تقبلة هذا الشي وقلت لها انتي عارفه مكانتك في قلبي ولك اللي تبين بس ردي للبيت مع العلم اني مااخطأت بحقها بس ابيها وابي ترد للبيت ...
ردت وعاشت وياي بنفس البيت وكانو نفس الخوات وهي فيها غيره بس الحمدالله الثانيه كانت بارده وعشنا وحملت الجديده وجابت ولد ؟؟ زوجتي الاولا كان عندها بنتيين ....!!
كنت حااس انها زعلانه ولا بينت لي وكانت تنام معي عادي ....... وفي ليله من الليالي وانا كنت نايم وياها حسيت بشي ورحت اغسل وشفت شي في ملابسي وغريب وسألتها عنه وقالت لي ارحامي تعورني وهذا الشي علاج وعادي ؟؟ قلت لها بحسن نيه لا تحطينه ألا وعندي خبر ........
وبعدها قامت المشاكل اللي مالها اي داعي تحاول تكبرها وتسوي منها مشكله واحس انها تبي تطلع من البيت بأي سبب ممكن
وانا كنت طالع من البيت تفاجأة ان اخوها الصغير ماخذها من البيت ومعها كل اغراضها وباليوم الثاني اخوها الكبير طالب ورقتها ؟؟
وقلت لهم اللي تبووونه يصير ..... والله انه اصعب قرار اتخذه ويشهد الله اني احبها ...
طلقتها وكل يووم اتخيلها ...
المشكله اللحين انا ماعاد اطيق اي بنت حتا زوجتي ماابيها ولا احس اني رجال ؟.؟ ولا اقدر اقول حق احد اني مااقدر اني امارس اي شي واحس انها سوت لي شي بس مااقدر اقووول او يمكن ماابي اتخيل هذا الشي ......
والله اني احبها من كل قلبي .......
تكفوون ساعدوني شنو اسوي او شنو الحل انا والله تعباااااااااااااااااااااان حيييييييييييييييييييييييييييييل ....
واشهد ان رحيلها هزني حييييل بعد .....
تكفون فيه علاج او فيه حل ووين اروووووح .......؟!!
13-02-2004, 12:51 AM
ضوابط المشاركة
العرض العادي
