السلام عليكم ورحمة الله وبركاته ..

كوني له امةً يكن لكِ عبدا ..

كثير ماسمعنا هالمثل ..

بس كيف ندلل الزوج ..

كيف ياناس ..

نبي الازواج يجون هنا ويقولون ..

هل الدلال ..حمام دافئ للرجلين تكرمون ..

هل الدلال ..طوفرية قهوه مع حلى كل يوم ..

هل الدلال ليله رومانسيه ؟؟؟؟

وشو الدلال الي يبيه الرجل العربي وخصوصا الخليجي ..وخصوصا السعودي ..وخصوصا النجدي ..<<طولتها ادري ..

وش معنى دلعي زوجك ...ابي افهم ..

وش معناها الين قالو امهاتنا حوفي به وروفي به ....

انتظر اجاباتكم ..لعلمكم هالموضوع من زمان وهو يحوس بخاطري ..

بس اجلته عشان هالايام الفضيله ..الحين ماقدرت اصبر ..
يلله الكيبورد معكم ...ابدعوووووو..

__________________

أحييك على حرصك وأهتمامك والله ينولك ماتتمنين وتطمحين له.

أعتقد أنه إذا صدق القلب والمشاعر انصاعت الأفعال، ربما يتفاوت الرجال، وهناك من الرجال لايقدر أبداً، وهناك من الرجل لايملك الحب تجاه زوجته فمهما فعلت لايرضى بعملها ولا يشبعه، وهناك من يظن أن ذلك من واجباته، وهناك من يقدر في البداية ثم يتحول الأمر إلى روتين لا يشعر بأي أحساس تجاهها، ولكن مجرد أن المرأة تعرف دورها وواجباتها وتحسن تصرفاتها وأخلاقها تستطيع أن تكسب زوجها، وكلما زدتي كلما دللتيه، المهم أن يقدر الرجل عملك ويشعر به ويجازيك بالمعروف.

__________________
ياصبحِ لاتِقبل !!
عط الليل من وقتك..

طيب ..
انا ماراح انتظر هل هو يقدر ولا مايقدر ..

انا بسوي الي يريح ضميري ..ويحسسني بالسعاده ..

بس انت ماعطيتني ولا مثال ..

انا ابي امثله ..

يعني كل واحد يقول وش ينتظر من زوجته تقدم له "

__________________

تعرفين ايش يعني الدلال والرفاهيه والدلع الي يبيه الزوج

الربطه ثم الربطه ثم الربطه ابعدي عنها ,, لاتربطيه بشي , بيروح مكان بيقابل اخوياه وتقوليله لا باقي كذا وكذا وبنروح كذا وكذا

ترا مو مزيغ عيننا الا حاجتين الاهتمام الزائد , وعدم الاهتمام بالمره

ترا في سر يبيه الزوج بزوجته ولا وحده تسويه الا من رحم ربي وسوتها بالحظ,, طبيعتك مثل ماكنتي ببيت اهلك

لاتتصنعي اسلوب معين وتظهريله اهتمام زائد والزوج يسلكلك بوقتها ويعنينه مبسوط وهو من الداخل مو عاجبه

مثل: تسويله شي مختلف بالغدا او العشا وشموع وتاكليه بيدك وكذا هنا انتي تصنعتي مقابل تظهريله اهتمامك بس الرجل السعودي بالذات يحب كل شي بكسر الروتين يعني لافكرتي تسوي زي كذا عشا على ضوء الشموع وكذا قوليله ملاحظ مسويه رومنسيه من اجلك بس لادقق ,, فاهمتني ياختي وصلت المعلومه يعني اكسري الروتين باي شي تسويه يعني حسسيه انك قاعده تسوي شي من اجله وربي ترا مايهمنا الشي الي تسويه الزوجه الي يهمنا تفكيرها وليه سوت كذا ^_^

وانتي لما تكوني كذا مع زوجك حتشوفيه فري معك وحبوب بنظرك

يعني خليكي وحده على طبيعتك على نيتك اهم شي اي حاجه تسويها قوليله سببها خليه يعرف تفكيرك ساعتها لو جلس قدام اهله او خويانه والله يمدح فيكي رايح جاي وبيقول عنك ياحليلها سوت كذا وكذا من اجل تسعدني ومن هالكلام

اما الشي الي تسويه الزوجه اول حاجه يجي بمخ السعودي ايش وراها اكيد وراها مصلحه او وراها طلب هههههههههههه

