:*

السلام عليكم ورحمة الله وبركاته:
أختي الغالية روح الطير

:*
تفضلي بطرح مشكلتك ياحبيبة
وأسأل المولى أن يزيل همك ويريح بالك
ويكتب لكِ من كل ضيق مخرجا.

:*

__________________

و عليكم السلام و رحمة الله و بركاته

ماعرف من فين ابدأ ..

لكن خليني ابدا من النهاية ..

( أنا مقاطعتهم )

هذه نتيجة كل محاولاتي اللي حاولتها قبل ..
فكانت هذه النتيجة ..

زوجي شايف الوضع طبيعي و مرتاح كذا ..
و انا بشكل عام، انسانة اكره المشاكل كره العمى ..
و ابحث عن الحلول دايماً، بس مليت و انا احاول القى نقطة اتفاق بيني و بينهم
لانه نيتهم شي واحد و ما حتتحقق النية هذه ..

اقاربي ، زميلاتي، صحباتي، الخ ..
دايما كنت نقطة الوصل و اتواصل مع الكل ..

بشرررررررط ماحد يتقصد اهانتي او اذلالي ..
و اعطي فرص كثيرة و اسامح و انسى لحد ما تتقفل كل الابواب

و اهل زوجي
احس كل الابواب تقفلت ، و صار لي سنتين و انا مقاطعتهم

لا احد يقول لي الدين و حكم القطيعة ..
لانه اسباب مقاطعتي لهم ( مقتنعة بها ) .. و كانت برضو لاسباب ترضي ربنا ..
عالاقل من وجهة نظري ..

سؤالي:
لحد متى ؟
هل الوضع طبيعي ؟

.
.

و اللي حاصل الان هو ردة فعل و نتيجة اللي شفته سابقاً و سكوتي ..
فكان انسحابي هو النتيجة .. بعد بذلي لكل الطرق و المحاولات ..

:*

وضعك طبيعي جداً وأكيد لم تقاطعينهم إلا لأسباب جوهرية فلم أعهدك
متسرعة أو غير منصفة وأنا أكيدة أنك أردتِ الابتعاد عن شر لحق بكِ

لكن أحفادهم دعيهم يزورونهم مع أبيهم ويسلمون على جدتهم وعماتهم
وأعمامهم لأنهم صلة رحم لهم

وديننا لايكلف نفساً إلا وسعها ولاضرر ولاضِرار

فإذا كانوا يؤذونك ويلحقون بنفسيتك الأذى ورأيتِ أن كل سبل الود والمعروف
لم تفلح معهم فأرى البعد عنهم وعن المشاكل معهم غنيمة

ومن الناحية الدينية: أهل الزوج ليسوا صلة رحم للزوجة لكن من باب الإحسان
وإرضاء للزوج يجب الإهتمام بهم وصلتهم وأرى زوجك راضي وهذا المهم


هذا إذا كنتِ قد استنفذتي كل سبل الصلح معهم وكانوا فعلاً لا أمل
يرجى منهم وتعبتِ في ترميم الجروح من بعدهم كل مرة فالبعد هو الأحل الأسلم

ومن باب تلطيف الأجواء ولأنهم أهل أولادك كل فترة والأخرى مثل الأعياد
والمناسبات أبعثي مع زوجك بهدية لهم خاصة أمه فالهدية مفتاح القلوب

وأما مايحدث معك مع الصديقات وغيرهم وما أصابك سلوكياً كردة فعل
أرآه جداً جداً طبيعي فأنتِ هنا بعد عدة مرات خذلان وصدمات تحاولين
حماية نفسك بإنتهاج هذا النهج الذي يشعرك نوعاً ما بالآمان والحصانة

ولستِ مجبرة على معاشرة من لا يثمر
فيهم المعروف ولا الكلمة الطيبة


روح تجارب الحياة تصقلنا وتجعلنا أقوى من قبل
فلاتتأثري من تحول شخصيتك وصدقيني في هذا الزمن
يجب أن يكون الإنسان قوياً ولايرضى بأن يداس له على طرف

:*

__________________

وضعك طبيعي جداً
ماني شايفته طبيعي، للأسف .. و لا أحد شايفه طبيعي ..
بإستثناء ( زوجي ) .. شايفه طبيعي جداً و عاجبه .. !!!

