عندما تذهب الفتاة للمشغل

في يوم النظرة الشرعية

وقبل أن يشاهدها الخاطب

وذلك للتتزين المبالغ فيه

وللظهور بصورة غير الصورة التي تكون عليها غالباً

هل هذا خداع للخاطب ؟

وهل معظم الفتيات، فعلاً، يذهبن للمشغل قبل النظرة ؟

نعم يعتبر خداع التي تتزين بشكل كبير في النظرة الشرعية
المفترض للفتيات بالنظرة الشرعية ان لا يتزينوا بل يظهرون بدون زينة لكي يراها الخاطب كما هي ولا يقول خدعوني بعد الزواج او العقد

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

نعم غالباً يحصل ذلك .. بس محاولة الطلب من ولي أمرها بأن تكون على شكلها اللي خلقه الله عليها يستحسن ذلك .
أو تغسل وجهها قبل أن يراها خطيبها .

والله ولي التوفيق

نتفق كلنا انه المبالغة في التزين غير محببة وقت النظرة

لكن قياسا على كلامك

هل تعتقد انه من الايتيكيت تطلب هي من الخاطب يشيل الغترة عشان تتاكد من الصلع؟ :/

اذا شافها مكثرة مكياج يقدر ينسحب وكل واحد نصيبه مكتوب

هههههههههههههههههههههههههههه نعم نخفي الصلعه ونتركها تتفاجئ بعد الزواج

ما اشوف انه من الادب تطلب من الاب ان البنت تشيل المكياج وتطلع قدامك

لأنه لو طلبوا منك مثلا ماتحلق دقنك وتتضبط وتشيل الغترة انت نفسك بتتضايق من هالطلبات

ومثل ما تفكرون ان هالوجه هو اللي بيصبح عليه الزوج نفس الشئ هذي الصلعه هي اللي بتلمع للزوجة كل يوم بعد الزواج وبكل وقت الا كان هي بتتمكيج كل يوم وهو بيلبس باروكه المشكله انحلت

انا عندي صلع بالوسط من بداية الجبهه الى نص الرأس بس الجوانب شعر كثير وواضح وتطلع لمعة بالراس مع الاضاءة اقولهم وقت الخطبة او اسكت ؟؟

البنت بطبعها خجوله ليست كمآ للرجل من جراءة . حآول التفكير بعقلك لا بقلبك .

عجيب

ولو طلبت هذا الطلب تعاب في جراتها؟ ام هو حق لها ايضا؟

ام تعاب في ادبها؟

مثل اللي يعاب لما يقول بنتك لا تدخل بميك اب؟

يعني ينفع يجي بكامل هندامه لمجرد انها ماطلبت؟ بينما هي لا مايصير تجي متأنقة؟

عموما مهما كان المكياج خافي للعيوب فدوره محدود

ماراح ينخلق خشم جديد ولا الوجه المدور بيقلب طويل ولا بيشق الجفن يوسع العين..

ولا المكياج اللي اشوفه غير اللي تشوفونه؟

القصة كلها ان في شباب يطيرون بالعجة ويعد مايتم كل شي يبدون يستوعبون ويرمونها على المكياج والنظرة الشرعية والخداع

احنا المتعارف عندنا ان اغلب البنات ما يروحون المشغل
بس تجلس بالعباية واحنا عندنا اغلب البنات اوردي يكشفون وجوههم
بس بالعباية وحجابها
ويقعدون مع بعض حوالي ساعة في غرفة بروحهم والمكان مفتوح يكون..

بس ان تتزين او تحط مكياج او اي شيء من هالقبيل لا ...

لان الزينة فعلاً تغير حتى ملامح الوجه الحين
مثل عملية التجميل المؤقته

مو اغلب البنات يروحون

لكن يبين مين اللي واقفة قدام المراية ساعات تتزين ومين لا..

الساذج ماينشره عليه اذا ماقدر يلاحظ 😊

نفس عاداتنا بس تجلس عشر دقائق مو ساعه

كيف بيلاحظ فانتي الرجال مايعرفو بهالشغلات اخت زوجي دخلت بكعب وبعد الملكه زوجها استغرب بس شاف طولها قال ماانتبه انها لابسه كعب

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.