مساء الخير او صباح الخير ..


اخواني ويا اخواتي بالتحديد...

انا صارلي الحين تقريبا سنه ونص متزوجه ... وكنت ساكنه مع زوجي في مدينه بعيده عن اهلي


والمدينه هذي جميله ومعروفه ... وكنا كل يوم نطلع ونتمشى وننبسط... قليل تمر ايام ما نطلع فيها


ونسوي احيانا احتفال براا البيت اذا فيه مناسبه ...



اما الحين .. صار لزوجي دوره في قريه بعيده


ومممله لابعد درجه ... لا مطاعم ولا اسواق ولا فيه اي شي نتمشى فيه ...


وحنا لنا فيها تقريبا شهر الحين واحس ان الملل بدا يدخل حياتنااااا.... اربعه وعشرين ساعه بالبيت


لا دخله ولا طلعه ولانشوف احد ولا شي.... عشان كذا تكفووون ابيكم تعطوني افكار ونصايح نغير فيها من حياتنا



من جيت هنا سويت ليلتين رومنسيتين له ... والحمد اله انبسطنا ... وبصراحه ما عاد اقدر اسوي ثاثه


لانه دايم معي وصعبه اتقظا لليالي الرومنسيه معه ... كذا تخرب المفاجأه ...


عشان كذا....... ابي افكار اغير فيها من حياتنا ااااااااا .... اي شي



المهم نطلع من جو المللل .............. ارجوكم لا تنطنشوني.... لاني معتمده على الله ثم عليكم

__________________


ارجوكم لكل من قراء كلماتي ...ادعوا لي انا وزوجي بالتوفيق والسعاده

وان يهدي زوجي ويرزقني بالذريه الصالحه ...اللهم اميين

والله انا رديت عشان ما يكون المنتدى خالي
على العموم جربي يوم بعد مايروح للعمل رتبي البيت عادي
اطبخ له وجبه الغداء بدري وبعد ماتخلصيها سوي له تورته با ايدك الحلوه وسوي معاها عيصر وبتلاقي الوصفات موجوده في قسم الطبخ وبعدها تجهزي له كاسيت او حتى اذا ماعندك مسجله ادخلي النت ونقي الي يعجبك وتكوني لابسه لبس يبين الجسم اربطي على خصرك ورقصي له او حتى ممكن تلبسي فستان عرسك وتفاجئيه
ممكن تروحي لاهلك يومين وتقضين حق الاجواء الرمنسية وبعدها ترجعي لبيت زوجك اذا ماقدرتي تقضي من المكان الي انتي فيه
والله يوفقك

ممكن اذا جاء من الدوام تكونين مجهزه الغداء وتطلعون للبر تغدون خاصه ان الجو الان حلو
ممكن في الاجازه الاسبوعيه تروحون لمدينه قريبه من القريه تقضون ا جازه الاسبوع فيها
وبالتوفيق

قال شاعر بدوي
الصبر زين وفي معناه ثنتين فيه الجميل ويورد الحق راعيه

فأنصحك بالصبر
ثم الصبر
وأيضا الصبر



























فالعاقبة حميدة بإذن الله








وحاولي دائما أن تكيفي نفسك على الجو الذي تعيشين فيه







ثم إني ناصح لك عليك بالدعاء فهو خير وسيلة وأقرب طريق للراحة
اسأل الله ان يفرج عنا وعنك

__________________