السلام عليكم
بأدخل في مشكلتي على طول لانها مررره قهرتي وحاسه بالظلم
انا انسانه عالنيه طيييبه احب الناس خدومه حسااااسه احب زوجي واهله بشهادة زوجي مو امدح نفسي بس عشان ابين الصوره
ويشهد علي اللي رفع سبع سماوات بلا عمد
بأني احب اهله مثل اهلي ويهمني مصلحتهم واسرارهم احرص عليها وزوجي يعرف هالشي ولو بغو عيوني تفداهم محترمتهم ومقدرتهم وضاربه الميانه معهم
معضم تمشياتي خواته معي واكثر خرجاتي للأسواق برضوا معي ولا عمري تظايقت بالعكس احبهم واتمنى الخير لهم
وبعض الاحيان اذا كنا انا وزوجي طالعين لحالنا والله اترجاااه يخذهم معي.......
نجي للمشكله.....
يوم الاربعاء اللي فات قلت لزوجي بكره بأروح مشوار مع عماتي قال خذي راحتك
يوم الخميس صحينا متأخر بعد الضهر
على طول جهزت الفطور لزوجي وكان فطاير اوقرصان عاد ما ادري اش تسمونه وعلى الساعه ثلاثه افطر
وقلي عالساعه اربع الا خمس تكونين جاهزه قلت اوكي
بسرعه بسرعه جهزت نفسي والصاله اللي هي مكان جلوسنا وحوستنا والمطبخ قلت لا جيت انظفهم
دخل زوجي لمجالس الرجال وقال ماشاء الله المجالس نظيفه قلت ليه بيجيك احد قال لا
المهم خرجت من البيت عالموعد تقريبآ ولا رجت الا متأخر
وشقتنا على حوستهاااااا بس فيها شي متغير كل حرمه تعرف بيتها واش حصل فيه او تغير لو اش كان
سبحان الله لان بيتها على عينها و مملكتهااااااااااااا
اول شي ريحت العوده اللي تشمها من باب العماره شكيت قلت احد جاك قال ايه اخواني فلان عنده شغل عالكمبيوتر
وجاعندي وجا معاه فلان وفلان وسويت لهم شاهي
الامر للأن عادي بس الغرييييييييب بالأمر مافي نحاس غير نحاسي اللي تركته بالضهر وهذا ماهو من عادت زوجي اللي اعرفه عنه انه اذا جا عنده احد يترك حووووووووست الضيوف
قلت فلان وين الفنا جين والبراد قال غسلتها لان مافي شغاله
واكتشف كم حبه من المكسرات مرميه بالمطبخ وبعدين اكتشف ان فيه قطعت بلستك من علبة تمر جديييييده دوبها مفتوحه وانا ماعندي تمر اصلآ والعلبه مااااااااااهي موجوده يعني انفتحت واتقدمت وبعدين اتصرفت اكتشفت ان فيه حثر قهوه في المغسله وترمس قهوه من اللي تتقدم لضيوف مأخوذه من بيــــــــــــــــــــــــــــــــــــــــــــــــ ــــــــــــــــتي
قلت بنفسي الشغله ماهي شغلت اخوان انا اعرف زوجي لا جوله اخوانه بغيابي زين اذا قدم لهم شاهي
لكن هاضيوف مدلعهم وقايم بواجب الضيافه معهم وزياده هنا شكيت
رحت له قلت فلان انت سويت قهوه قال لا هم جا بوها معهم تعجبت صراحه وقلت له والحثر اللي بالمغسله قلي بكره بكره اقول لك قصت القهوه و سأ لته عن البخور لأنه مبخر بعوده اصليه وهذي مانبخر بها عند اي نااااااس او بأي وقت قال فلان احرجني يقول ريحت بيتك زي ريحت بيت ال..... وفعلآ ريحت الطبخ بالبيت زي ريحت القلي