.
.

وأكيد لم تقاطعينهم إلا لأسباب جوهرية فلم أعهدك

متسرعة أو غير منصفة وأنا أكيدة أنك أردتِ الابتعاد عن شر لحق بكِ

أسباب جداً جوهرية، و من يوم زواجي ما عدا يوم رحته لهم .. أو مكالمة
كلمتهم فيه أو زيارة ، إلا و ألاقي منهم ما لا يسرّ ..

و زوجي من أول زواجنا يبغاني أبعد عنهم ..
و هو سبب أساسي بإبتعادي عنهم ..

مع العلم إني بعيلتي، أنا اللي أحاول المحافظة دايماً على قوة العلاقات و اجمع
بينهم، حتى عمي أخو أبوي .. دايماً يقولي إنت أكثر وحدة تتصلي و تسألي
عني .. يعني مو من طبعي أبداً المقاطعة، لدرجة زميلاتي من أيام الطفولة لحد
دحين مواصلتهم ، و قالولي ماتغيرتي أبدا ,,

و جارات أمي القدامى و الفقراء ، دقيت عليهم من فترة و مرررررة فرحوا ..
فأنا تهمني العلاقات الإجتماعية ، بنفس الوقت ..

ماحد يتعدى حدوده أو يحاول هدم حياتي الخاصة و التطفل فيها أو إهانة
كرامتي ..

.
.

لكن أحفادهم دعيهم يزورونهم مع أبيهم ويسلمون على جدتهم وعماتهم
وأعمامهم لأنهم صلة رحم لهم

ما عمري منعت ولدي، و مرة سافرنا للخارج و اشتريت هدايا بسيطة لعماته و أعمامه و ما اشتريت لأخواتي و أخواني، و غلفت الهدايا و حطيت كروت صغيرة
كأنها من ولدي لعماته و أعمامه و ولدي أصلا صغيييير و هما أكيد حيعرفوا إنه
ماهي فكرة زوجي و لا فكرة ولدي ،، لإنهم عارفين كلهم إنه زوجي ماعمره جاب
لهم هدايا ..

.
.

وديننا لايكلف نفساً إلا وسعها ولاضرر ولاضِرار

طيب كيف إذا ولدي كبر ؟ و لحد متى ؟

.
.

فإذا كانوا يؤذونك ويلحقون بنفسيتك الأذى ورأيتِ أن كل سبل الود والمعروف
لم تفلح معهم فأرى البعد عنهم وعن المشاكل معهم غنيمة

هذا نفس رأيي زوجي ، بس زوجي كان سبب أغلب المشاكل اللي بيني
و بينهم .. و قلت له كم مرة و حتى مرة أخواته قالوله نحن حاسيين إنك إنت
السبب الأساسي في قطيعة زوجتك لنا ..

بس زوجي ( ممثل كبير ) .. و يلعب عالحبلين ..

.
.

ومن الناحية الدينية: أهل الزوج ليسوا صلة رحم للزوجة لكن من باب الإحسان
وإرضاء للزوج يجب الإهتمام بهم وصلتهم وأرى زوجك راضي وهذا المهم

بس هما على بالهم إنه ولدهم ( بريئ و ماله دخل ) ..

.
.

هذا إذا كنتِ قد استنفذتي كل سبل الصلح معهم وكانوا فعلاً لا أمل
يرجى منهم وتعبتِ في ترميم الجروح من بعدهم كل مرة فالبعد هو الأحل الأسلم

نفسيتي متعبة لحد دحين منهم وقت افتكر أي موقف ( متفننيين في التنكيد )
بشهادة زوجي ., و أنا ماعمره أحد من أمي أو أبوي أو جداتي ، أهانوا كرامتي أو زعلوني .. و ماني مجبرة اتحملهم على أمور أنا ما قصرت فيها معاهم ..

.
.

ومن باب تلطيف الأجواء ولأنهم أهل أولادك كل فترة والأخرى مثل الأعياد
والمناسبات أبعثي مع زوجك بهدية لهم خاصة أمه فالهدية مفتاح القلوب

كنت دايما أجيب لهم هدايا و خاصة أمه ، بس ما يبين فيهم .. و يشوفوه واجب
عليك ..

