اختي عمرها 22 تقدم لها شاب عمره 26 و هو مهندس وسيم يعمل في الاعمال الحرة و وضعه المادي متوسط. سألنا عنه الكل مدح اخلاقه و أدبه و عائلته الا انه يعيبه امرين الأول انه غير حريص على الصلاة يعني يصلي في البيت و الثاني انه حق بنات بس اللي سألناه يقول انها علاقات سطحية لا توصل لحد العلاقة الغير شرعية يعني حده مكالمات و مسنجر.

اختي محتارة و ابوي و امي رافضين بس ما يبون يضغطون عليها اما انا فاحترت صراحة و ما ادري ايش اقول حق اختي , انا اشوف انه عيوبه ممكن تتعدل بعد الزواج بشطارة زوجته و اعانتها له على الطاعة و البعد عن سفاسف الأمور , ثانياً هو الحين عازب و طبيعي يدور على بنات يتكلم معهم لملأ الفراغ العاطفي لديه و اكيد بعد الزواج ما راح يكون عنده فراغ عاطفي حيث زوجة و خوش زوجة ما شاء الله على اختي قمة في الجمال و الأخلاق و الرومانسية. رغم ذلك الا اني اخاف اقول لها هالكلام ثم ما يتغير بعد الزواج او ينتكس و تحملني اختي المسئولية.

ايش رايكم , في انتظار نصائحكم الله يخليكم.