لا ادري كيف ابدا

بصراحه انا متضايقه جدا... و حبيت افضفضلكم..


انا فتاه عمري 25 سنه ..و تقدم لي الشخص الذي احلم فيه و اللي اهلي يحلمون به.. و لكن المشكله في عمره ..الشاب عمره 36 !! مهندس راتبه ممتاز ..و مؤدب يصلي... خلوق..

انا بالاول كنت رافضه الموضوع بسبب عمره ..و رفضت اني اشوفه..بعدين امي اقنعتني اني اشوفه و يمكن يكون شكله و روحه اتدل على شخص عمره 30 .. المهم اقتنعت.. و جاء الشخص. و طلع يبين شكله 40 !!!

يعني يبين عليه كبر العمر !!! انا بالاول انصدمت.. لانه مبين كبير... و لكن لما جلسنا و تبادلنا الحديث.. ارتحتله و ارتحلي.. و قبل ما يرويح من بيتنا سأل والدي انه شو الاجراءات عشان يمشي بالموضوع ( يعني اني عجبته و الباقي علي)..

ولكن المفاجأه كانت عند اهلي.. انه انصدمو بشكله لانه يوحي بكبر العمر !! و بدأ التردد .. و امي ضلتها ساكته ..اسألها شو رأيك تقولي ما اعرف..

يا اخواني.. انا رح ارجع اشوفه مرة تانيه هذا الاسبوع .. و لكن امي تقولي حكمي عقلك .. ما تخلي عواطفك هي اللي تسوقك الى القرار.. و ما تخلي اي حد يأثر بقرارك.. يعني اذا وحده قالتلك منيح و ممتاز توافقي..!!

يا جماعه انا احترت.. ما عارفه شو اسوي.. خايفه ارفضه بس لمجرد الخوف و العمر و انه ما نكون متفاهمين .. و مره اقول لأ فرصه و يمكن يحبني اكتر و يدللني لأنه عمره كبير و محتاج للحب و اللي تدير بالها عليه ..

امي مره تقولي.. انها خايفه ما تقدر اتدلله مثل ما تدلل زوج اختي .. لأنه زوج اختي عمره 29 و هو من اقاربنا.. بس هذا الشخص غريب و عمره كبير يعني يمكن يبعدك عنا

و الله محتااااااره موووت ... يا جماعه هل فرق العمر له تأثير.. صحيح انا كنت رافضه بالبدايه بس لما شفته صحيح اني انصدمت اولها بس بعدين اتأقلمت و حسيت انه عادي .. انا صليت صلاه استخاره اكثر من مرة قبل ما اشوفه و بعد ما شفته ....

رجاءا من اللي متزوج و في فارق عمر بينها و بين زوجها او بينه و بين زوجته يقولي شو هي السيئات و الحسنات .. و شو تنصحوني..

انا في انتظار نصاحئكم و ردودكم المفيده... و شاكره لكم جهودكم الطيبه