.
.

وأما مايحدث معك مع الصديقات وغيرهم وما أصابك سلوكياً كردة فعل
أرآه جداً جداً طبيعي فأنتِ هنا بعد عدة مرات خذلان وصدمات تحاولين
حماية نفسك بإنتهاج هذا النهج الذي يشعرك نوعاً ما بالآمان والحصانة

مو من صديقات .. لكن بالعمل ما صرت أجامل أحد ..

.
.

ولستِ مجبرة على معاشرة من لا يثمر
فيهم المعروف ولا الكلمة الطيبة

هنا أصبتي بالفعل ، لكن فين المشكلة ؟؟؟

اللي يربطني بأهل زوجي ( ولدي ) .. كيف إذا كبر ؟
و لحد متى ؟ هنا المشكلة ..

أنا صحيح مرتاحة و زوجي مرتاح ، و كل يوم يعدي عليهم و ما عمري تدخلت
بينهم .. لكن ( ولدي ) بكرة بيكبر و بيفهم ..

هل هذا الشي لصالحه ؟؟؟


.
.

روح تجارب الحياة تصقلنا وتجعلنا أقوى من قبل
فلاتتأثري من تحول شخصيتك وصدقيني في هذا الزمن
يجب أن يكون الإنسان قوياً ولايرضى بأن يداس له على طرف

:*

معاك حق ،، بس أنا صايرة بزيادة ..
صح ما أغلط على أحد .. لكن ما اسكت عن حقي و دايما أقول لنفسي
( لا تتحدى شخص، ما عنده شي يخسره )
و هذه أنا ..

.
.

تفكيري فقط بولدي و بكرة .. و لحد متى ؟
و زوجي طالع البريئ و المظلوم أمام أهله ..

http://www.66n.com/forums/showthread.php?t=237145
^
تقريبا نفس اللي كان حيحصل معاي لا سمح الله ..
لو ما تعاملت من بداية الزواج بحدود و رسميات و اتقيت شرهم ..

بس تعبت في الأخير من أكاذيبهم و من تهرب زوجي من حل المشاكل ..
و قالت لي أمي تستاهلي، (وقت شافتني أبكيييييييييييييييييي و رجعت من بيت حماتي) ..
لإنه حماتي تستفزني و أنا ما أبين اني انقهرت أمامها و ( ابتسم لها ) عشان لا تنبسط ..
و عند أمي أروح و أبكي من القهر ..

أمي قالت :
زوجك ما يغصبك تواصليهم ، و إنت اللي تجيبي الهم لنفسك ..

رديت عليها:
( يا ماما ، إنت ربيتينا نحترم الكبير و غصب عني ما أرد و اسكت .. و لا أنا أقدر أتكلم و أعرف أخد حقي و كلكم عارفيني )

وقتها زوجي قال ( رديييييييييييييييي و خذي حقك بيدك ) و أمي قالت نفس الشي ..
و قلت لهم ( لا أحد يلومني وقتها ، لإني تحملت 3 سنوات ) ..

و صار موقف و رديت عليها ، لإنها قلت أدبها علي و حسبت طيبتي و سكوتي ( هبل ) ..

.
.

و فيه شي حصل من يوم تزوجت ..
إنه كللللللل أقارب زوجي ( أخواته ، أخوانه ، أخواله و أولاد خالاته ) مجرد ما رحت سافرت عشان أكمل دراستي ..
كللللللهم فجأة سجلوا انتساب بالجامعة في نفس السنة و نفس الترم و بيكملوا دراستهم ..

,
,

عالعموم ..
أنا تفكيري بس ( لبكرة ) ..

و أبو زوجي هو الوحيد اللي كنت أحبه و كان يحبني و يعزني زي بنته ،،
و متأكدة إنه ما زال يعزني ..

و أخوان زوجي يعزوني مرة و الحمد لله .. و حتى زوجات أخوانه بس يخافوا يتصلوا لإنه حماتي متحكمة فيهم ..
اسمع من زوجي إنه أخوانه الأولاد دايم يمدحوا فيا .. و كم مرة وصلوني أنا و زوجي لأي مشوار وقت خربت سيارة زوجي

و خالاته و عماته برضو بالمناسبات يدقوا علي و أحبهم و يحبوني ..


