السلام عليكم ورحمه الله وبركاته

ترددت كثير قبل ماكتب مشكلتي هنا
لان يمكن ماابغى احد يقولي اتركيه وروحي لاهلك
او يمكن ماابغى يقولي انتى غلط لازم تحطين حد للمشكله


بالبدايه زوجي حنون بالمرة كريم طيب خدوم
اذا جاء من الدوام او اي مكان ثاني مالقى له اكل عمرة مازعلني والا خاصمني عشان مالقى له شي ياكله بالعكس عمرة مابينلي شي انه زعلان من هالموضوع
حتى ملابسه احيانا ماكون عندي وقت اغسلها اما جت طلعه او زيارة وممداني اغسلها عمرة ماقالي شي بالعكس بكل صدر رحب يقولي اغسليلي الملابس هذي بكرة ضروري ابغاهم


يحب بنتنا ماشاء الله لاقوة الابالله بالمرة يعني مو مثل شباب هالايام اشوفهم اغلبهم عادي عندهم اولادهم هو ماشاء الله متعلق فيها بالمرة وحنون معها بالمرة
ولما يلعب مع بنوتته يرجع طفل صغيرعشان يلاعبها


الحاصل ان فيه صفات كثير ماشاء الله لاقوة الابالله حلوة فيه

عمرة ماقالي انتي وين رايحه والا جايه الحمدلله
عمرة ماقالي اليوم مافي طلعه والاجبرني على شي ماابغاة الحمدلله
وقف مع اهلي وقفات اخواني نفسهم موقفوا مع اهلي مثله ماشاء الله


اكيد بعد كل هالكلام الحلو تقولون وين المشكله

المشكله انه انسان يسوف كثير يعني اليوم اطلبه حاجه بعد اسبوع اسبوعين يعمله لي
انسان بااااااااااااااااااارد بالمرة
والمشكله الاكبر وهذي مشكلتي الاساسيه انا اعتبرها
يوم نتهاوش على حاجه مثل اي زوجين بالدنيا يعصب ويتغير ويصير مو كانه الانسان الى اعرفه وبعد مايهاوش ويسب ويغلط يقولي يالله قومي اقلعك لبيت اهلك قومي ماابغاك بيتي
والله غير اربيك وادبك ومن هالكلام ويوقف فوق راسي عشان اخذ اغراضي
بس طبعا انا مااطلع من البيت اجلس اشوي بعدين اجلس اهدي فيه واقوله ماني طالعه من بيتي ومن هالكلام واجلس ارضي فيه حتى يبطل يطلعني من البيت لاني عارفه اني لو الف الكون يمين ويسار ماراح الاقي احد مثل زوجي ماشاء الله لاقوة الابالله
وبعدين بيت اهلي بالنهايه صراحه مايساعد الواحد يجلس فيه بس مشاكل الله المستعان



انا ابغى طريقه يترك هالصفه البشعه الى فيه هو طردي من بيتي

ماشاء الله مع مواصفات زوجك واخلاقه العاليه واسمك الهم ذبحني؟؟ طيب ليش؟؟ اجل كيف لو عشتي مع زوج مافي ولاذرة رحمه زوج ينتقد كل شي فيك او زوج يضرب او يطلق اذا مالقى اكل او مالقى ملابس نظيفه...

لاتدوري طريقه ولا شي انتي ماعندك مشكله...هذا طبع زوجك ولازم تتكيفين معه...اذا على الطرد انتي عارفه انه بيكون معصب الرجال وبالذات اصحاب القلوب الطيبه اذا تهاوش مع زوجته يقلها روحي بيت اهلك لانه وقتها معصب ومايبي يمد يده عليها وماعنده غير روحي بيت اهلك...

وزوجك بكل هالمواصفات انسان نادر جدا نصيحه غضي الطرف عن طبعه السيء..وحاولي انك ماتستفزينه...يعني اذا تبين طريقه تتخلصين من طبعه حاولي ماتعصبينه او تردين عليه الكلام...

انا قلت هاللكلام لانك وصفتي زوجك بمواصفات رائعه ...تشفع له اي غلطه يسويها..وايضا انتي ناقشيه ووضحي له في لحظة صفاء بينكم ان هالشي يضايقك واطلبي منه انه مايكررها

وبالنسبه انه مايعملك الحاجه الا بعد اسبوعين من طلبها...يعني انسان مهين او كسوووول...والحين قوليلي عمرك شفتي رجال مش كسول...اغلبهم كذا...لازم تزني عليه عشان يخلص حاجتك..

