بسم الله الرحمن الرحيم
انا في هم مايعلمه الا الله الله يفرج همي وهم المهمومين ..
كنت مطلقة ومعي بنت .. وبعدها بفترة تقدملي مطلق مثلي ومعه بنتين .. ايام ملكتنا كانت قصيرة تفاهمنا واتفقنا نعوض بعض وبناتنا .. والحمدلله ربي رزقنا بولد والحين لنا 4 سنين..
بعد زواجنا اكتشفت انه حالته النفسية مريضة وتعبانة جداجدا لأسباب كثيرة منها مطلق ام بناته (مرتين) وبناته عنده وتحمل مسؤليتهم لحاله يوم عنده ويوم عند اهله .. وامهم ولاتسأل فيهم وغيرها من الاسباب .. يعلم الله اني حنيت عليه وعليهم ووقفت جنبه وحبوني بناته وينادوني ماما .. ماثمر فيه استغفر الله عصبي بشكل جنووني على اتفه مشكلة يعصب ولايعطيني فرصة حتى اتنفس يسب ويجرح بشكل فضيع حتى بناته نفسيتهم تعبانه بسببه .. صبرت لانه يقولي سامحيني حياتي القديمة دمرتني وربيت بناتي لحالي صرت الام والاب.. وانا احن عليه و اسامحه .. لين صار يتمادى يسب ويضرب وحتى اهلي وابوية المرحوم يسبهم وبنتي يسبها ويدعي عليها مع انها عمرها مادخلت بيتنا الا مرتين تخيلو ولاهو مسؤول عنها هي عند اهلي ومطمنة عليها .. وانا وربي ماارادده عشان يكون فيه سبب .. مافهمته اذا سكت يقولي ليش ساكته واذا تكلمت يقولي اسكتي وهو معصب جربت اقوله كلام حلو يقولي كذابة ليين طفح الكيل لأنه تمادى في بنتي بالذات كلام ماينقال اشتكيت لأهله واهلي وطلبت الطلاق .. جن جنونه واعتذر وانه مايعيدها وانه ماحيلاقي مثلي وانه مستعد يتعالج نفسيا لانه تأكد بان تصرفاته غير طبيعية وصدقته ورجعت لاني غبية خفت اطلق للمرة الثانية ومعي هالمرة ولد ..

.. مرت الايام صحيح فيه مشاكل وصااابرة اللهم انه مايضرب ولايتعدى حدوده في اهلي وبنتي ..
الحين يقولي ابغى ارجع ام بناتي .. انا انجنيت كيف بعد ماتحسنت نفسيتك ونفسية بناتك بترجع للحياة الي دمرت نفسيتك ودمرتهم .. يقولي ماعلي منها ابغى بناتي قلتله يعيشون معانا قلي لا منتي مسؤولة .. صدقته ووافقت وندمت .. شفت محادثة بينهم اعترف اني غلطانة بس كنت شاكة بينهم شي واكتشفت بينهم رسايل واغاني اعوذ بالله .. والجمال ماله دخل لاني ولله الحمد بشهادة الجميع اجمل بكثير وست بيت بس سبحان الله الشيطان مزينهم لبعض .. الحين انا مصممة عالطلاق ولاهمني كلام الناس محد عايش معاناتي .. لأنه ماراح يعدل ولا يتعدل وبيرجع مثل ماكان نفسيته حتتعب ومتأكدة لاني عرفتها من اهله وشفتها فعلا شخصيتها قوية ويخاف منها وطلباتها اوامر وكل ماقالت شي في المحادثة قال ابشري ولايعجبها العجب صحباتها كثيير وخرجات وحفلات وسهرات وتحب تجمعات الحريم وهو مايعجبه هذا كللله وادري بيتركها تسوي على كيفها واذا زعل من شي وماعجبه شي عندها بيسكت ويحطها فيني اناا واناماعاد اتحمل ..
الحين انا كرررهته وكرهت نفسي لاني صبرت على اهانات وكلام في حقي وحق بنتي صعب اقوله لانه محد راح يتحمل وبتقولون ليش صبرتي وسكتي .. لاني ماابغى اطلق ثاني وكان عندي امل اعيش بهدوء وسلام ..
اعذروني ع الاطالة لاني بجد ماادري شسوي مايبغى يطلق .. احيانا افكر ارسله ارجع واصير مثل الشوكة بحلوقهم واتشرط على كيفي .. واحيانا اقول حرام اهين نفسي اكثر واعذبها واخون اهلي لأني وعدتهم انساه ولا اتواصل معاه .. واطلع من حياته للأبد ....

