السلام عليكم ورحمة الله وبركاته:
اتكلمت معاكم قبل كذا ع الاختلافات بيني وبين زوجتي واستفدت منكم الكثير ولكن وصلت الامور معايا لطريق متعب جدا مع زوجتي،،،،
احنا مملكين ويوم 9 نكمل 4 شهور باذن الله 😄😄😄
احلى مافي فترة الملكه اننا كل يوم نتعلم اشياء ماكنا نعرفها ومستحيل نعرفها من غير تجربة ،،،ندخل ع المشكله ع طول:
مليكتي اللي هيا زوجتي في الشرع جدا هاديه وجدا كتومه وماتحب تتكلم كثير وهذا بس معايا وهيا صارحتني بالشي دا بس ع كلامها انها دايما كذا،اخواتي بيتواصلوا معاها وبيقولوا جدا هاديه بس فلاويه بعض الاوقات وبتضحك وبتعرف ترد وتتكلم ولسانها حلو معاهم،،وكاي زوجين صارت بيننا مشاكل وبحكم اني الكبير في العلاقه كنت لازم انا اللي احلها بالهدوء وبالتفاهم ،،مشكلتها اهلها ما بيعلموها اي شي وهذا ما بتعرف اي شي و ماتبغاني اتكلم معاها في امور الزواج والشغلات ذي بس قالتلي لا تشيل هم بعد الزواج راح تصير اسعد زوج بالدنيا وراح تشوف ،،،مشكلتي ذحين اني بحس اني معطيها اكبر من حجمها بزياده لدرجة صار بيننا اختلاف في وجهات النظر وطلبت مني اننا نبتعد عن بعض لفترة الزواج عشان مانخسر بعض ،،،قعدنا كم يوم ورجعنا ثاني صافي يالبن ،،بس مشكلتي معاها مازالت بانها ماعندها اسلوب،،حاولت افهمها،حاولت اسوي معاها كل شي قلت ممكن تتعلم مني وتحس،،،بعد فتره قطعتها يومين وجت تعاتبني بانها تحب تسمع الكلام الحلو مني كل يوم واني اسال عنها يوميا وانها بترتاح كذا بس لمن اقولها طيب ليش ماتسالي انتي نفسي احس بالاحساس ذا بتقولي لا تضغطني اكثر من كذا مع الوقت راح اتغير ،،،بكره عيد وانا مغترب وماراح اشوفها لين شهر صفر وبرضوا مابتسال بشوف الحبايب كل يوم بيكلموا بعض وبشوفهم قدامي بالغربه وانا بمسك نفسي خوفا من ربي وحفضا لزوجتي ،،بس برضوا الناس كلها بتسال وبتطمن عليا وبتعايدني وهيا ولا رساله ،،عايدتها برسالتين بترسلي قلب ،،احس انها فاهمه الحب بمنظور الكلام فقط وانه الافعال مجرد اشياء تافهه ،،،احسها تبغى كل شي انا اسويه ،،،انا اتصل وانا اتغزل وانا ادلع وانا وانا وانا بس ما تتنازل وتعطيني واحد من حقوقي هيا الاهتمام ،،،،بصراحه افكر اعاملها بنفس الاسلوب لفتره وبعدها اوضحلها بانها هذي طريقتها معايا في الفتره اللي راحت ؟! ايش رايكم ،،،احسها تبغى تثقل عليا بس فاهمه الثقل غلط ،،وبصراحه بديت امل من التواصل معها بس اسلوبها رغم عشقي لها ❤
مازلنا في بداية طريقنا وكل شي وله حل فادلوا بدلوكم خلونا نستفيد منكم ،،وكل عام وانتم بخير