09-05-2011, 09:10 PM
09-05-2011, 09:58 PM
09-05-2011, 10:06 PM
|
المشاركة الأصلية كتبت بواسطة حرام عليك
السلام عليكم جميعا
مدري بالضبط وش بقول بس خلص ابتكلم تعبت وابي احد يسمعني للاخر عندي اكثر من مشكله يمكن ثنتين بحااااول ألخصها لكم بس مااوعدكم اني ألخصها لاني بنفجر أولا معلومات عني .. انا متزوجه وعندي بنت ربي يحفظها وساكنه ببيت اهل زوجي وزوجي يشتغل بعيد ومايقدر ياخذني معه المنطقه هناك نائيه مافيها معيشه ولا قدر ينقل ... انا اشتغل ومضيعه وقتي بالدوام وبنتي ربي يحفظها نرجع كم سنه ورى ... بالتحديد عشر سنوات كنت توي متخرجه من ثانوي وهبله وحركات ان امي وابوي مايفهموني ومايحسون فيني ومن هالكلام البايخ المهم عرفت واحد وحبيته وحبني وكنا حتى بالحب هبلان يعني مافي خبث وقلة حيا بس تعلقت فيه حييييييييييل وهو حبني حييييييييييل دخنا الجامعه ومرت الايام وقال بس اخلص ابخطبك وصدقته لاني احبه موووت ورفضت اي واحد ييني ومن شدة حبي علمت امي ليه ارفض الخطاب وهاوشتني وضربتني بس بعدين قالت بس يتخرج يجي يخطبك واي شي يصير تعلميني وكلمت الولد وحلفته انه مايضرني وانه يكون جاد ومايلعب علي<< كانت نظريتها تسوين شي قدامي احسن من شي من وراي مرت الايام احلى من العسل كان يحبني مووووت وكنت مبسوطه حييييل ان في احد يهتم فيني وين رحتي شسويتي اليوم.. وش اكلتي.. وين بتروحين ..لا تتاخرين ..تغطي زين .. فطري كويس ..واي بنت تحب هالاهتمام في اخر سنه من الجامعه له امه قررت تخطب له بنت اختها ولما عيا اضطر انه يصارحها طبعا عصصصبت وهزأت اخر شي قالت يصير خير بس تتخرج انا تحمسست مره << كسرت خاطر روحي وجلست اتخيل واتحلم وكل شي عايلتنا وعايلتهم كانت نفس المستوى المادي بس الفرق بينا وبينهم ان احنا فينا عفويه وعالفطره يعني عادي مو شرط ناكل عطاولة الاكل والا نشتري ماركات والا نمشي واحنا مسمتين ظهورنا كن جاينا شد عادي اتربع واضحك واتمرجح وانطط واكل بيدي ماحب اتكلف والا اتصنع طبعا تسمت الظهر يعني برستيج واتيكيت ومدري وشو هم مره رحت لهم عرس بنت خاله عرفني عليها على بو اتقرب من اهله يمه وش هالعرس كني داخله حفله تنكريه .. حتى الضحكه ها ها ها يعني اني برستيج تعبت بذاك العرس وانا مسمته ظهري واضحك كني مسويه عملية شد بفمي المهم الولد تخرج وفاتح اهله وقالو يبيجون يزورونا وجاو وضيفناهم وامه كانت تخزززز الزبده ماعجبتها .... يمكن ضحكت وانا فاتحه فمي مدري او يمكن ماحطيت رجل على رجل البنت مزيونه وطيبه وكل شي بس مابيها بنت خالتك اولى بعد هالسالفه تحطمت وبعدت عنه خلص بعد مافي امل ... ظل يحاول ويحاول بس مهما كان عندي كرامه وامي قالت بعدي فخلاص قلت له يابن الناس ابعد والله يسعدك ويهنيك يدق يدق ماارد ... انهبل ... قام يرسل مسجاات يحلف اني له ومن هالكلام صحيح كنت اتعذب واحبه مووووت بس خلاص اصلا حتى لو اخذته بتعذب بحياتي