مرحبا شخباركم؟
اني عضوة جديدة بهالمنتدى اتشرف اني اكون بينكم واتمنى تفيدوني بحل لاني وايد تعبانة نفسيتي .
صار لي 6 شهور تقريبا من اتزوجت طبعا عن علاقة حب وتم الاتفاق ما قبل الزواج ما يكون في مهر ولا اي شي ولا ذهب وغيرها من الاشياء لضروفه الخاصة الي ماتساعده وسويت شي بسيط من مصروفي الشخصي لعايلة فقط ملجة بالبيت وسافرنه مدة 20 يوم مع بعض واتفقنه ان نستاجر شقة عقب ما نرد الديرة احين المشكلة ان تغير الحجي ما جاب خبر الشقة ولاشي وكلما اساله قال انتظري شوي عندي مصاريف خواتي وامي وانتين دتين عليي احين مع العلم اني اشتغل وممشية اموري من مصروفي وراتبي واحتاج له بعض الاحيان ادا خلصت الي بجيبي ولكن بشي بسيط مو ديك الهرفي الي يتكلمون عنها والمهم اني بغرفة فقط قديمة ومافيها حمام شخصي اروح غرفة امه علشان اتسبح او اي شي وطبعا في قوانين بعد متى لازم اتسبح او متى ما اتسبح وطلبات بيتهم غريبةشوي مصروف لخواته الي بالجامعة وكل يوم وترك سالفة وتعال ادفع وانزين اني شنو مالي رب يعني ما اتطلب ولا لي حق ان اتطلب اخاف اقول شي يفتح لي محاضراته يوميا ما بنجمع مدخول عشان الشقة ومادري شنو ..
والحل ابي حل لان صدق مليت من هالحال ما قاعدة اخد راحتي واتصرف براحتي او اطلب شي حالي حال الناس .


تم تعديل العنوان ليتناسب مع المضمون

الغلط من عندك اختي واضح انك تتنازلي عن حقوقك بسهوله

تنازلك عن الذهب و المهر كان غلطه كبيره
ارخصتي م نفسك

الان لازم تكوني حازمه و صارمه بموضوع السكن حطي حد للمهزله الي تصير

وكيف كذا يشترطوا متى تتروشي انتي عروس يعني اقل حاجه 3 مرات باليوم تتروشي

استغلي بالسكن عشان زوجك يحس بمسوؤليته

الاسلام حط لك مهر ،، تتنازلين عنه لييييش

اول شيء سويتيه بحياتك الزوجيه تنازلتى عن حق مشروع لك ،، وجايه تشكين مايعطينى مصروف ،، ومسكنى بغرفه قديمه ببيت اهله ،، وفاقده تماما لاستقلاليتى ،، مو انتى راضيه من البدايه ،،،

دام وعدك بسكن مستقل ،، طالبي الان بسكن مستقل لك وتنفيذ وعده

__________________
ان لم تستطع التفاؤل ،،
فلا تخبر أحدآ أنك متشائم .

تنازلتي عن حقك من البدايه ووافقتي

خلاص مالج الا الصبر


الشروط هذي من قبل الزواج مو الحين الله يعينج

ماتنازلتي عنه قد فات ولا ينفع الصراخ على الماضي
لكن شقة لاتتنازلي عن حقك فيها
تقولين تزوجتوا عن حب فأين هذا الحب الآن ؟

مشكورين حبايبي عالردود احسنتم

كأنك عارفه اللي هو الإصرار على السكن المستقل يا اختي صعب غرفة مافيها دورة مياه خاصة بك
الله يعينك

طيب هو ايش ردة فعله
مقتنع وراضي بهدا الوضع ؟؟ ولا انتي حاسه انه متضايق وجالس بيحاول تحسين الوضع ؟؟؟

الوضع دا لازم تغيريه من الان لان لو سكتي راح يستمر لوقت طويييل

__________________
لاتسعى لتصحيح ظن احد بك ££ خالقك ينظر لقلبك وهذا يكفيك

يحاول يطمنني ان يبذل كل جهده حق الادخار بشرط ان ما اتطلب ، بس يعطي خواته عادي اني نو واي بحدود بس