توني متزوجه من خمس شهور واحس كاني متزوجه من خمسين سنة الحمد لله احب زوجي وزوجي يحبني مافيه شي منكد علي الا معاملة امي لي بتستغربون صح بالعادة الوحدة تشتكي من ام زوجها بس أنا اشتكي من أغلى الناس من أمي معاملتها لي تغيرت 180 درجة بعد الزواج صارت تكرهني احسها تغار مني اذا طلعت لو مطعم تزعل تقول تكلفين على ولد الناس !!!! اذا سالتها ليش تقول ابي اوفر له مع العلم اخواني يطلعون مطاعم ولا توفر عليهم !! صرت اقولها ما اطلع ابد من البيت ولا اروح مطاعم صارت تقول لي خلف الله عليك شوفي فلانه وفلانه حظهم احسن منك وتحاول تكرهني بزوجي , اذا شريت شي لبيتي تزعل تقول اول ما كان عندي ذا الفرش وشوله تفرشين افرشي شوي شوي اسكت واكتم بقلبي والمفروض تفرح لي , اذا سافرت مع زوجي لشغل تقول ماله داعي تسافرين اجلسي عندي بالبيت محد ياخذ زوجته معه الا انتي !!! واخواني ياخذون زوجاتهم معهم ولا تقول لهم ولا كلمة
زوجي ما يوديني لاهلي الا مره بالاسبوع عشان ظروف عمله وانا متفهمه الشي هذا وهذا الشي مسوي قلق لي عند أمي كل يوم انا وياه مشاكل ودني لا توديني
طلعت لي بسالفة جديدة تقول انتي توك بنت وزوجك مالمسك ونشرت عند الناس كذا !! لانها تبيني اعلمها بتفاصيل العلاقة بيني وبين زوجي
امي كل يوم تدعي علي وعلى زوجي الله لا يرزقكم الذرية وجعلكم ما تشوفونها وووو الخ ودايم تقول لي مردك ترجعين لنا يعني اتطلق !!!
مدري وش اسوي مع أمي !
بعض الاحيان افكر بالطلاق واريح امي لاني احسها مستكثره علي السعادة وانا الحين كارهه الدنيا


الله يخليكم ساعدوني

ينقل لعالم الثقافة و التوجيهات الزوجية حيث مكانه المناسب

تحياتي

__________________

اخوي سعد
تعبت من المشاكل صرت اعيش في قلق نفسي كل يوم صياح وش اسوي

والله امك هذي غريبه وفي حياتي مامرت علي وحدة زيها(آآآآآآآآآآآآآآآآآآسفه على هذي الكلمه)بس والله الصراحه اتضايقت عشانك والله يعينك وهذي امك (والجنة تحت اقدام الامهات )وما اقولك طيعيها لأنها كذا راح تدمر حياتك بس داريها احسن واذا سويتي شي يزعلها ويفرحك لا تقوليلها وزوجك لا يدري عن سواليف امك بشي ابد خلي على الاقل العلاقه طيبه من طرف لأنه لو عرف راح تخسرين واحد من الاثنين(زوجك او امك) وزوجك اقرب>>>>الله لا يكتبه عليك<<<<
الله يكون بعونك حبيبتي (مرة ثانيه آآآآآآآآآآآآآآسفه اذا قلت شي ضايقك)

__________________

أمك أمك أمك
الحلم والصبر والكلمة الطيبة
والهدية تزرع الحب ( تهادوا تحابوا )


تحياتي

أصبري عليها..
حاولي تشوف شنو في قلبها..
وراضيها بالكلام الحلو والهدايا..
ولا تهتمين لكلامها القاسي..
سمعي من أذن وطلعي من الإذن الثانية..
وحاذري أنك تخبرينها عن تفاصيل حياتك..
لا الزين ولا الشين..لا البسيط ولا المهم..

وأهم شي علاقتك بزوجك ما تتاثر بسبب الوالدة..
فهمي زوجك طبع الوالدة.وقولي له لا يهتم إذا سمع شي منها أو شاف تصرف منها..

أسأل الله أن يهدي الوالدة.. ويرزقك الذرية الصالحة....

صراحه تاثرة لما قراءة موضوعك وتحصل كثير ، لاانها غيرة الام وشئ طبيعي ، ليس الغيرة منك لاء غيرة عليك انتي كنتي في حضنها ومعاها واصبحتي الان مع شخص ثاني ، قدري غيرتها وارضيها كيف بالحنان عليها وانها دآئم تاخذ تفكيرك ومهما كان انتي اهم شئ في حياتي يايمه ولا تذكري لها مدى سعادتك وانتي بعيدة عنها وامورك الخاصه مع زوجك ابدا لاتذكريها لها ، وحلولي تعوديه على بعدك شوي شوي حتى تتاقلم مع الوقت وتنشغل مع بيتها ، طبعا لاننسى فضل الام ( الجنة تحت اقدام الامهات ) بدون معصية الخالق ليش لاان الزوج واجب حبه وطاعته الله تعالى امرنا بذلك ، اهم شيئ امووووووووووورك الخاصه انتي وزوجك لاتتكلمين فيها بينك انتي وزوجك فقط ، وزوجك لاتخبريه بما يحصل ، مع الوقت والدعاء يصلح امك وتحس انها على غلط وراح تندم 000اختي الصبر الصبر واللجوء الى الله بالدعاء
وقلوبنا معاك اعضاء ومشرفين عالم الحياة الزوجية 000الله يصلح امورك والجميع

__________________

الساعة كم
مشكورة اختي على ردك انا احاول اخفي عليه بس دموعي ونفسيتي تفضحني واقوله

AIM
مشكور اخوي على ردك وانا احاول والله يعيني

بحرينيه ولكن
مشكورة على ردك وانا مسوية زي ما تقولين فهمت زوجي طبع الوالدة بس اخاف مع الوقت يمل خاصة لما اكلمها بالليل تروعني وتقول انها تعبانه وبتموت الحقي علي ولما اروح لها تكون عاديه أو تعب عادي وشي ثاني مضايق زوجي امي تجي لي من غير ما تخبرني تطق الباب فجأة وبعض الاحيان نكون في وضع غير لائق ولا نسمع الباب فلما تتصل على التلفون تقول كسرت الباب ولا تردون اقولها انا نايمه تزعل وتروح البيت وتقول دايم تنامون.

أم معاذ2
مشكورة اختي على ردك وانا احاول اني ابين لها اني مشتاقة لحضنها لاني اشوفها تتضايق لو امدح زوجي .

تحية .
انصحك بطردها من حياتك بكل قوة . فانا اعرف ما اقول ،عندي ثلاثة اطفال متزوجون ولو تركت امهم وامهات ازواجهم يتدخلن في حيانهم لدمروها ،انت متزوجة ولم تعودي صبية تتحكم فيها امها احمي زواجك من كل متدخل ، واعلمي انك ادرى من غيرك بما يناسبك ، ومن يزعم ان له فكرة جميلة فاليطبقها في حياته .

لا.. خطأ وألف خطأ..
مهما كان هذه أمها.. الله وصى بها إحسانا وبالأب..
والرسول لما سئل عن أحق الناس بحسن الصحابة.. قال: امك ثم أمك ثم أمك..
والأمر يحتاج شوية إرادة وصبر..
وكل الأمور تنحل إلا إنك تطردينها من حياتك.. فيغضب عليك الله ليوم القيامة..