السلام عليكم

اعتقد عرفتوا اللي صار معي من المصون زوجي
وحابة اقول اشياء
اولها : اني ماتكلمت عن زوجي عند اخته اللي هي بعمري
انا ماكنت اكلم اخته إلا عن هدية ابهديها له ولا طريت شين فيه
ورب الكعبة اني ماتكلمت عنه بأي شيء كنت متفقه ان اخته تطلب الهدية وانا ادفع قيمتها
وهي تستلمها في بيتهم عشان مايعرف
ومادخلت هنا الا بنية اني ادور طريقة تقديم هدية
مع اني مادخلت المنتدى من مدة
واكتشفت كلامه


وللأسف ان خالتي الله لايسامحها موهمتنا انها ماتسمع وسمعها ضعيف
واساسا كنا بعيدين عنها وقت كلامي عنه
كيف جابت هالكلام ككله
وسوت مشكلة بين اهلي امي وابوي واخواني وعيال خالتي وتكلمت فيني بكلام ماقلته
وسببت حزازيات
وخلت امي تضربني

زوجي عرف من اخته اني ماقلت شي وحلفت له ان هذا اللي صار وطلعت له الهدية اللي كنت بعطيه


كنت متأكدة أن بعد الهدية ككل شي بيتعدل وبنصير احسن من اول بككثير
بس حسبي الله عليها

انا مقهورة لأن قبل ماتزوجه خالتي ززي امي وتعطيني مثل ماتعطي بناتها وتحن علي
ليه تغيرت وليه اتهمتني اني مابرفض رجال زين إلا لأن وراي شي
ليه زوجتني ولدها دامني راعية علاقات والحين تبي تخرب بينا

ألوم زوججي كثير لأنه عارفني وعارف اني موب من هالنوع
ألومه لأنه جاب لي غرض بأيام الملكة مايتعدى 100 ريال وسخخيف بس لأني ابيه جابه وحبيت له راسه وفرحت فيه
اقدر اي شيء يسويه عشان انا احب اللي يقدرني
ألومه لأن خالتي قالت لي كلام عنه انه رجع يدخن وانها شافت وشافت وانه جاها يبي يخطب وحدة يحبها
بس مااهتميت وعطيتها على جوها
لأني اعرفه وهو موب غريب علي عشان اصدق اي شيء ينقال عنه
وهو للأسف صدق بدون مايتأكد مني

وما الومه لأنه مسكين وامه دايما ساحبه عليه وعاش اكثر ايامه بغير بيت اهله ولا حس بحنان امه
ماتقربت منه الا بعد ماتزوج
وصار يجلس معها وياخذ رايها دايما
كأنه يقول حتى انا عندي ام


انا في بيت ابوي وابوي متحسف انه غصبني وماسمع مني وخلا اللي مايسوى يتكلم عني
انا برقبة ابوي اذا رجعني له بدون ما ابي وقلت له هالكلام وخخاف
وهو كل يوم يدق ويرسل اخرها امس لأن امس صارلنا سنة بالتمام متزوجين
وكأنها عمر ماحسيت الا بالقرف والقهر وتأنيب الضمير وكأني بحرب افكر واخطط وابحث عشان نصير طبيعين
وهو ولا على باله


انا كررهته احس مابيه وامي تقول ارجعي له تصير بين المتزوجين كثير
واختي تقول انه طيب ارجعي جربي يومين وطنشيهم
وقال لأبوي ماراح نجلس بالرياض وبينقل بنفس الشركة لفرع ثاني بجدة


مابي اخذ راي احد يعرفني ابيكم محايدين انتم تعرفون ككل شيء

كل يوم اصيح منقهرة من اللي صار وانا مالي ذنب

انصحوني انا ضايعة

__________________
اليد التي تنهضك عند تعثرك، أصدق من ألف يد تصافحك عند الوصول ~

لا تتطلقين

نسيت اقول ان امي ضربتني لأنه قال لها اني باقي بنت
وامي تشوفه سوى عمل جبار انه تحملني


وايضا عرف كل مواضيعي هنا وسبب لي مشكلة وكأنه مسك علي شيء
اني تكلمت بأمورنا الخاصة
وغير كذا حلمي بالبليغ قالي ليه تحلمين فيه !!

__________________
اليد التي تنهضك عند تعثرك، أصدق من ألف يد تصافحك عند الوصول ~

مشاكل سوء التفاهم ومشاكل الحما والأخت وغيره كلها مشاكل عادية وتصير بكل البيوت ..

انتي مشكلتك الأساسية ما انحلت ولهذا السبب أي مشكلة عادية تمر عليكم تصير كبيرة فلازم تحلي المشكلة الأساسية بالأول ..

بالرغم من الأسى اللي بالقلب الحين لكني أحس أنك حبيتيه ولو ما بينكم مشاكل كنتِ فرحتي أنه زوج لك .
يعني هو شاري وانتي شاريه ..باقي تحلوا مشكلتكم حتى تمشي المركب صح

طولتها وهي قصيرة قصدي اطلبي منه بينك وبينه أن تتعالجي عند مختص شرط لرجوعك .

