سؤال يجول في خاطري...

هل فترة الخطبه (قبل العقد) مهمه؟

بالنسبه لي هي وااااايد مهمه علشان الشخص يقتنع بالطرف الثاني و يقدم على العقد...

النظره الشرعيه وحدها ما تكفي... لانها ما راح تخليك تعرف الطرف الاخر...

السؤال عن الخاطب او المخطوبه فقط بعد ما يكفي.. لانك ما احتكيت و حاورت الطرف الاخر...

الاستخاره وحدها بعد ما تكفي...

انا اظن انها كل الامور مجتمعه... الاستخاره و النظره و السؤال و فترة خطبه مناسبه يجلس فيها الطرفان في وجود محارم علشان يشوفون وجهات نظرهم للعديد من مواضيع الحياه.. التحدث عن ماذا يتوقعه الخاطب منها كزوجه و ما تتوقعه منه كزوج... يشوفون اذا وجهات النظر متقاربه...

احيانا اقول يمكن انا أؤمن بفترة الخطبه لاني ناضجه و عارف المحاور اللي راح اناقش فيها الخاطب.. هل فعلا السن يلعب دور في هالشي؟

هذا رأيي الخاص في الموضوع... و لكن شو رايكم انتو؟

بصراحه موضوع بالنسبه لي جا بوقته
باقي ساعات ورايح موعد نظرتي الشرعيه اليوم

وكلامك عين العقل والكل يتمنى هالشي قبل العقد

بس ماؤيد هالشي ولا ارضاه لمحارمي وبالطبع مارضاه لغيري من بنات الناس

انتي بالنسبه لك ناضجه عاقله ويخدمك هالشي بايجابياته اكثر من سلبياته , بس اصابع يدك مو سوا وغيرك ممكن بعد معرفته بالطرف الاخر يرفض ويسبب لها جرح ومن هالامور

ومهما كان اختي الشرع حكمنا بظوابط شرعيه ولو في هالامر ايجابيات اكثر من سلبيات لكان جاز لنا الشرع

وبعد العقد بفترة الملكه يتم التعارف وبيبين لك كل شي , واكيد بتواجه امور مستعصيه وبتعرف اشياء ماكنت تتمناها بالطرف الاخر , واذا كان الشي لايمكن التعايش معه تنهي الموضوع قبل الزواج , ومهما كان لابد في امور تعكر مزاجك بالطرف الاخر والدور علينا نتقبل هالشي ونتعايش معه ونحترم شخصية الطرف الاخر ونحاول قدر المستطاع نحسن من العيب الي فيه ,,,,

وكل فترة التعارف سوائن قبل العقد او بعد العقد , ماتكون لك صورة الطرف الاخر على اكمل وجه
كلها فترة مثاليات للطرفين

بس صدقيني هالشي لو حصل الرجل بيخطب 20 وحده ويجلس مع كل وحده وكل مره يكتشف امر بسيط ويفصخ الخطبه ويبحث عن الكمال بانسانه وماراح يحصله

واشكرك على هالموضوع الرائع للنقاش

انا صراحة أويد هذا الكلام
لكى يتعرف الطرفان على وجهة نظر بعضيهما
والا تزيد هذة الفترة عن 6 اشهر
والا تقل عن شهران

المشكلة كثير من البيوت ما تسمح بالتواصل في فترة الخطبة

__________________




كل مشكلة ولها حل
**باب بيتك هو باب خزنة اسرارك الزوجية**

بـــاريـــس... تــقــريــر رحلتي الــى مــديــنــة الــنــور
.
.

اذا استخارة الله عز وجل ما تكفي ...!
اذا توكل على الله ما يكفي ...!
اذا النظرة الشرعية (وفق منهج الحبيب) ما يكفي ...!
فوق هذا كله استشارة الأهل + السؤال عن اخلاقه لا يكفي ...!


اذاً حتى الكلمتين اللي راح تنقال بحضور المحارم للتعارف لن يكفي ابداً ....


القاعده المهمة في الحياة ,,, أي شي وفق المنهج الرباني + سنة الرسول = النجاح في الحياة

ضد هالكلام طبعاً ...

سامحوني بس الناس مو سواسوية ولا يمكن حد من المحارم يرضى انج تقعدين معاه وتاخذين وتعطين معاه في امور مهمة تخص الزواج ... بيقول انا شو دوري عيل اذا انتي تبين تتفقين معاه

الله يستر من الايام الياية

اللهم ثبت قلوبنا على دينك ...

