علاقتي متوترة جدا بزوجي بسبب ولده ...
لأني دعيت عليه واستجاب الله دعائي و صار عليه حادث
امه زعلانة و تزيد شجن زوجي ..

أنا حياتي تعيسة و هالولد زادها تعاسة ،، كرهني بزوجي زيااادة
مع العلم انه كبير عمره 34 سنة ،، متزوج وعنده عيال ،، و أنا عمري 26 ..!

اللي صار انه كل مرة يجي زيارة لابوه ،، عليه بعض الكلام لكني اتحمل و اصبر
اولها يقول لزوجي جيب زوجتك اللي هي أنا تسكن عندنا عشان اختي تكون عندنا
طبعا هو يعرف أني مستحيل اروح عندهم خاصة ان زوجي متزوج ثنتين كلهم كبار
وانا الثالثة ...

و هالمرة كان جالس عندي و يقول ليش الوحدة وهي صغيرة و حلوة و متعلمة تتزوج واحد اكبر
من أبوها ..! طبعاً يلمح بالكلام على أني غير شريفة و من هالكلام ..
أنا ثارت أعصابي و طردته من بيتي و أخذت سيارتي اللي كنت معطيته إياها يستخدمها
و راح ابوه زعل .. كيف اطرد ولده الكبير ..

مع العلم انه عنده اكبر منه ،، و هالولد أخلاقه زفت حتي مع خواتــه ..
و قال لي زوجي تعتذري منه .. و هو يعتبرك. زي خواتــه
طبعا مستحيل اعتذر ،، و قلت له أنا مو اخته ،، و الله لو يموت ما اعتذر له ..
و لو يدخل بيتي مرة ثانية ،، لا طلع منه و لا عاد ارجع ..

و كبرت المشكلة و دعيت عليه ان الله ياخذ حقي منه ،. و سبحان الله استجاب دعائي
و صار عليه حادث بنفس اليوم ..
و زوجي عصب و يقول كل شي الا عيالي ... !

أنا كرهت زوجي و عياله و كل حياتي معه ،، افكر جديا بالطلاق بس خائفة على بنتي

سبحان الله
ربي يصبرك زوجك بصراحه ماعليه حسوفه لو تطلقين وأنتي صغيره
وولده ماراح يخليك في حالك

مدري هذا رااي البعض بيقول غلط لكن صدق الواقع شايب وعياله شياب وش الخساره فيه ؟!
وبنتك أبوها شايب الله يعطيه طولة العمر مو دايم لها

الله يدلك علي إلي فيه خير ويصبرك ويعينك

__________________

السؤال الي وجهه لك ولد زوجك ...تلقين كثير ناس ودوهم يسالونك نفسه وصدقيني ماله علاقه باتهامك بشي شين...ليش وحده صغيره وبامكانها تتزوج شاب في عمرها ليش تروح تتزوج شايب...وتدفن نفسها معه .لاتقولون نصيب لان ربي اعطانا عقل نفكر فيه قبل لانخطي اي خطوه وقبل لانقبل نصيبنا..يعني نفكر على الاقل في الاطفال الي راح ينجبهم اكيد بيتيتمون وهم صغاراو مراهقين..
ويمكن ولده مو قصده يتهمك بشرفك يمكن هو كلامه على لسانه والي في قلبه يطلعه على طول من دون مايحس او يحسب حساب...

وبالنسبه لكلامه لزوجك وطلبه انك تجين عندهم عشان بنتك تكون معاهم بصراحه مااشوف فيها شي يستدعي انك تزعلين. او تدعين عليه لانه هو فكر في اخته الي هي بنتك..يعني انتي اذا ماتبين قولي ماابي اروح عندهم وخلاص

انتي لو انك بدل دعوتك عليه دعيتي بدعوه حلوه مثل الله يهديه او الله يسخره لي ولبنتي الي هي اخته كان الحين ربي استجاب دعوتك صح ولا لا ..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

فعلا كلام صحيح ويمكن ولده راحمك مسالت بنت صغيره تتزوج شايب بصراحه شوي توجع القلب
لكن أنتي الله يهديك يمكن قدمي سوء الظن في كلام ولده

__________________

:*

نفس الرأي
وسؤاله في محله
وتعجبه طبيعي جداً

:*

__________________

سؤاله في محله ؟؟!
و اتهامه في محله برضوا أو لا .....!!!
سبحان الله ..

