انا متزوجة من اربع سنين وعندي بنت وولد له الحين شهرين
زوجي حنووووون واايد لكنه غير رومنسي ومتدين والحمد لله واحبه ويحبني

بعد سنه من زواجنا وبعد ما ولدت بنتي زوجي صار متدين وايد يعني كل يوم يقرى قرآن والكيبل سكره والتلفزيون اخترب وولا صلحه لاني انا ماكنت ابي اصلا

لاحظت في هالفتره ان زوجي يجي من الشغل ويقول لي انا مااابي اتغدى وهذا يوم الاثنين والخميس وعرفت انه يصوم في هاليومين وفي هذي الفتره كان يقولي بعد مايرجع من الشغل وكل يوم انا بنزل تحت صالة والدتي عشان اشوف الاخبار وطبعا ينام تحت لين اذان المغرب وبعد المغرب يطلع وما يرجع لين 11 بالليل يعني انا ما كنت اقعد معاه وكنت متضايقه واايد من تصرفه هذا وكل مااتذكر ان بكره الاثنين او الخميس يزيد ضيقي لانه بيصوم .... وانا مب متضايقه منصومه بس متضايقه لان هو مايقولي بصوم واستمر على هالحال ثمان شهور يفتكرني غبيه ماادري ... وانا احيانا كنت اقوله بكره بصوم وهو يرد ويقولي انا بعد بصوم معاج او احيانا الظهر يقولي انا الحين بنوي الصوم معاج مادام انتي بتصومين وانا ادري انه هو كان ناوي الصوم من قبل ... اتقولون لي ليش ماسالتيه ليش ماتتغدى ؟ الصراحه انا قلت اذا هو مايبيني ادري بسوي نفسي غبيه وماادري

انا في هالفتره (ثمان شهور) كنت كل يوم انام بعد صياح وكل يوم متضايقه وهو ولا حس فيني ... وعلى فكره انا في هالاربع سنوات ماقلت له ايش مضايقني وحتى لما يحس فيني متضايقه ويسالني اقوله مافيني شي واذاذ اصر اصيح ولا اقوله لكنه من كم شهر بس يحاول معاي وااايد عشان اقوله اللي امضايقني ومب دايما اقول لاني ابكي على طول واذا بكيت وااقدر اتكلم واخاف اعور قلبه اذا قلت له حتلى اذاذ كان هو الغلطان

المهم الموقف اللي قلت لكم عنه انا مااقدر انساهوكل مااتضايق اتذكر هذا الموقف اتذكر اشلون زوجي يحاول يخبي عني هالشي

صار له فتره الحين يعاتبني لاني مااقوله كلام حلو ولاني ماابادر اتغزل فيه (اكيد فاهميني) ويقول لي احيانا اقول يمكن انتي ماتحبيني وطبعا لما يعاتبني اتضاااايق من نفسي

كتبت له بعدها ورقه عبرت فيها عن اللي في قلبي وقلت له ان انت اصلا كلامك الحلو قليل معاي وانت ماعودتني مع هالشي وكتبت له ان فيه موقف منك مااقدر انساه وما قلت له شنو . وطلبت منه مايناقشني بشي بعد هالورقه لكنه اصر انه يعرف شنو هالموقف وانا كنت ابيه هو يقولي وكنت اقرب الموضوع واقرب لكنه ماعرف ولما قلت له عن الموقف قال انه كان مايبي احد يعرف الا الله بصومه وانه يحس اني مكبره الموضوع واايد ولا يستاهل منج هالزعل وبعد اعتذر لي

وعلى فكره انا اذا كل شي على بالي وفي قلبي بقوله له وكل شي ابيه بسويه له كان مل من الكلام الحلو والتغزل بس مكلتي الوحيده وهو عارفها زين اني خجوله وااااايد وااااايد واااااايد احاول انطق مااقدر احاول اتقرب منه بس استحي ومااقدر
المهم انا وعدته في الورقه ان بعد كم يوم بحتفل معاه لاني بطلع من النفاس وبنيدأ مع بعض صفحه جديده وقلت له انه يحاول يجبرني يطلع اللي بقلبي وولا ييئس مب بس لانه هو يبي هالشي لاني انا ابي اتجرأ اشوي وابي انطق

ابي الحين رايكم باللي قريتوه انصحوني وقولو لي رايكم من موقف زوجي
وآآسفه على الاطاله واني وخواتي ابيكم اتقولون لي رايكم في زوجي وفيني وابي نصيحتكم

