السلام عليكم ..
((زوجي على علاقة بفتاة صغيرة على الجوال))

كيف حالكم ياشعب .. لي فتره مسجله هنا .. وابي اكتب موضوعى بس الحيا ذابحنىى ..
المهم ابتدى الموضوع بسم الله ..

انا متزوجه عمري 22 وعمر زوجى 31 والحمدالله متفاهميين على كل شي ومدة زواجنا 4 شهور والحمدالله حامل بالشهر 3 ههههه عطيتكم نبذه منى ..

بصراحه انا متعرفه ع زوجى من طريق النت ومن نفس المنطقه وقريب من عنددنا المهم الحمدالله بعد علاقه 3 سنين ونص وتقدم خطبنى والحمدالله ان رجال زين وماااافي منه .. جا يوم عادته مايفتح جوالي ابدا لان فيه صور خواتى .. وانا مافتح جواله حاط فيه رقم سري ومامره سالته ليش حاط سبحان الله يوم طاحت عيني عل رقم سري وفتحت جواله وتمنيت م فتحته عشان اظل عل عماي شفت محادثه واتس (مع حوده صغيره بالمتوسط ..) انصدمت ايش يبغى بنت ذالصغر والله انى انهرت امشي وابكى مو عارفه وين اروح المهم كتبت له ورقه قلت له اسفه انا فتحت جوالك بس مو طبعي افتش بس سبحان الله ربي وصلنى ان اشووف وش الموجود بس شكلك نسيت تمسح محادثة البنت ..
وخذت رقم سجلته بجوالي من غير مايعرف وكلمتها وماخبرتها انى زوجته المهم راح دوام وكلمنى واتس قلت ليش تكلمها وزعل ليه افتح جواله من غير مايدري وحط لوم علي قلت مومهم ليش فتحته المهم ليييييييش تكلم بنت من وراي قال هذي صغيره ومابيني وبينها شي هو صحيح مافي شي بمحادثه شفتها كلهم وقال ان منزمان متعرف عليها ويبيها اهى تروح لحالها مو منه لو هو تركها بتدور غيره مايبيها تخترب وعل قولته عارف اخلاق البنت مثل ماهو عرفنى ويقول برضو لو عرفت ان متزوج بتتركنى ومابي تروح لاحد يلعب فيها ...
وعطته خبر ان في وحده تكلمه من طرفه اهو وصار يتوعد فيني مسحي الرقم وعيب قلت له العيب عليك انت تكلمها ولا كانك مسوي شي .. قال ماكلمها دايم الا بين فتره وفتره لاجات من المدرسه تسلم وتطلع من واتس بس ولا صار يكلمنى زعل والحمدالله اسلوبي اجي بهدوء ماحب الصراخ والنكد .. ومن ذاك اليوم قفلت على السالفه وش اسوي احس من مقهوره من تصرفه وربي وربي من اشوفه ع الواتس يداهمنى الشك ان يكلمها والحين هو غير رقم السري لجواله واحس كان يبي يعوضنى عن الايام الي راحت كل يجي ويتلصق احبك وماشوف احد غيرك ومدري وش يخربط بس ساكته ...

نورونى يااهل الخبر سامحونى اذا طولت عليكم واذا كلامى مومرتب .. دلونى على الطريق الصحيح



((تم التعديل ليتناسب مع المضمون))

وعليكم السلام ورحمة الله وبركاته ..
مرحباً بكِ أختي الكريمة ..
ماشاء عليكِ رغم صغر سنكِ لكن حاولتِ تلمين الموقف دون مشاكل ..برافو عليكِ
سأخبركِ بشيء رُبما يؤلمكِ لكن سامحيني وأعتذر ..أغلب العلاقات التي تحدث عالنت وخاصة بأن علاقتكما كانت منه ..الزوج عندما يتحدث مع غريبة يقول عادي تعارف مابينها وبينها شيء ..طريقة إنفتاحه في عقله خاطئة جداً ويظن هذا عادي ..
المهم الآن تأسف لكِ وأعتذر فلا تفكري بما مضى واسعدي ..
وأنصحكِ بالدعاء الدعاء الدعاء ..
جبر الله قلبكِ بكل ماتحبين ..
وجعل جنينكِ قرة عين لكِ وحفظه الله لكِ ..

ذكريه دوماً بحرمة هذه العلاقات بين الرجل والمرأة برسائل لطيفة وهكذا ..

مشكوره اختى ماقصرتى اسعدنى تواجدك بموضوعى واتمنى ان ارى حلول والحمدالله على كل حال

وش رايك تاخذين رقم جديد وتسولفين مع البنت ع انك رجال ..
وخليها تتعلق فيك بدل ماتتعلق بزوجك
وتصير تنشغل عنه ... وشوي شوي لما تتعلق فيك انصحيها ونبهيها لانها توها صغيره وفهميها اللي يصلح واللي مايصلح باسلوب حلو وانتبهي تعرف انك بنت ... وعطينا خبر لاجربتي ^.*
ولاتقولين لزوجك انك تكلمينها

الله يهدي زوجك ويصلحه طبعا اللي صار صار بس من وجهة نظري كان المفروض ماتقولي لزوجك انك فتحتي جواله لوسكتي كان احسن وتصرفتي عادي على العموم مالك اﻻالدعاء ان ربي يهدي زوجك ويسخره لك وطبعا انصحك تحكي زوجك عن قصه من تاليفك عن مضار العﻻقات وانها هيا خطوات الشيطاناللي نبهنا القران منها وقولي انك سمعتي القصه بالتلفزيون ترى اسلوب القصص حلو يوصل لزوجك اللي تبغيه بطريقه غير مباشره وانا احيانا استخدم هالطريقه وتنفع بس عاد خلي القصه كانها حقيقيه وخلي النهايه تفجع عشان يتنبه زوجك لحرمة العﻻقات وانتبهي تقولي انها من تاليفك

__________________
اللهم فرج همي

الله يعينك حبيبتي
مااعرف وش اقولك ان شاء الله يفيدونك البنات ومايقصرون معك
بالتوفيق

مدة زواجكم اربعة شهور مايمدي توكم عرسان الله يهديه

لكن زوجك اتوقع تعود على العلاقات ،،وغالباً اللي مثله
صعب يرجع الا بهداية من الله

والبنت ياربي صغيرة في المتوسط وين اهلها عنها وين
أمها معقوله ماتراقب جوالها !

حاولي تآخذين رقم أمها منها وكلميها ونبّهيها.

انا لا احب ابدا ان يقوم رجل بهداية امرأة للدين .. فقد يزين الشيطان بعضهم بعضا .. و لكن ان كان مضطرا .. فاليحاول هدايتها بدون ان يقوم بأي تجاوز شرعي .. و يدعو الله لها بالهداية .. و يحاول ان يجعلها تتواصل مع صحبة صالحة في المسجد تعينها علي طاعة الله .. و لا يجب ان يخفي كل هذا عن زوجته ..
اما عن خوفه عليها من انحرافها .. فهو يعمل ما يجب عليه و يترك الباقي علي الله .. فانك لا تهدي من احببت و لكن الله يهدي من يشاء .. و اختلاط الرجل بالمرأة بدون اسباب شرعية حرام في حد ذاته .. و لم يجعل الله تعالي دواء الناس فيما حرم عليهم

يعطيكم العافيه اخووتى والله مرزركم اسعدنى وﻻ انا ماقدر اتكلم مضايقه ومغبونه مو عارفه افضفض لمين .. الحمداالله ان ربي وصلني لكم .. ومشكورين واحاااول ابي افتح الموضوع معه ف وقت مناسب ... سﻻمم عليكم