طيب هو وش اتهمك فيه؟؟؟ يعني هل اتهمك تهمه وسمعتيه باذنك؟؟؟

احنا هنا قلنا سؤاله طبيعي جدا...وفي محله..انتي لو قلتي انه اتهمك مباشر وسمع كلام بالحرف كان قلنا معك حق في الي قلتيه..

بس الولد يااختي ماقالك شي ..كل الي قاله سؤال طبيعي اي واحد او وحده يشوفك صغيره وزوجك جنبك كبير بيدور في راسه هالسؤال...حتى لو طفل..وانتي بنفسك قلتي انهم مجانين ودامهم مجانين فلا تستغربين يطلع منهم هالسؤال..وانتي ظنيتي انه يقصد شي مو كويس ..كله ظنون في ظنون

وبالنسبه للدعوه ترى الدعوه ممكن تستجاب حتى لو ماكان الواحد مظلوم الام تستجاب دعوتها لابنائها او عليهم حتى لو ماكانوا ظالمينها واي شخص يدعي في اوقات استجابه تستجاب الدعوه مهما كانت ...في اوقات يستجاب فيها الدعوه وانتي دعيتي واستجابت لك
وانا في ردي السابق ماوجهة لك السؤال عشان تجاوبين عليه لا بس ذكرت صيغة السؤال الي تدور في بال كل وحده تشوفك ويعلم الله اني ماقصدت اسالك..

اتمنى انك ماتزعلين من كلامي ..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

مع رأيي الاخت ليه الغرور ...

ملامح قمر / ليه الغرور :

الله يهديكم ؟!! وش هالسوال ؟!! كيف الله عطانا عقل ..!
خلاص تزوجت و صار اللي صار ..
وأي شخص يسال هالسوال ؟!! ماله حق ،. حياتي وانا حره فيها و أكيد عندي أسبابي

و لد زوجي اثر على ابوه وصار الا يسكني عندهم مع ان شرطي الاول اسكن بعييد عنهم ..
مستحيل اروح عند حريمه و عياله و زوجاتهم ،، أنا طالعة من عند زوجة أبوي و زوجات أخواني
اروح أطيح بغيرهم ...؟!!!

أنا ما ابغي وجع راس وقال وقيل و غيرة مالها اساس .. ابغي ارتااااح و بس
و يكون لعلمك انه مو خائف على اخته ،، هو يضرب خواتــه من امه عاد بيخاف على بنتي
تراها صغيرة عمرها شهرين بس ..!

وعلى فكرة ابوه نفسه جاء وقالي ديري بالك على بنتك لان واحد من عياله ( غير الولد هذا ) يقول انه
بيخطف بنتك ،، تراهم مجانين ... و الله ما استبعدها عنهم .. الغيرة فضيعه ..
و المشكلة كلهم كباااار بس هذا تزوج توه وارتحت منه ...

و كلامه ليش متزوجة ابوه ؟!! سخيييف و أنا عارفه قصده ..
و اخته قالت لي انه راح لامه و قال لها روحي شوفي زوجة ابوي ،، شكله راح يطلقك ( يقصد امه )

و الدعوة لو دريت ان الله بيستجاب لي كان دعيت انه يموت وارتاح منه ،.
لو ما كنت مظلومة ما كان الله استجاب لي ..

أختي الكريمة

ثقي بأقدار الله سبحانه وتعالى
وأعلمي أن الله سبحانه وتعالى قد كتب عليك أن تكوني زوجة لهذا الرجل الذي أنتِ في عصمته الآن

وأما مسألة كيف وافقتي عليه أم لم توافقي وهل هو شاب أو شايب .. فهذا لا يغني من الموضوع شئ
لأنك الآن أنتِ زوجة وأم

وعليكِ أختي أن لا تخلطي بين زوجك وأبناءه
فليس ما إذا أخطا الإبن
تتحاملي على الأب ويُكره من أجل إبنه

تعاملي مع زوجك بما ينبغي على كل زوجة أن تتعامل به مع زوجها
وعيشي حياتك الزوجية بكل سعادة إذا كانت الحياة تطيب لك مع هذا الرجل


وفقك الله