و أخواته مع أمهم في الحق و الباطل ..
و أمه ( ممثلة درجة أولى و كذابة بمهارة ، كم مرة تكذب على زوجها عيني عينك و قدامي و تعلم زوجي الكذب )
عشان كذا زوجي جلس كم سنة يكذب علي ( و يتفنن بالكذب ) وقت شفت أمه كيف .. عرفت السبب ..

بس أخواته هذاك اليوم يكلموه بالماسنجر ..
إنهم ماهم عارفين لحد دحين ، ليش زوجته ( و اللي هي أنا ) .. قاطعتهم فجأة ؟؟؟؟؟
يقولوا ( نفسنا نعرف إيش كانت تفكر وقت قاطعتنا فجأة ) ؟؟؟؟؟
و يقولوا لزوجي ( نحن عارفين إنك إنت السبب الرئيسي و لك يد بالموضوع )

.
.

أنا حابة افتح صفحة جديدة، لكن بدون ما أذل نفسي أو أهين كرامتي ..

.
.

يمكن لإني تغيرت دحين و خاصة بعد وفاة أمي ،، و عرفت طينة أغلب البشر ..
و تعلمت من زوجي و من الناس ، كيف أتعامل بذكاء و بسياسة أكثر ..

زمان كان اللي بقلبي يبان علي على طول .. و أنا أصلاً حساسة جداً و هذا عيب فيا ..
و كانوا يستفزوني و خاصة حماتي ..

.
.

بس بعد اللي صار في يوم العزا و صدمتي بأقرب الناس لي ..
صرت أقول ( إذا اللي من لحمك و دمك عملوا كذا .. فتوقعي أي شي من الغرباء ) ..

.
.

و أهل زوجي وقفوا معاي الصراحة بوقت ولادتي لولدي و بوقت العزا .. بالوقت اللي أهلي انصدمت فيهم ..
و هذه نقاط تتحسب لهم ،، و أنا ماني قليلة أصل عشان أنسى المعروف ..

,
,

بس كل ما حاولت أتقدم خطوة .. كل ما جاني صوت بداخلي :
( و لييييش ترجعي للهم و الغم حقة زمان ؟ و لييييش تدوري عن النكد لنفسك و لزوجك ؟ )
( نسيتي إيش عملت حماتك و نظراتها و أكاذيبها و حركاتها و كلام أخته ووو إلخ ؟
نسيتي كم مرة فتحتي صفحة جديدة و زوجك يقول تحملي اللي يجيك منهم ،، و مع كذا رجعوا و غلطوا عليك ؟ )

و زي كذا ..

أحس نفسي بين خيارين ..

.
.

و أختي الكبيرة جدا مسالمة و طيبة و انسانة مضحية ،، و كل ما كلمتني تبغاني اتصالح معاهم ..

بس أنا مستحيل أذل نفسي لهم ..

محتارة ..

.
.

فيه ميزة بأهل زوجي و حبيتها فيهم الصراحة ..

صح الغيرة عامية حماتي ، بس ما يحقدوا و يشيلوا في قلبهم ..
يغلطوا عالشخص و ينسوا بعدين ..

و فيه عيب ..
ما أفهمهم و لا يفهموني ، هما تعليمهم ثانوي أو أقل ..
و حياتهم مرتبطة بعادات أيام زمان ، إنه الحرمة تخدم أهل زوجها و تنضرب من زوجها ووو إلخ
و أنا و أهلي لأ .. و خاصة إني شفت أمي كيف خدمت أهل أبوي ، و ما قدروها أهل أبوي ..
و لا انبسطت أمي في حياتها و تعبت نفسها لناس ما يستاهلوا ، مجرد ما أبوي مات .. وقفوا ضدها
و حاولوا يستعبدوها ، لحد ما وقف أخوي الكبير بوجه الكل و فرض احترام أمي أمام الجميع ..

فما أظن حنلاقي نقطة اتفاق بيننا أبدا ..

و زوجي بيده كل شي ، و هو يبغاني بعيدة عنهم ..
لإنه هو من زمان و من قبل الزواج و هو بعيد عنهم .. و فيه طبايع عندهم ، هو كارهها و ما يحبها ..