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

اخواني و اخواتي اشكركم على ردودكم


حبيت انوه ان الجلوس يكون مع وجود محارم في حدود شرعيه و ليست خلوه...

السؤال هو هل الطلاق بعد العقد سهل؟ سهل على الرجل و لكن هل هو سهل على البنت؟

اختي بشرى... انا ما انكرت ان التوكل على الله مهم و الاستخاره مهمه و لكن قلت ان اذا الشخص استعمل كل طريقه وحدها ما راح يفلح... يعني استخار فقط... طيب وين الاستشاره؟ سأل عن الطرف الثاني و لم يستخير؟ هذا وحده بعد ما يكفي... نظره شرعيه بدون استخاره و بدون سؤال وحدها بعد ما تنفع...


بصراحه ما اتفق معاج ان كل شي ينتهي نهايه سعيده و الزواج ينجح... اذا كان هذا هو الحال... فليش البعض يطلق بعد الزواج؟ و يقول هي تافهه او البنت تقول ان الرجل طلعت تظرته للحياه ماديه و يحسب علي الفلس...

و ليش اعتراض المحارم؟؟ هل هم راح يعيشون مع هذا الرجل او هي؟؟ هل هم راح يتفقون معه بعد الزواج على كل شي او هي؟؟

النظره الشرعيه في الاغلب لا تتعدى الربع الساعه يكون الطرفين ساكتين فيها الا من اسئله بسيطه جدا..


هي مجرد تساؤلات...


فارس اخوي... شطحت انت شوي... هي فتره تعارف بسيطه... مب تعارف ابديه... فتره شهر كفايه انك تشوف بعض صفات الطرف الاخر...

الخطوة الأولى : يستخير الله عز وجل
الخطوة الثانية : يستشير المستشارين اللي يثق فيهم
الخطوة الثالثة : ولي امرها يسأل ويتحرى عنه ,,
الخطوة الرابعة : النظرة الشرعية وما تتعدى خمس دقايق
الخطوة الأهم في الحياة : التوكل على اللي صنع الأقدار

التوكل مب بس مهم .... التوكل هو أساس الحياة


بعديييييييييييييييييييييييييييييييييييييييين تاخذين القرار

انا اشوف انه السنة وااااااااااااااااضحة وضوح الشمس ما نحتآج للجلسات الإضافية

وللعلم زواج بالطريقة اللي شرحته لكم ناجح أكثر من أي زواج ثاني في العالم
وهذا الكل يشهد مب بس انا
والطلاق هو اللي قرار مب الزواج ... الزواج نصيب ...!


وسامحيني ع الإطالة ي أخيتي ...

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

فعلا يا بشرى خطواتج صحيحه و اتفق معاج فيها....

بس لحظه... النظره خمس دقايق بس!!

طيب ما في أخذ و عطا في الموضوع

يعني في خمس دقايق كيف راح نتكلم

انا كنت اتحرى ان الموضوع يكون اطول شوي.. يعني على الأقل ربع ساعه... @_@

يمكن لأني نااااااادرين الرجال اللي وصلوا مرحلة النظره الشرعيه... العاده اقفل الموضوع قبل النظره الشرعيه... او يمكن لأن معظم من تقدم لي من محيطي فما كان في اصلا نظرة شرعيه شايفين و خالصين..

فقط خمس دقائق
ترى النظرة الشرعية عبارة عن شو :
شكل الخآرجي فقط ... انتي المفروض اتكونين مخلصة من سالفة الاقتناع الشخصي له
يعني هالمرحلة عديناها وخلصناها

انها تطلع بدون وقاية او تلبس فستان اونه ماشي هالسوالف عندنا
تطلع هي بعبايتها وشيلتها وبكل احتشام تيلس اتشوفه وهو يشوفها وتطلع
ماله اي داعي تكلمينه او هو يكلمج

وانا مثلج فديتج مااحب اوصل لمرحلة الرؤية الشرعية

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

انا اشوف النظره الشرعية والاستخاره تكفي كثثثثثير ، لو انه حلال او يحتاج كان الرسول قال بالنظره يتاقشون مع بعض
انا اشوف كاااااافيه التوكل عع الله والاستخاره توكيل امرك لله ، الشوفه تثبت لك هل انت مرتاح او لا ، لانه دامك وكلت الامر لله تعالئ بيختار اللي خير لك يعني م يحتاج جلسات وناقشات ، اذا ملكت وكتب العقد سولف معها وتناقشوا افضل

هذا راايي