سلام عليكم اجمعي
من مدة واني اطل على المنتدى بين كل فترة وثانية
بسبب مواضيعة المفيدة خصوصا واني كنت مقبلة على الزواج
حصل وتزوجت والحمدلله لكن
عندي مشكلة واتمنى انه احد يرد عليي وبكون مشكووووووور
زواجي كان خطبة تقليدية يعني ماكنت اعرف الشخص اللي تقدم ليي قبل ولا اعرف عائلته
طبعا سألنا عنه وعن اهله والكل مدحهم بس الحقيقة طلعت غير
اهله وانت معاهم تحس الحقد والكراهية تطلع من عيونهم
ادخل اسلم ماحد يكلف خاطره يرد السلام
واذا ردو يردو من غير نفس
جايز البعض يقول يمكن السبب مني
لا والله اني ماضريتهم بشي والكل يشهد لي بالطيبة
دائما مبتسمة لهم وهم يقابلوني بوجوه مكشرة
مو لي بس هم طبعهم كذا مع الكل
صرت ماحب اروح لهم
لما يطلب مني زوجي اني اروح وارفض يزعل على الرغم انه يعرف انه اهله مايتعاشرون وعارف بتصرفاتهم
ومصر على انه يبني شقة في بيتهم ونسكن فيها
والمشكلة الثانية في زوجي نفسه
احس انه مو حاس فيني ابد
تونا شهرين بس من عقدنا وهو مايكلف خاطره انه يطلني وينزهني او يحسسني بحبه
واحس به اناني
يجي وقد اللي يبي مني شي بس
شغلاته يراكض على انه يسويها
ولو اطلب منه طلب يتجاهل
واني طبعي مش لحوحه
يعني لو قلت ليه يسوي شغله ليي وماسواهها ماحب اعيد له الطلب مرة ثانيه
ولما اصارحه واقول له يتأثر ويقول لي مسامحه واعرف ان انا غلطان في حقش بس كلها ساعة او يوم ويرجع الى طبيعته
وش ممكن اسوي معاه حق ارتاح
لاتبخلو عليي بالرد

__________________
وكل مرادي أن أرى العرب وحدة *** يحف ذراها الشعب وهو سعيد