__________________

اطلبي منه يحجز لج عند دكتورة نفسية
يا لمى ياحبيبتي..وضعج مو طبيعي
للأسف زوجج مو متفهم حالتج النفسية..لأنه مو عارف قوة حجم التراكمات النفسية اللي تضر بالإنسان
ومثله كثيييير..بسبب الجهل وعدم المعرفة

زوجج يحبج كثير..وانتي مازلتِ غاليه عنده
روحي له واطلبي مساعدته وخلج واضحه وشفافه له..اظهري له كل اللي بقلبج
من ألم وحزن وهم وكسر..وشوفي شنو ردة فعله

أمه..خالتج
لاتلومينها..قلبها على ولدها..تشوفه تعبان ومو مرتاح وتهيأ لها إنج قلتي هالكلام
روحي لها وخبريها إنها فهمت الموضوع خطأ..وخلي إخته توضحه لهم اللي صار
وخلج حبوبه معاها..ولينه حتى لو زعلتِ من تصرفاتها
ماعليه..أغلب البيوت جذي..الخاله والجنه والغيرة

لمى خلج قويه..وساعديه علشان تحلون موضوعكم الأساسي
لاتبجين وتسببين له الإرباك..البداية بتكون صعبة بس وبعدها بترتاحون

ربي يوفقكم..ويغير حالكم إلى أحسن حال

لا تتطلقين وأعطو بعضكم فرصة

واعتبرو ما حصل دروس لكم في قادم الأيام

-بشكل سريع على أمل العودة لموضوعك إن سنحت لي الفرصة..
-أقولها لك بكل صدق:
استبعدي الطلاق تماماً من موضوعك..

بيتا انا كنت ماحبه ولا اكرهه
بس الحين احس اني كارهته ونافرة منه
تكلم علي يا بيتا عند امي وقال لها اني متحملها واني باقي ماجامعتها
وامي ماتدري عن السبب وهو متناسي
وضربتني عنده

بيتا ماعمري قلت له ابعد عني قلت له سوي اللي تبي بسرعه ولاتقرب من وجهي
لو قرب مني دايركت امسك تنفسي واحس اني بختنق

وكنت اقوله دايم خل نروح
وابحث عن دكاتره كويسين لكن هو رافض
اخرها يوم جاه الحادث وعدني انه لما يطيب بنروح لكنه سحب علي

وانا طفشت ماراح اخسر شيء ابداً

وخالتي تقوله تزوج بنت الفلاني
لو تزوج مليون مايهمني وهو عارف هالشي
ولو انه يهمني بيتزوج عشان بس يقهرني

وتدرين يابيتا انه يشك فيني
ويبحث وراي بعد ما اترك اي جهاز امسكه
وجوالي يفتحه ويفتش حتى الاسماء
ومره شاف رقم مطعم والمطعم بإسم رجل وجلس يحقق مين هذا

بيتا انا كنت اقولها تعال ندخل المنتدى عشان يمكن يساعدوننا لكنه رفض وقالي يكذبون عليك لاتصدقين
ويوم دخل بس دخل يبي يعرف وش انا كاتبه

هو يعاملني كأني طفلة بكل شي موب قادر يعاملني كأني طفلة بهذا الموضوع ؟

انا كنت اقول انه طيب ولو مابينا مشاكل كان الحين احنا اسعد اثنين بس بعد اللي سواه فيني
مايعرف الطيب ابداً

وهو غيروه اصدقائه قبل هو ماكان كذا بس لما تغير مكان مكتبه وصار يجلس مع ناس حيوانيين
ودخل بقروبهم بالواتس وصاروا يرسلون اشياء بايخة تغير كثير علي

__________________
اليد التي تنهضك عند تعثرك، أصدق من ألف يد تصافحك عند الوصول ~

طيب حبيبتي يمكن لو فعلا وفا بوعده لك ونقل لمكتب جده أنه يبعد عن أصدقاء السوء أنه يرجع طيب مثل أول ؟؟
وأنا متأكدة لو انحلت مشكلتكم الأساسية بيرجع أطيب من أول . ترى حرمان زوجك منك بهالطريقة له تأثير كبير على نفسيته وعلى شخصيته كلها مهما ظن أنه يقدر يتحمل وكابر .

برأيي أنك تظلي متفاهمه مع والدك واسمعي منه وتكلمي معاه ... قولي لوالدك عن مخاوفك وعن أصحابه الجدد وتأثيرهم ...
شوفوا لكم طريقة تضمني فيها أنه فعلا ينقل عمله وأنه يبدأ علاجك ... هذولي شرطين يبدأ بتنفيذهم قبل ترجعي وخاصة العلاج لو تقدري تكمليه قبل ترجعي أو عالأقل تمشي فيه فترة .. قولي لوالدك نفسيتي تعبت وأحتاج مختص أسري عشان مشاكلنا الحالية .. مو ضروري تقولي له على اللي صار زمان .. صحيح انه مشكلتكم الحالية مو مقنعه أنك تحتاجي لها مستشار أسري لكن لو والدك شاف أن زوجك متفق معاك بخصوص العلاج ويأيدك بقوة أتوقع بيوافق والدك تبدئي وانتي عنده .


وانتبهي من موضوع الحمل الى أن تستقر أموركم ... خذي مانع الى أن تشوفي أنكم تفاهمتوا وتأقلمتوا مع بعض .

الله يوفقك حبيبتي .. حاسه فيك وبحرقتك

__________________

بعيد عن العاطفه
الرجال إذا ماعطيته حقه منج..بتشوفين النكد والهم منه
حتى طريقتج غلط لما تقولي له تعال سو كل شي بسرعه..
ماراح يقدر..ببساطه لأنج سكن له وراحه..لما تكونين مرتاحه ومتقبلته بيقبل عليج
أما إذا شافج متوتره..ماراح يقدر حتى لو حاول!!

فهميه إنج ماراح تقدرين تساعدين نفسج بروحج..وتحتاجين استشارية متخصصه
وقولي له كل شي بيتم بسريه..لا أهلي بيدرون ولا أهلك..خلنا نحل المشكلة ونرتاح بعون الله