الموضوع اللي بتكلم عنه .. هو فعلاً عز الطلب للزوجات .. وخصوصاً بعد الولادة ..

فإذا كنتي ..

1- على وش جواز أو توك متزوجة .. فإحتفظي بنسخة لأنها راح تنفعك بعدين إن شاءالله ..

أو

2- إذا كنتي على وش ولادة .. أو أنتي في النفاس الأن .. فالموضوع جاء بوقته بالنسبة لك ..

أو

3- إذا كنتي والدة من فترة وأهملتي نفسك بالنفاس , و زوجك غاثك يشتكي ويقول متغيرة .. فلا تخافين .. الحل هنا ..

كل ما في الموضوع إن هنا راح تلقين الحل النهائي .. لهذه المشاكل بإذن الله ..

1- وسع المنطقة ..
2- الإفرازات ..
3- ألم الظهر بعد الولادة ..
4- الهوا ..

والحلو إن الحل طبيعي مية بالمية .. ونتائجه مضمونة مية بالمية ..

وزوجك راح يحس بالتغير قبلك ..

بس أهم شي .. كل الخطوات تتم بسرية تاااااامة .. خليه يحس بالنتايج لحاله ..

مافي داعي للإعلانات في المجلات والصحف المحلية


أدري إني طولت .. بس عشان أوضح كل شي ..

كل اللي أبغاه منكم , تطبقون الموضوع بالحرف .. لاتخربطون أبدا .. عشان تشوفون النتايج الممتازة ..
و إدعولي .. دعوة حلوه .. إذا شفتوا النتايج ..

وألحين إتفضلوا ..

السر هو " حطب الطلح السوداني " ..

تلقين " حطب الطلح السوداني " عند العطار ..

وجيبه من عطار كويس ومضمون ..

وطريقة إستعماله هي :

1- تطلبين من العطار يكسرها لك كسر صغار , أكبر من قطع العود بشوي ..

2- تجمرين الفحم , وتحطين كسره عليه وتجلسين على كرسي مفتوح من النص ..

3- تستخدمين كل مرة 4 - 5 قطع .. وتجلسين لمدة 20 دقيقة كل مرة ..

بس قبل لا تقعدين إدهني نفسك بزيت السمسم .. الأفخاذ والمنطقة الحساسة ..

تتدهنين المنطقة من الخاااااااج بس .. بزيت السمسم .. المنطقة والأفخاذ ..

و تربطـيـن شرشف قديم على خصرك .. وتجلسين على الكرسي اللي يكون مفتوح من النص .. " تلقينه عند محلات البلاستيك "

والشرشف عشان مايطلح الدخان برا ..

و كل ماحسيتي إن الكسرة خلصت .. تغيرينها .. يعني من 4 إلى 5 كسر في كل مرة ..

ملاحظة .. الدخان مثل الحطب العادي .. يعني حاولي تقعدين في مكان فيه تهويه .. مثلاً في حمام السطح " عزك الله "

أنا كنت أجلس وأشغل مروحة الشفط ... وما أسكر الباب كله .. وأحط كمامة من الورق على فمي وأنفي"تلقونها بالصيدلية" ..

النتائج من أول مرة هي ..

*** بتحسين براحة في ظهرك ..

*** بتلاحظين إن النفاس رجع .. مع إنك كنتي مفكرة إنك خلاص خلصتي ..


بس ياحبيبتي .. البلاي اللي طلعت هذه كانت كلها فيك .. وإنتي ماااتدرين ..

أغلب الحريم يقولون : أنا نفاسي قليل .. ولا تقولك : أنا من اليوم الـ 15 نشفت مثلاً !!!

وما يدرون إن هالشي إن ماطلعوه بالنفاس وإهتموا بأنفسهم .. يراح يغثهم على شوي

شوي .. وشوفون إفرازات وأحيانا نقط " دم " وقرف عفوا ً !

4- بعد ماتخلصين تتغسلين بموية داااافية , وتلبسين شورت .. عشان تضل المنطقة داااااافية ..