نسيت أقول شي ..

اخر مرة من شهرين ، فكرت افتح صفحة جديدة و زوجي قالي ( مو لازم و بعدي عنهم ) ..
وقت شفت بالصدفة ، كلامهم معاه عني بالواتس أب ..

اكتشفت إنهم مقهورين من معزة زوجي لي ، و كانوا بيحاولوا يخربوه علي و يحرضوه علي ..
و وقت يدافع عني ، يقولوا له ( خلاص صاير تيس لحرمتك ، و عمرك ما تتعلم ) ..

.
.

و يقولوله ، جيب زوجتك و خليها تبوس راس ماما و بابا ،، بعدين كلنا نرضى عنها ..

.
.

و هذا الشي مستحييييييييييييييييييل طبعاً ..

لاني ما عمري غلطت عليهم و هما اللي دايم كانوا يغلطوا و انا اسكت احترام مو ضعف ..
و لإني قاطعتهم بسببهم هم ..


أبوه قالي جملة جرحتني و أهانتني و بنفس المكالمة ، أمه أخدت السماعة و قالت جملة برضو غلطت علي ..
و أخته كمان غلطت علي بنفس اللحظة ..

و رديت على أمه و أبوه بـ ( شكراً ) فقط

و من يوم قففلت السماعة ، ما عاد سمعوا صوتييييييييييييييي نهائي من سنتين ..

بس لانهم متعودين عالتجريح و اهانة الكرامة، فماهم حاسيييين بالكلمات اللي قالوها قد إيييييييش انها مهينة للكرامة
و زوجي بيهرب منهم، لإنهم متعودين كذا ( هذا هو كلامهم، تجريح و اهانة و سب )

و انا ما تربيت كذا و مستحييييييييييييل اكون مثلهم او اتحمل الاشياء هذه

امي حبيبتي الله يرحمها ، مرات و مع الكيماوي وقت تعصب من احد و تسبب ..
كنت اقول لها ( يا ماما بدون سب )

أجي اتحمل اهل زوجي و اناا طول عمري معززة و مكرمة في بيت اهلي ؟
و فوق كذا زوجي يقولي بعدي عنهم و كنت اقرب منهم و اقرب زوجي لهم

و هذا جزاتي ؟؟؟

.
.

مدري ؟؟؟
يعني خلاص مافيش امل ؟ و لا عاد افكر ؟

:*


روح الطير

إذا أهل زوجك مثل أهل زوج الأم الرؤم فأحمدي الله أنكِ قطعتِ صلتك بهم
وأولادك سوف يعتادون على الوضع ولن يتاثروا به كثيراً المهم أن تكوني
بعيدة عن مصادر الأذى والحزن والنكد والفتنه فهذا النوع لايرتاح حتى
يؤذي غيره ويتلذذ بجرح الآخرين .


كنت سأقول لكِ امنحيهم فرصة أخيرة
لكن بعد أن قرأت أنهم نسخة عن أهل زوج تلك الأخت
خفت عليكِ أن تعودي للأذى والتعب النفسي


:*


:*

__________________

طيب فيه شغلة مضايقتني عزيزتي سيدة الموقف ..
معليه تحمليني ..


زوجي كان من قبل، و من بداية زواجنا .. هو أصلاً قليل التواصل مع أهله مثل ما سمعت ..
و بعد زواجنا كان يبعدني عنهم، يعني مثلاً ما يوصل لي ( سلام أحد فيهم ) ..
و لا يوصل ( سلامي لأحد فيهم ) ..

مثلاً أحد رجع من السفر أو أي مناسبة أمه تقول له ( بلغها ) يطنش و ما يقولي ..
فأبان أنا ( قليلة الأصل ) .. أو يبلغني بعد فترة ..

و وقت يصير أي موقف بيني و بينهم ، يعرفوا إنه ( ولدهم ) التقصير منه ..
و لو إنهم يصارحوني من البداية، و يبطلوا تجريح و رمي كلام .. ما كان صار اللي صار ..

