بسم الله الرحمن الرحيم



زوجتي ولدت قيصرية ..وعلى كلام الدكتور ان الحوض كان ضيق ومااعرف ايش ...رزقني الله ولد والحمد لله ..طبعن انا كنت عارف ان القيصريه يبي لها وقت على مايتم الحمل الثاني علشان ماتتعب الزوجه ..قدر الله وبعد ماصار ولدي اربع اشهر ومع الأربعين تقريبن خمس اشهر ونصف حصل الحمل ...

سؤالي وش نسبة ان الولاده تكون طبيعية ..وسبق واستفسرت من الدكتوره وقالت لي ..فيه بعض النساء يكون جدار الرحم مايستحمل تحمل إلا ثلاث مرات بس .......وبعضهم ست مرات بس ..وهكذا ..يعني على حسب قوة جدار الرحم.

طبعن الوالده الله يطول بعمرها تعرف حريم كل ولادتهم قيصرية ..ومافيه احد يطمني الا هي..فلانه جابت سبعه وفلانه جابت خمسه وتخبرون سوالف العجز

ياليت اذا من تجربه او من مصدر موثوق..والود اني مااقعد على طفلين او ثلاثه بس ..والله الرزاق


الله يعطيكم الصحه والعافية

مافيه ولا رد ؟ ..طيب اقل شي عطوني لنك ادور فيه بنفسي

أخي إذا كانت العملية بسبب حوضها الضيق ..
فأظن أن هذه المشكلة ستبقى دائما معها وفي كل ولاداتها ..
إلا إذا كان تشخيص الطبيب غير سليم ..
والله أعلم ..

عموما يا اخ رايق بالنسبة للحوض إذا كان ضيق فعلا ماتقدر زوجتك تولد الا قيصري ولكن بالنسبة لعدد الاطفال كل اللي اعرفهم لهم ست ولادات يعني ست اطفال واعتقد انهم كفاية في هذا الزمن وشكرا

__________________

السلام عليكم

كلام الاخوات سليم

اذا مشكلة الزوجة ضيق الحوض اذن ستظل المشكلة موجودة كأحد العيوب البنوية لديها ويكون الحل هو الولادة القيصرية لصعوبة مرور الطفل من الحوض الى الخارج ..


بالنسبة لعدد الولادات القيصرية فهى عادة تعتمد على حالة المرأة في العمليات السابقة وسلامة الرحم من حدوث اي التصاقات او مشاكل ,, ولكن تبعا لاحدث الدراسات فان العدد المناسب للولادة القيصرية هى 3 مرات فقط , وهذا لا يمنع ان يوجد نساء يلدن لـ5 و 6 مرات ..

لذلك كما كذت يكون الفصل في تحديد العدد المناسب حالة المرأة و سلامة الرحم من اي التصاقات ..

تحياتي لكم ..

__________________

عندي صديقتي حوضها ضيق وماتولد الا بقيصريه


والدكتوره قالت لها انه لها 4 مرات حمل بس ولو صار بالخامسه راح يكون خطر عليها


لانه الجرح يمكن ينفتح اثناء الطلق ...


وانت اسئل الدكتوره عن حاله زوجتك وتاكد


الله يوفقكم يااارب

اعتقد ان يختلف من امراة الى امراة ،لاني اعرف كمن وحده ولادتهم قيصريه وحده قالو لها لج 9ولادات بس والثانيه قالو لها خمس والله اعلم

__________________

ربي يعطيكم الف عافيه ..كفيتوا ووفيتوا ..وفعلن كلامكم كله صحيح لأن الدكتوره اكدت لي كلامكم ميه بالميه ..مشكورين مره ثانيه

اخوكم

أعرف امرأتين الأولى أنجبت 7 أولاد والثانيه 4أولاد و3 بنات وكلتاهما جدتين الان وهناك حاله بالسعوديه منذ 6 سنوات تعرضت لها الصحف أنجبت اذا ماخانتني الذاكره 10 أو 11 بعمليه قيصريه ماشاء الله...
والحوض اذا كان ضيق فكل الولادات ستكون بقيصريه فالحالتين التي ذكرت احداهما تعاني من ضيق الحوض..