السلام عليكم أعضاء...

منتداكم أقصد منتانا فوق الروعة.. في مواضيعة وفي كل شي..

ما بطول عليكم،، وبعرض مشكلتي على السريع.. المشكلة إلي هالكتني ومخليتني بين نارين ..

نار أمي ونار زوجي (عرفا إنقول خطيبي يعني معقود قرانا بس لكن مو مزوجين .. يعني مو عايشين في بيت واحد و وو و يعني إنتي العارفين)

أمي لما إتشوفني أطلع مع خطيبي أو يتكلم معاي أو نضحك ونسولف تنقهر وعقب ما أرجع البيت ما تكلمني ولا تحادثني وتحسها مضايقة حدها ودايما إتقول لي إنتي من إنخطبتي وإنتي باعدة عني ألف ميل إنتي مو مثل قبل .. الحين حياتك بس الجامعة وخطيبك وبس... و وو و

يعني من هالقبيل ..,

حتى خطيبي حس إن الوالدة ماتتكلم معاه بنفس يعني كأنه واحد مسوي جريمة.. وماخذ بنتها من حضنها.. وتم يهذر على راسي أمك ماتحبني ولا تحب تشوف شكلي و وو و

مره أتحمل ومره أبكي ومره أضايق وخاطري لا أشوف أهلي ولا حتى خطيبي..

حياتي صايرة مأساه.. مادري شسوي..

أوقات تقعد معاي إختي وتقول لي إنك لما تطلعين أمي تقول لي (أنا ما أدري ليش أسوي هكذا ..) تقول إنها تغار من خطيبك لما يكلمك ولما تخرجي معه.. وتريدك دايما حولها..

لكني ماني متحملة شسوي ؟؟؟؟؟

تدرون أنا قاعدة أكتب لكم مشكلتي وأمي توها زافتني الحين مادري على شنو... خلاص ضاق خلقي وأتمنى الموت ولا أشوف حياتي مو مستقره..

يمكن ما عرفت أركب الجمل على بعضها أو أوصف المشكلة بس لاني الحين منقهره حدي..

مسامحة

اختي الكريمة يرجى الابتعاد عن الالفاظ العامية لكي تكون المشكلة مفهومة لجميع رواد المنتدى وشكرا / البتول

يااااا بختك يا شهووودة ..
ما شاء الله تبارك الله على والدتك
والله إنتِِ في نعمة ومو حاسة !!


لكن أكيد تعلقها فيك السبب
خففي من اهتمامك المبالغ في خطيبك
وبالذات أمامها !
وبلاش الخروج .. بيتهيالي أفضل
تأجليه .. أو خذي الوالدة معاكِ

تحية ،،

__________________

يكفيني .. أن أكتبَ
وأن أتسَلى ..
كي تكونَ خيبتي
" جميلة " !

اختي الكريمة يمكن هالشي بيصير مع كتير بنات انه امهم تتعلق فيهم وتحس انه خطيبهم حيخطفهم منهم
عليكي بالصبر اختي ،وحاولي تفهمي خطيبك انه امك ما بتكرهو وحاولي معاه انه يصبر عليها
وان شاء الله ربنا ييسرلك طريقك ويعدلك امورك

السلام عليكم ..

اختي الكريمة ، يبدو من معاملة أمك لك أنك تكثري الطلعات مع خطيبك ..

في فترة الخطوبة ما حد قال لك لا تطلعي وياه لكن خففي الطلعات ..

تجنباً للمشاكل وكل أم تحب تشوف بنتها سعيدة ، اسئليها عن السبب ليش متضايقة يا امي ويش الأسباب

اللي تخليك تتضايقي ، كذا تتفهم امك بالهدوء والنقاش وبدون اي عصبية

وما في ام ما تحب لبنتها السعادة ..

واهم شيء تحاولوا تستعجلوا في الزواج علشان لا يصير مشاكل بينكم لا سمح الله

وبالتوفيق

__________________
قد نلتقي.!

حسابات الزمن.. أدري والله إنها تحبني ويمكن أكثر وحدة من بين خواتي.. لكن هذا الشي مضايقني إنها ما قاعدة إتعاملني مثل قبل..

وتدرين من كثر حبي لها وخاطرها عندي.. أحس روحي أكون في مشاكل مع خطيبي.. عشان أرضي أمي بس.. وهذا الشي مضايقني..

ببساطة !!!!!
حاولي اقناع زوجك المستقبلي ان يدعو امك معك وتذهبان سويا على ان يدللها ببعض الكلام ويشتري لها هديه رمزية كوردة مثلا لان الوردة تنبت وردة وامك انجبتك وانتما وردتان ....الخ .
بذلك ينكسر حاجز(الرسميات).
فوالدتك تغار وهذا شيء طبيعي .وبعدها ستتفاجئين بوالدة جديدة؟؟!!!
وحاولي ان تتقربي من امك لانها بحاجة لك على ما يبدو فدراستك وزوجك يشغلان كل وقتك.

__________________
دائما وابدا ,كل مكان وكل زمان.
الحمد لله والشكر لله .
ولا اله الا الله.

انا مافهمت منك الا ان امك تغضب حين تخرجين مع خطيبك لكن لم افهم هل هو غيره من خطيبك او ان غضبها بسبب كثر خروجك او غضبها بسبب قله حديثك معها بعد عودتك ربما انت عودتيها دائما ان تخبريها بما يحدث معك في فتره خروجك وبعد خطبتك لم تعودي تخبريها بشي وذالك هو السبب الارجح براي
* ان كنت ممن يخبرون امهاتهم بما يحث معك فجلسي فعها وتحدثي مع امك بماحدث مع خطيبك بشكل عام ابلغيها انه معجب بشخصيتهاوهو يحبك لانك مثلها
*وان كان السبب هو غيرتها منه فاالافضل ان يدعوها للخروج معكم وان يعطيها هديه
*وان كان سبب غضبها كثرة خروجك فا قللي من الخروج معه
والله الموفق




الأخت الفاضلة
توقيعك مخالف ، برجاء تغييره حتى لا تتعرض عضويتك للايقاف