و لو قلت لهم مثلا بصراحة و أسلوب حلو ( إني سألته و ما قالي ووو إلخ )
بدل ما يتفهموا الموضوع و يعاملوني كبنت لهم ..
يتهموني ( بالكذب و الإفتراء ) و هما عارفين أصلاً ( ولدهم ) ..
و يحاولوا إنهم يسببوا مشاكل بيني و بين زوجي ( شوف زوجتك إيش قالت عنك ،، و يكذبوووووا ) ..

يعني يا اسكت و أبان أنا قليلة الأصل ، أو إذا تكلمت .. ينبسطوا إنهم لقيوا شي يشحنوا زوجي علي ..

بس لإنه زوجي عارف نفسه غلطان و عارف أهله ..
فكان يطنشهم ..

كنت أقول له الهروب مو حل ..
إنت بتجيب كلام علي ..

.
.

حسيته متقصد الحركات هذه ، عشان يبعدنا عن بعض ..
و هما أصلاً ناس مادري كيف، بس كان ممكن أكسبهم بطرفي ..
لإنهم لحد دحين يعترفوا لزوجي إنهم ما عمرهم شافوا العيب مني ..

و حركات زوجي زادتهم و بتعطيهم فرصة ..

.
.

فلا زوجي اللي راح يتعدل ، و لا هما .. و أنا تعبت في النص بينهم ..

و كنت مشغولة مع مرض أمي الله يرحمها و بغربتي و دراستي و بحث تخرجي،
و أنا ( بنت أمي المفضلة عندها من بين الكل ) ..
فكانت أمي تحس من عيوني بوجود شي ضايق علي و مضايقني ..
و أمي قلبها يوجعها إذا حست إني متضايقة .. و تعرف بسرعة إنه السبب أهل زوجي أو زوجي ..
و أصلاً أمي كانت دايم تقول ( بنتي اللي تعبت فيها و في تربيتها و دراستها، رميتها لناس ما يستاهلوها )

علشان كذا و علشان مرض أمي و نفسية أمي،،
قمت قاطعت أهل زوجي، عشان أتجنب أي مشاكل بفترة مرض أمي ..
و علشان أحسسها إني مبسوطة و مرتاحة،,

و الحمد لله إنها ماتت و هي مرتاحة و متطمنة، و هذا الشي كفاية عندي ..
ماكنت مستعدة أجامل أهل زوجي، و أتعب أمي ..

.
.

المهم ..

الشغلة اللي مضايقتني شوي ..

لييييييه بعد ما زوجي بعدني عنهم، هو صار يقرب منهم ..؟؟؟؟؟
أنا ما أمنعه عنهم ، و كنت أتواصل معاهم زمان و كان يبعدني هو ..

بس لييييه عمل كذا ..؟؟؟


كأنه بيثبت لهم ، إنه و الله أنا مالي ذنب ..
زوجتي هي قاطعتكم و أنا مادري ليش السبب ؟
و أنا شخص مظلوم و ضعيف و مغلوب علي ..

لإنهم مرة تكلموا عني قدامه، و هو يسكتتتتتت ( زوجي سلبي دائماً ) ..

.
.

صح زوجي يبين لهم معزتي عنده و غلاوتي عنده ..
بس بنفس الوقت، يسحب نفسه من أي موضوع ( بالهروب ) ..

و بعد اللي صار ..

يا يقول ( أنا مالي دخل فيك ، إنت قاطعتيهم و أنا مو عارف السبب ) ؟؟؟
و هو كذاب يعرف السبب و إنه هو السبب الرئيسي ..


و الدليل ..
إنه يقولي ( أنا مرتاح كذا ، و هذا عزّ الطلب ) ..
إننا مقاطعيين بعض ..

.
.

أنا العيب عمره ما طلع مني و الحمد لله ..
و معروفة في وسط أهلي و أهل أزواج أخواتي و أخواني و أقاربنا بالشي هذا ..
إني أواصل الكل و اخزي الشيطان و أسامح ..

,
,

بس معاهم ما أقدر ..

و زوجي حركاته مالها تفسير عندي ..

.
.

تحمليني ..

بس كل ما تكلمت هنا ، كل ما ارتحت أكثر ..
و زدت قناعة أكثر بإني ( ما أفكر ) ..

أعطيك مثال ..

ثواني