وبروده...مافهمت وش تقصدي من البرود هل برود اعصاب او برود جنسي...؟؟

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اهلين غرور
الحمدلله فيه من المواصفات اكثر من ماكتبت ماشاء الله لاقوة الابالله
بس يااختي صرت اتجنب الحين اي نقاش معاة اخاف يشتد بيني وبينه ويقولي روحي بيت اهلك
صراحه كرهت هالكلمه وبديه احقد على زوجي من هالكلمه
كرامتي تنجرح حتى لو هو كل هالصفات الطيبه فيه الا الكرامه ماتقدرين تغفرين له لما يجرحها
والبرود ماقصدي جنسي
قصدي بارد يعني كل شي سهااااااااااااااااااااااااااااااااااااااال عندة كل شي مافيه مشكله عندة

سهل جداااااااا

وقت الهواش آية الكرسي ردديها كثيرا على ماء واشربو انتي وهو


اسهل واسرع دواااااااا

__________________
http://live.gph.gov.sa/
اللهم اني استودعك اولادي

شكرا خاله قرين على هالنصيحه
بس والله تعبانه من هالموضوع

السلام عليكم ورحمة الله تعالى وبركاته
أتفق مع رأي الأخوات هنا تماماً ، وأزيد علية أن لاتؤاخذية وقت الغضب ، ودائماً دائماً في حال حدثت اي مشكلة بينكِ وبينة تذكري إيجابياته ، ولاتدعين بعض السلبيات التي في شخصيته تؤرقك ، واعلمي بأن الكمال لله وحدة ، وصدقيني بيت الزوجية بمشاكلة ارحم من بيت أهلك ، والزوجة لايتحملها إلا زوجها ، حتى اهلها وإن تحملوها يظل للزوج نكهة أخرى .

شيء جميل !!
أعجبني فيكِ بأنكِ لم تستمعي لكلامة عندما طلب منكِ لملمة أغراضك ، ف هذا طباع المرأة الناجحة ، دائماً متمسكة في زوجها وبيتها أياً كانت الظروف

الحل !!
في جلسة هادئة وجميلة تكونون فيها مؤلفة قلوبكم ويفضل بأن تكون في غرفتكم الخاصة ، أثني علية بالكلام وامدحية لينفتح قلبه للعتاب " الرومانسي " أكثر ، وبالكثير من التودد ووووووووالخ ، قولي له بأنكِ تحبينه وبأنكِ لاتريدين بأن تسمعي منه هذا الذي يؤرقك مرة أخرى ، وذكرية بأبنتة دائماً ، وبأن هذا من الشيطان ، فلا تدع الشيطان يدخل بيننا ، فهو عدو الله وعدو المؤمنين .

كل التقدير .

__________________
استغفر الله واتوب إليه

هلا اختي المتفائله
فعلا هو بس لم يعصب يصير انسان ثاني مو زوجي الى اعرفه
وفعلا يوم اسمع كلام بعض المشاكل احمد ربي مليووووووووووووووون الف مرة على النعمه الى فيها
بس الانسان ديم يبحث عن الكمال خصوصا لصار شي يخص الكرامه
وكم مرة اقوله لم نتهاوش لاتطردني يقول لانك مو راضيه تفهميني للان

المشكلة ماهي مستحيلة الحل عشان تتكيفي معها ..

المشكلة بسيطة ولها حل ...

اذا قال لك مرة ثانية اطلعي ،، خذي أغراضك واطلعي ..
و شوفي بعدها كيف راح يبطل هذا الكلام ..!

هو يكرره عليك عشان عارف انك ما راح تطلعي و يستمتع بانك تترجيه و تستسمحي منه ..
تعتذري مرة مرتين ما عليه .. لكن علي طول صدقيني مو حل أبدا ..

جربي مرة و شوفي كيف راح تنحل مشكلتك ..

يااختى ماقدر اطلع لان في بيت اهلي مشاكل كل يوم لو على شي بسيط الله المستعان
عندي مشكله زوجي اسهل من مشاكلهم ميه مررررررررررة

السلام عليكم ورحمة الله تعالى وبركاته
أختي بينك ، أعي بأنكِ ناصحة والله ، ولكن أأمري بالمعروف ، المسئلة ليست عناد وندية ، هذه حياة زوجية ، لايجوز فيها أن يشتدوا كلى الطرفين ، ف الحياة الزوجية يراد لها حكمة وتدبير ، وكل شيء يُحل بالتفاهم والحب .
بعض الأزواج في حال حصل " وتزاعلوا " يزداد الأمر سوءً ويصبح الامر قمة بالتعقيد والعناد إلى أن يحصل شي لايحمد عقباة ، قطع الفتنة ودابر الشيطان من بداية المشكلة أفضل من تطورها ، وكفى بالله وكيلا .

كل التقدير .

__________________
استغفر الله واتوب إليه