أختي لا أحد يلومك على كل التضحيات التي ضحيتها من أجل زوجك وبناته
لكن من باب العدل أن يخلي بناته يعيشون بين أمهم و أبوهمم وأنتي طيبه وحنونه و ممكن أفضل من أمهم
لكن في أول والأخير هذه أمهم
وبعدين واضح على زوجك متعلق في أم بناته
ماتدرين يمكن أذا رجعها نفسيته راح يتعدل معاكي
أنا أدري الموضوع صعب عليك لكن أنتي الثانيه وهي ألاولى
وأذا كنتي مصممه على الطلاق لا تطلقين ذحين أعطيه فرصه أ اذا شفتي الموضوع مو في صالحك حزتها اتطلقي

أعطيه فرصه ماهو عشانه عشانك أنتي
ولا تنسين أن هذي ام بناته يعني أمر متوقع أنه يسير ويرجعها أذا سمحت الظروف

اخي الكريم شكرا على ردك الطيب ..
لو كان متعلق فيها ماكان تزوج كان صبر وحاول لين تهدأ الامور ويرجعها .. كل الحكاية انه مايحب يعيش في هدوء يعشق المشاكل .. بعد ماستقرت حالته النفسية وارتاح وانا ارتحت والبنات ارتاحو فكر في دا الموضوع عشان تصير مشاكل
صدقني ببداية زواجنا انا اقترحت يرجعها صعبو عليا البنات انا بالي طويل واصبر بس هو لا وخفت عليهم من ابوهم لأنه مجنوون ضرب لاكن قلي اكررهها كره العمى ورغم كرهي لها كنت برجعها عشانهم لاكن رفضت و فضحتني بكل مكان وجلس يدعي عليها ..
والحين اول من وقف معاه في حكاية الرجوع انا صحيح زعلت بالبداية لاني عارفة رجوعها مو عشان بناتها بسبب انها ملت من بيت اهلها وعاملة مشاكل عندهم عرفت من بناتها بس قلت بكيفهم عشان خاطر البنات ولي اجر ان شاءالله .. و اهله واهلها رافضين رجوعهم لأنها بنت عمه وصارت مشاكل بين الاهل بسببهم ويلوموني لأني وافقت بس قلتلهم مو بيدي اصلا غلطانة تركتهم يتواصلون بس قلت عشان البنات .. واهله مايقدرو يكلموه لأنه سهل عنده يسب امه وابوه ويجننهم تخيل ...
وسبب زعلي الان انه لسى مارجعها ويعطيني اشارات انه ماحيعدل حيوفرلها كل طلباتها بكل هدوء .. وانا يصعبها عليا صرت اكره اجلس معاه ماعنده غير هالموضوع وكيف بيأثث البيتين ولها الكثير ولي القليل واذا زعلت او ناقشته تصير مشكلة .. صرت اقوله بكيفك الي تشوفه انا راضية لاتكلمني في هذا الموضوع ارجوك يزعل ويقول انا الرجال واتكلم على كيفي وواجبك تسمعي وتسكتي .. المفروض يرضيني ولايزعلني لاني ضحيت ورضيت ادخل على عفشهم الاول وراعيت بناتهم وتحملت اهاناته وهذا جزائي حسبي الله ونعم الوكيل .....

باختصار هذا الرجل مايستاهلك واللي مافيه خير لبناته اللي من لحمه و دمه كيف يكون فيها خير لكي


الله يسخر لك الخير حيثما يكون ويفرج همك و يسعدك و يحقق لك مردادك أمين يارب العالمين

واضح انه بيميل لها

هل مشاعرك اتجاه زوجك قوية و تحبيه لدرجة ما تقدري تسبطري علي الوضع .هنا بتتعبي

__________________

(انما يوفي الصابرون اجرهم بغير حساب )

شكرا على المقطع
بس انا حالتي غير عن الاخت الي بتسأل الشيخ
انا اقترحت يرجعها بدون مايقولي وفعلا قلي انتي بنت رجال بس انا وامهم مانصلح لبعض وبيصير طلاق ثالث ورفضو الاثنين

امين ولك بمثل مادعيت واكثر
يمكن هذا عقاب له من الله مايعيش في راحة لأنه مو مريح امه وابوه ويعاملهم معاملة مو كويسة ابدا وهذا مصير الي مافيه خير لأمه وابوهالله يصبرهم ويهديه

اشكرك اختي على الرد
والله اعلم يميل لها بعد عمايلها معاه
او انها هددته ترمي بناتها لانه كان يقولي اخاف ترمي البنات
زي ماسوت زماان
ومااكذب انا حبيته لانه بيننا صفات متشابهة ويعترف اني اشبهه في حاجات كثير ويحبني .. بس هذا المقدر والمكتوب والحمدلله
دعواتك الله يكتب الخير