بس خلك وحده على نياتها تسوي الشي وتقول سببه وتعلق عالي سوته تلطف الجو والله اخاف تجيكي صدمه وقتها لما يحب رجلك ^_^

الرجل يريد من زوجته الكمال في الجمال و الطاعه له ولاهله
والاهتمام به وببيته والاولاد

بصراحه اري ان الزوجه تفعل الواجب اللي يرضي ربها وتحتسب كل تعب

المهم الا تنسي نفسها فتهتم بنفسها وبدينها ووتستمتع بوقتها
ولكن للاسف كثير من الرجال يعزلوا الزوجه في حيين انهم يستمتعون بكل اجتماعياتهم بكل اريحيه

__________________
اللهم اجعل عملي كله صالحا واجعله لوجهك خالصا واجعله عندك متقبلا

اخي الكريم ..
المشكله احنا عندنا لما نقول كذا ..
نحس اننا قاعدين نمن بالي سويناه ..

تدري اخوي ..من جد احس انه لما اسوي شي ..
مااحس انه مستوعب ..احس في باله الف سؤال وسؤال ..
ونظراته تلف وتدور ..
اثره يحسب اني ماسويته لله ..

شكرا والله يجزاك ووالديك بجنات النعيم على التوضيح ..



طيب وش يتمنى الرجل ..وهو جاي للبيت ..ان زوجته تسوي له ؟؟

__________________

ياحلوه يالي كاتبه الموضوع اهتمي بنفسك وبأولادك
وقومي لزوجك بالي يرضي الله ويرضيه بس من غير مبالغه بالاهتمام عشان مايمل ويطفش ترى الرجال بشخصيته ملول
ومافي داعي تخلين تدليل زوجك يتحول لروتين وتخربين على نفسك
لاحظت على موضوعك وموضوع الأخت لونا (مكافئة الزوج) أكثير مركزين في حياتكم على أزواجكم
وكثير أعجبني رد العضو الهدوء عنواني سبحان الله نفس الشي الي افكر فيه
وادي ان الموضوع هذا موجهه للرجال بس دخلت لقافه وحبيت اقول رأيي
وأرجو ما احد يزعل من صراحتي

لا وش دعوه محلك ومكانك ..

لا حبيبتي معروف لما تخلين احد بحياتك تحت المجهر ..بينحاش ..

حتى الطفل لما ادلعه زياده ..تلاقينه ينحاش ..

طيب انا مادللته ..وابي ادلعه ..

بس وش الاشياء الي يحب الرجل الخليجي وخاصه السعودي ان زوجته تسويها له ..

كيف ادلعه ..

هل يحب ان زوجته تفاجئه بليله في فندق ..

ولا مساج ويالله لك الحمد واللشكر ..

وش احسن شي يفضله الزوج بمجتمعي ..

__________________

اول شي معليش ممكن استفسر عن الاسم توفي وفيصل اسامي اطفالك مو ..؟

وازيد بالنقطه شرح واحطك بالصورة كمان عشان توضحلك اكثر ,,

لاجتمعنا مع متزوجين اكثر من مره بالاسبوع كل واحد يرمي تعليق عالثاني ونقوله (( الاشاره عندك حمراء )) معناها الزوجه معها الدوره :14:
يعني انت حر طليق هالاسبوع مع انه اكثر شي تحتاج الزوجه للزوج بها الفتره , بس ياخذها حجه ويطلع وهي تاخذها فرصه انو ماتبي يتقزز منها ويبان منها شي مايعجبه

^^ والمغزى من هالكلام ان اغلبكم تحسس الرجل انه ملزوم بجلسة البيت والواحد يخاف على مشاعر زوجته وزعلها عشان لاجا اخر الليل عالفراش ماترده

وانا استغرب منك ومن اغلب البنات الي تسئل عن الي يرضي الزوج,, انا مدري شلون تفكرون والله خلق امنا حواء لادم عشان مايستوحش الجنه,, وفي حديث للرسول صلى الله عليه وسلم فيما معناه(( اعظم فتنة على امتي فتنة النساء))

والرجل بطبيعته شهواني وعيونه يمين يسار ولو كان متزوج 4 والسبب التجديد بالنظره يملي عينه الا الصابرين وباغين الاجر من الله

ونستشفي من هالكلام انه انتي وغيرك والله تخلي الرجل خاتم باصبعها بس الدور هنا عالزوجه مع مرور الوقت والسنين تصيب الرجل الملل والفتور وتبدء المرأه تحس بالنقص وتدلل الزوج وتهتم اكثر وهو رايح وهو جاي تدلعه والرجل مو محتاج هالشي والله