5- تسوين هالشي 5 أيام ورا بعض من كل دورة ..

6- بعد كذا تسوينها لمدة ثلاث دورات , يعني تسوينها أيام الدورة بس .
.
7- طبعاً هالشي تسوينه بالليل .. وفي الصباح تغلين قشر رمان مطحون مع ماء ..
بمقدار " 3 ملاعق كبيرة من قشر الرمان مع كاس وربع ماء , وتخلينه يغلي لمدة 5 دقايق "
ويستخدم كغسول دافي للمنطقة الحساسة .. قشر الرمان .. يستخدم آخر يومين من الدورة فقط ..

8- في آخر 5 أيام من كل دورة .. تخلطين ملعقة عسل طبيعي مع نصف ملعقة رشاد مجروش, وتاكلينها على الريق , وقبل الفطور بساعة ..

9_ إشربي مغلي الأعشاب وقت الدورة والنفاس وهو ملعقة صغيرة من " زعتر " من العطار", دارسين "قرفة" , زنجبيل " ..

10- إستخدمي غسول " جرجيت ريسيب " كل يوم قبل وبعد العلاقة الزوجية.. ماعدا أيام الدورة .. " تلقينه في الصيدلية .. وهو غسول طبيعي"
يعني الغسول يستخدم كل يوم , وأيام الدورة يوقف , وتستخدمين " حطب الطلح + الرشاد والعسل + مغلي قشر الرمان "

وكلها ثلاث دورات وراح ترجعين عروس .. :14:
وبتودعين الإفرازات , وبترجع ثقتك بنفسك ..
وبتدعين لي بإذن الله ..

وأي سؤال أنا حاضرة ,,

__________________
[blink] بشرى :[/blink]
" كشفت شركة"أرلا,Arla " أنها تخسر ما يقارب (1.5 مليون دولار أمريكي)يومياً نتيجة للمقاطعة في السعودية.
وأشارت إلى أنه إذا استمرت المقاطعة لأسبوع واحد آخر فربما تضطر لإغلاق أحد مصانعها في الدانمرك .
" ونقول لهم مقدماً .. أغلقوا كل مصانعكم .. وصلى الله وسلم على رسول الله"

الله يعطيك العافيه اختي احساس ناعم
ان شاء الله بجربها بعد ماأولد يعني بعد 7 شهور من الآن

جزاك الله خير

أبجربها ان شاء الله بس إذا زرت السعودية في الإجازة

شكلها زينه مره , وإن شاء الله أدعي لك قبل النتائج وبعدها

أختك: المغتربة

حبيبتي الطلح له ريحه ولا لا وإذا كان له ريحه ايش اعمل

ومشكوره حبيبتي على هل المعلومات الحلوه

ينقل لعالم المرأة

جزاك الله خيرا

موضوعك مفيد كثير

مشكوره اختي على طرح الموضوع
وسؤالي هو؟
هل حطب الطلح السوداني..يختلف عن حطب الطلح اللي في السوق؟؟؟
وبالنسبه اللي دورتها 6 أيام ...من أي يوم تبدأ تتكبى((يعني متى استخدم هالطريقه في أي يوم من الدوره))
وبالنسبه للنتيجه متى تظهر؟؟؟ينفع اسويها مره واحده...يعني بدوره وحده بس؟؟

حبيتي ياخت احساس ناعم الوصفة ماعليها كلام0000

بس الريــــــــــــــــــــحة ابصراحة قتاكه يعني اتخلى زوجك يهرب منك ومن البيت لان ريحتها مب شى

شكرا عزيزتى على الموضوع القيم..........بس انا فكرت ان نبدأ في هالطريقه في فتره النفاس ..وانا فهمت منج ان بعد الدوره الي بعد النفاس نبدا؟؟؟ ممكن توضحين اكثر ماعليج اماره

مشكورة اخت احساس ناعم
موضوعك مفيد للغاية
تسلمي