السلام عليكم اخوتي و اخواتي:
انا عمري 26 وحيد لاهلي و منذ تخرجي من الكلية قبل ثلاث سنوات ولحد الآن و الاهل يلحون علي كثيرا لكي اتزوج حتى اظنهم بدأوا يشكون بأمري, و انا طبعا كأي شاب طبيعي ارغب بالزواج, و لكن المشكلة ان لا عمل لدي و اخذ المصروف من ابي لحد الآن لانشغالي باكمال الدراسة العليا, الاهل الحمد لله متمكنين ماديا, ويقولون زواجك نحن نتكفل به و نساعدك ماديا(نصرف عليك) لحد ما تتوظف
ولكن انا ما استحسنها اخذ فلوس من ابي لاجل زوجتي(فيما لو تزوجت) فانا كعازب غير لما اكون متزوج, وكذلك اخشى ان افقد احترام من اتزوج, وكذلك اخشى من تدخل الاهل لكوني سأكون معتمد ماديا عليهم

ما رأيكم؟

وعليكم السلام اخوي مجرد راي صعبه انك تتزوج وأبوك. يصرفك احسبها بكل النواحي. تبي تودي زوجتك السوق تروح لبوك تقوله أديني بودي زوجتي السوق حتى أغراض البيت يمكن من تطلب تثقل على ابوك يمكن يقولك انا مو قبل أسبوع مديك فلوس تأخذ أغراض البيت حتى لو تبي تروح مكه او المدينه غير تطلب من ابوك اخوي يمكن زوجتك تقولك كلم ابوك ابي اشي الفلاني حتى لو زوجتك. تبي أشياء خاصه فيها من اصيداليه غير تطلب اخوي احسبها من كل النواحي . الله يسهلك امرك

__________________

اللهم اني اسالك التوفيق لـ طاعتك والقلب اللين الذكرك

لا تحمل ابوك همك حتى لو قلك انا أقوم بكل شي ما تدري عن ظروف الحياه قدم. . حلاوة الزوج كل شي انت تقوم فيه

__________________

اللهم اني اسالك التوفيق لـ طاعتك والقلب اللين الذكرك

سليمان إذا تحس نفسك إنه جلوسك بدون زواج رح يجرك لمعصيه تزوج حتى لو ع حساب أبوك ...

أما لو مابتنجر للمعاصي والفتن إسعى للوظيفه والله يوفقك ...

مصاريف زواجك على ابوك اوكي كثيير سووها مو عيب.. لكن ابوك يصرف عليكم لا ولا.. هو ممكن يصرف عليكم بشكل مؤقت الى ان تتوظف .. لكن شكلها مو حلوة خصوصا قدام زوجتك.. وحلاة الزواج ان جيبك مليان ومرتاح بالمصاريف وتصرف من عرق جبينك على قولتهم..
شوف افضل شي تتوظف وتاخذ لك راتب. بعدين تزوج .. وان كان راتبك ضعيف.. الافضل ان تاخذ موظفة عشان تخفف عنك مصاريفها الشخصية!

مافيها شي ياسليمان

اطلب من الوالد يحول لك بعد الزواج شهريا مثل الراتب وانت توازن صرفيتك في بيتك وزوجتك على قد فلوسك

وبين لزوجتك مستقبلا انك الان تكمل دراستك وان والدك يدعمك كانك موظف حتى تنتهي وتاخذ الشهاده

وباذن الله اذا تخرجت من الدراسات العليا وتوفقت في الوظيفه الطيبه اعتمد على نفسك واكرم والدك ووالدتك من مالك

اهلك ياسليمان يبون يفرحون فيك ويشوفون عيالك
وكذلك الزواج استقرار لك باذن الله وعفه وحصانه من الفتن

لذلك توكل على الله وابحث عن بنت الحلال
اهم شي اختيار الزوجه الطيبه من البيت الصالح والطيب

وفقك الله

السلام عليكم ورحمة الله وبركاته..
مع هذا الرأي، لكن حاول أن تجد وظيفة فهذا يعلمك على تحمل المسئولية والجميل أن تكون مستقل بذاتك..
الإعتماد على مصاريف الأهل له مساؤى أكثر من منافعه فأنت الآن رجل وتستطيع توازن ما بين الدراسة والعمل حتى لو ساعات قليلة..
موفق.

شكرا لكل من شارك بالموضوع
معظم كلام الاعضاء نفس طريقة تفكيري, سأجل فكرة الزواج حتى اجد مصدر دخل خاص في, و لو هذا صعب حاليا و لكن انتظر افضل
احيانا احس اني في حاجة للزواج و احيانا لا, على كل سأصبر فانا صغير نسبيا هناك من لا يتزوج حتى سن ال 35

اخي سليمان فعلا جميل انه الواحد يعتمد على نفسه بشكل تام ويفتح بيته بنفسه ويكسب لقمة العيش من عرق جبينه ولكن حط في بالك انو العمر يجري واعمارنا قصيرة ان ماتزوجت من الان وانت بهذا العمر صدقني تتعب كثير بعدين لمن تجي تتزوج وانت فوق 30 متى تخلف ومتى تربي ومتى تستمتع بحياتك ... انا اكون صادق معاك انا طالب لسه ماتخرجت وابحث عن الزواج بشمعة والباحث عن الزواج والاستقرار يقدر يدبر الف طريقة عشان يرتاح ويدبر مبلغ يبدا فيه حياته ولاتنسى انه الساعي في الزواج الله عز وجل يتولاه ويعينه ويفتح عليه ابواب الرزق ... وعشان كده انا انصحك وانت تدرس تشتغل لو شغل بدوام جزئي وراتب بسيط تقدر تخارج نفسك بيه ومايمنع الوالد الله يحفظه يوفرلك راتب شهري لك بدون مايسأل عنك مو تطلب منه كل شوية هيا مره وحده يعطيك راتب وخلاص انت دبر عمرك لو مبلغ بسيط راح تلقى نفسك نهاية الشهر جمعت مبلغ تقدر تبدا فيه حياتك ولكن نصيحة لوجه الله لاتعطل نفسك

وموفق خير باغالي والله يكتبلك ويكتبلنا جميعا الخير أينما وجد ...

نا مع هذا الرد


وتوكل علي الله

__________________
يا ودود يا ودود ياودود يا ذا العرش المجيد يا فعالاً لما يريد أسألك بعزك الذي لا يرام وبملكك الذي لا يضام وبنور وجهك الذي ملأ أركان عرشك أن ترزق صاحبة التوقيع الزوج الصالح والذرية الصالحة الطيبة عآجلآ غير آجل وجميع بنـآت المسلمين) اللهم آميـن