[size=3]يعني محد يبي يساعدني

اارجوكم ساعدوني انا ادري اني حساسه وايد واني خجوله بس قولوا لي اشلون اتجرأ ويروح مني الخجل

وعلى فكره انا احيانا اذا حاولت اسوي اغراء له يقولي ابي انام او تعبان او بكره بتأخر عن الشغل وانا حساسه [/size]انحرج واخاف اكرر الشي مره ثانيه ويحرجني

انصحوني وقولوا لي رايكم في الموقف بليييييييييييز

عزيزتي... نجمة عشق
احمدي الله أولا أن زوجك تدين .. وصار يصوم ويقرأ القرآن ..فكم من امرأة تزوجت رجلا على خلق ودين .. ثم تحول بعد فترة إلى سكير أو مدمن .. يامقلب القلوب .. ثبت قلوبنا على دينك ...
وهو كما قال عن صومه إنه يريده سرا بينه وبين ربه .. وحكاية أنك تعرفين ... هذا لايعني أنه يتغاباك .. حتى لو كنت عارفة بهذا الشيء هو يريد أجر الإخلاص كونك عرفتي أم لم تعرفي ..هو ليس مسؤولا .. قدري في زوجك هذه الناحية إنه يخاف الرياء .. حتى مع زوجته وهو ليس ملوما
ثم ياعزيزتي هو يحس بك .. سألك لماذا تغيرت ... وأخبرك أنه يفتقد الغزل السابق .. ليس شيئا سهلا بالنسبة لرجل غير رومانسي .. أن يخبرزوجته أنه يفتقد منها كلمات الحنان
عزيزتي .. الرجل طفل كبير .. يريد الحب .. ويقدر من يعطيه الحب .. وإن كان أحيانا يجهل كيف يقدمه لامرأته بالطريقة اللائقة ....
صمتك .. بكاؤك ...تغيرك من ناحيته ..كلها أشياء قد تجعله يشعر بالملل .. وأنت تعرفين معنى أن يشعر الرجل بالملل .. قد يبحث عن أخرى تملأ عليه ذلك الفراغ ..
صمتك لن يحل المشكله .. حادثيه كلميه ..حينما يكون خارجا ..اتصلي به ليس للإغراء إن كنت خجولة ..قولي له إنني افتقدك... وأنتظرك لنتناول القهوة أو أي طبق خفيف تجهزينه له ..أطعميه بيديك .. دلليه .. حاولي جذبه بهذه الطرق .. أما كثرة العتب والزعل .. فسوف تزيد الموضوع سوءا ..أنصحك وجميع أعضاء المنتدى ..بقراءة كتاب جون غراي (_ الرجال من المريخ والنساء من الزهرة ) فهو سيفيدك كثيرا في معرفة مفاتيح شخصية الرجل ومن ثم يتحول التعامل معه إلى لعبة مسلية ..وملهمة
دعواتي لك بالتوفيق

جزاك الله خير أخ سكوتر على الرد

انا عندما اتضايق احاول دائما ان لااظهر له ذلك لكن احيانا ومن شدة ضيقي يشعر بي ويسألني عن السبب فأنا لا ازعل منه ولكن من شدة ضيقي لااستطيع ان اتكلم ابقى صامته

عذرا اخ سكوتر انا لست مقتنعه من سبب اخفاء صومه علي يعني لو كان صومه متقطع معليش بس ثمان شهور وكل اثنين وخميس شي ضايق الصراحه كان المفروض يقول لي
مااعتقد ان فيه زوجه يصوم زوجها كل هالفتره وما اتعرف انه يصوم

__________________

مشكوره اختي mema
انا احاول اتغلب على خجلب بس مب قادره

اتصوري ان صار لي سنه اطلب من زوجي ايسكريم من محل معين مع اني نااادر مااطلب شي لان مااحب يقول لي لا بس هالشي دايما اكرره واقول له ابي اسكريم بس هو يقول لي اليوم مااقدر ....الحين مافي وقت ... الشوارع زحمه سنه والله سنه
اليوم جاب لي الايس كريم وكان في خاااطري اقول له مشكور حبيبي لكن والله ما قدرت

انا اثضايق لما اطلب منه شي لاني لازم اكرر الشي عشرات المرات عشان يوديني لانه واايد كسول وبعد مايوديني يقول لي اشكريني بس انا اقول له اذا طلبت منك شي ونفذته على طول اهني تستاهل اشكرك لانك بهالطريقه اتعور قلبي الين مااتنفذ اطلبي فمااقدر اشكرك

اكره نفسي اذا اطلب شي منه

__________________