الرجل الي يحتاجه من مرته تخليه هو يحكم هو يقارن انتي سوي الشي على طبيعتك ولو تتصنعي شي قوليله السبب فيه ,, بس لاتدلليه وتدلعيه بحكم انه انا مهتمه فيك وهذا اثباتي لا لا لا ,, نصيحه لوجه الله لاتخلي الرجل يحس انه متمكن منك وانك تجري وراه هذي اكبر غلطه

خليه يحس انه عنده وحده تحب الرومنسيه مثلا تحب الدلال بطبيعتها سوائن لك يابو فلان ولا لزوج غيرك

يعني خلي زوجك لما يشوف كل هالدلال والدلع منك مو من اجله حسسيه انه هذا الي تسويه لاي زوج بس كيف عاد مدري انتي واسلوبك وقدرة تواصلك مع شخصية زوجك

ترا انتي كذا تضربي قلب الرجل بالوتر الحساس لاوصلتي لتفكيره انه انتي امرأه تدلل اي زوج ,, مو زي لما تدلليه وتدلعيه لما تشوفي منه عدم اهتمام وتبغي منه الاهتمام وتكافحي وتعملي وتسوي وليالي رومنسيه وماني عارف ايش ترا والله ماتعني شي اذا حس الرجل بانك تجري وراه بها الشي,,, مثلا مثل الرجل لما يغرق مرته فلوس ويشتريلها اي شي وكل ماشاف منها صد او عدم اهتمام يغريها بالفلوس وطبيعي المرأه بتحس انه هالشي مصلحه وانه يبي منها شي مقابل هالمبالغ والمرأه تكرهو زياده ممكن وتقول ابغى منه عقله وتفكيره مو يسكتني بفلوس او يوصل لمبتغاه عن طريق الفلوس
ولو تلاحظي بالي حولك لما تجي وحده مطفوقه يعني على نياتها يموت فيها الزوج والسبب تعمل الدلال مثل ماتعمليه انتي بس الفرق تعملها وهي سامعه بالرومنسيه والشموع وتسويها من باب الرومنسيه مو من باب اجري ورا الزج او شوفني مهتمه فيك وادلعك ,, اهم شي الاحساس الي يوصل للرجل انه الي تعمليه بتسويه معاه او مع غيره والزوجه صادقه لما تقول مايملي عين الرجل الا التراب , لانها جالسه تسوي شي وتبي توصل لمبتغى معين من ورا هالاشياء وبكذا تتحطم وتكره الزواج بكبره لما ما توصل لهالشي

وبالاول والاخير والله انتي بيدك كل المفاتن وعندك الف باب وباب ,, ابدئي من باب تغيرك بنفسك لنفسك بالنيولوك بالمظهر بالمشاعر ,, بس اياني وياك تغيري شي وتصطنعي شي من اجله هو وبس
بكذا توصل لمرحله انه يذلك لاسمح الله ,,, الي تقدميه لزوجك من اجله هو بالامور السطحيه مثل تنازلات تتنازلي عن نص راتبك له تتنازلي عن اختيار شي معين اختلفتو فيه اما غير كذا لا والف لا

اهنيك والله
وربي يوفقك
شوفي ابدي معي وحده وحده وباذن الله راح ترتاخي وراح تدلعي زوجك
1- اذا زوجك تأخر عند اصاحبه وانتي تبينه لا تتصلين عليه ولا شي وتزعلينه بالكلام وطولت اللسان ارسليلي مسج حبيبي اشتقتلك وينك ومتى تجي وانا ماراح انام انتظرك :من الكلام هذا
2- اذا جاء زوجك من مكان معين اذا من العمل جهزي لك احلا حمام دش واحلا اكل من يدينك واذا من اصاحبه جهزي له احلا عصير وشي حلوو وانتي البسي احلا لبس يغريه !!
3- اذا بغيتي شي من زوجك لا تطلبينه وهوا معصب خليه لين يرتاح ويروق وقولي الي عندك وبهداوه ونصيحه اذا قال لا لا تردين عليه وتقولي ليه لا خليه شويات وقولي حبيبي ليه لا ومن هاي الكلام.
4-رجل مايرتاح الأ يكون البيت نظيف ومرتب ومعطر وغرفته كذالك وانتي وعيال كذالك .

والله يوفقك ويسعدكم
ويسعد اخواني المسلمين
وكــــل عام وانتو بخير