لكن ـكلامه ماااااامشي علييي شكيت ان جوله ضيوف وضيوف مو اي كلام يعني شي صاير بيبيتي اوحركه صايره من ورااااااي بيبيــــــــــــــــــــــــــــــــــــــــــــتي وما يباني اعرفها وخصوصآ ان كل شي مخفي من وراهم صحون التقديم وفناجين القهوه والشاي والبراربد كل شي مغسل ومنضف ومنشف ومرجعينه بالدولاب ولاكأن شي صايرعشان مأعرف غير بعض الهفوات اللي اكتشفتها وهالشي ماهو من حركات زوجي هنا ثااااااارجنوني وبغيت انفجر من الغيظ
وانتم ياحريم اكيد تحسون بالنار اللي كان فيني
ياااااااااااسلااااام شي يقهر وعلى ايش اكون شريكت حياته وست البيت هذا
هنا زعلت ومن حقي ازعل ياعالم بيتي مملكتي الخاصه وخصوصآ ان البيت كان مكركب شوي وماهو مهيئ لأستقبال الضيوف والمجالس صحيح نضيفه بس سراميك بدون مفارش ولا دعاسات لفيتها عشان التنضيف وفيه مسجل واشرطه دينيه خااااااااااااصه يعني ماهو مهيئ للضيوف وصالتي مكركبه وفيها كثييييييييير من خصوصياتي والمطبخ مكركب
يعني شي يقهر ويفشل ومافي اي حرمه ترضى ان اقرب الناس يشوف البيت بهال حاله لان البيت يمثلها هي
ولا انا ارضاه على بيتي بس مستعجله واجلت التنضيف لرجوعي
واصريت على زوجي يعلمني ايش اللي حصل بيبتي وبغيابي لأني مرررره انقهرت وزعلت وقام يلف ويدور الين اعترف
بأن اللي جو خطيب اخته واهله... واخوان زوجي... واخته عشان تقوم بواجب خطيبها وضيوفها
دخلين البيت من وراي
واخته مستخدمه مطبخي وبعدين نضفت كل شي كان وراها ورجعته بالدواليب عشان ما اعرف بجيتهم كلهم
انا زعلت وحزنت وصعبت علي نفسي وعاتبته ليه يسون كذا معاي وهو عارف قد ايش انا عاقله وامينه عاالسر وقد ايش احب اهله وابغا لهم الخيروالله لو كان بعلمي لسويت لهم اللي مايتسوى ووقفت معهم كأخت حريصه وفتحت لهم بيتي متى مابغوا لأنهم اهلي
ليه اخته تتجرأ على بيتي من دون بيوت حريم اخوانها لا قدروني ولا حشموني ولا حشمو خصوصية بيتي و مايبوني اعرف وهو ولا فكر فيني وهذا كله اللي مزعلني وقاهرني
صراحه مررره اخذت بخاطري وهو تأسف ومشيت الامور وصرنا نتكلم مع بعض ونضحك ونسولف وامورنا رجعت عسل خرج وجا معاه مقاضي وقال سوي عشا انا بأحروح لأمي اسلم عليها على بال ماتجهزين العشا قلت طيب
راح ولما رجع قال عاجبتك اليومين هذي اللي كلها مشاكل قلت انت جبتها قال اسمعي البيت بيتي والضيوف ضيوفي طيب موضيوفك ضيوفي ولا على ايش جايبني بهالبيت وعلى ايش اكون شريكتك وزوجتك...
وقلي ا نا ادخل اللي ابا وملازم تعرفين مين الداخل والطالع انتي بتستعبديني وتبيني ادخل اللي تبينه واللي ماتبينه لا وبعدين قصت اختي كانت تصريفه
وكلام كثييير يزعل انتي ماتدخلين ومعرف ايش صراحه تضايقت من هالحاله اللي متمنيتها موجوده بحياتي الزوجيه.....
ياعالم موانا اللي استعبد زوجي ولا من حقي اقبل او ارفظ ضيوفه الامر والنهي بالأول والاخير له
انا زعلت من الطريقه اللي صارت انا زعلت على نفسي لانها صعبت علي زوجي كياني نصفي الثاني يبي يعاملني كغريبه ومالي اي حق بالبيت مملكتي الخاصه......
اش ريكم باللي حصل مو لي حق ازعل
انتم ياحريم حطو نفسكم مكاني ايش بيكون ردة فعلكم وانتم يارجال ترضونها على شريكات حياتكم