مع امه فالأفضل ان كل واحد يروح بطريقه طبعا السالفه من بدايتها لهالنقطه 6 سنوات يعني عمر بس كل شي قسمه ونصيب وبيوم دق على امي يستسمح منها ان بكره ملكته على وحده من الناس طبعا امي قالت لي انا انهرت وخلص حسيت روحي بتطلع وظليت اسبوع حالتي حاله بعدها شوي شوي صرت احسن وقررت اني انساه نهائي وربي يوفقه ملك الرجال وهو بعده يدق ويرسل مايأس ( انتظريني وبرجع لك ومدري ايش ) انا ماحطيت بال مع ان جزأ مني للحين يبيه ومصدقه بعد خمس شهور تقريبا تقدم لي واحد زين وكل شي فيه زين امي اصرت اني اوافق وعلشان انسى وعلشان امشي بحياتي وعلشان ما ارجع للماضي وعلشان اصير ام وافقت وكانت اسوأ مرحله بحياتي اني اجلس مع خطيبي وانا بداخلي كلي متحطم اني اسولف معه وانا فكري مع احد ثاني اني امسك يده وانا العبره خانقتني جلسنا نخطط للزواج وانا اتذكر كيييييييييييييييييف كنا نجلس نخطط انا وحبيبي للزواج واللي بعد الزواج والعيال وكل شي درى هذاك اني انخطبت وانجن صار يلاحقني بكل مكان ورسايل ومكالمات ومدري ايش صار خبل خبببببببببببببل يبكي ونص الليل يرمي حصى عالنافذه والصباح ينتظر بالسياره عالباب خلاص انا تعبت نفسيتي كلمت بنت خاله ان خلااااااااص واللله يكفي انا بتزوج خلاص خل ينساني مو عدله بحقي وكذا طبعا في الرسايل كان يقول انه طلق خطيبته علشان ارجع له ولما كلمت بنت خاله اقول لها ماله دااااااااعي هالحركات وبنت الناس وشذنبها قالت بس هو تزوج !!!! .... حتى في هذي يكذب معقوله ؟ البنت مسكينه انحرجت وقالت بتكلم اخوانه لان هي تزوجت اخوه وفعلا اختفى فتررررررررره وانا تزوجت وخلاص بديت اتعود حياتي الجديده وخلص مرتاحه وكل شي اوكي ماافكر بالماضي كثير اقتنعت بنصيبي بس غيري مااقتنع ... حملت ببنتي وصرت اشوفه من جديد بس من بعيد يلاحقني ودموعه اربع اربع بس شسوي له خلص يعني كل واحد بطريق .... صار مكالمات ومسجات ورجعت حليمه لعادتها القديمه زهقننننننننننننني بعيشتي صار اذا جا زوجي يرسل ( جا سيد زمانه اكيد مبسوووطه معاه ) واذا دخلت الحمام ( طوللللتي بالحمام ) <<< طبعا من لمبة الحمام من برا يبين ... الحمد لله عالعقل واذا السواق ينتظرني برا ( وين بتروحين ؟ ) ( بتتاخرين ) الصباح ( ابشتري فطور شرايك اخذ عصير والا كافي ؟ ) لا واحيان يسولف مع روحه ( بروح البريد وما بتأخر ) <<< يعني انا سألتك وينك ؟ خلاااااااااااااااااص غيرت رقمي وبعدها ولدت طبعا اختفيت اجازة الولاده هو انجن علباله مت يمكن صار يدق على بيت اهلي ..... يدق يدق ويسولف مع اختي الصغيره وعرف اني ولدت ومدري كيف عرف رقمي الجديد وهات يارسايل افففففففف رديت عليه مره شتببببببببببببببي شتبي خلني بحالي .... يقول مقدر مقدر احبببببببببك افهمي طيب خلاااااااااص انا تزوجت وانت تزوجت يقول مااحبها مااحبها ابيك انتي ام لعيالي وقفلت بوجهه باشرت بعد الولاده وصار يلحقني ويصراخ مثل الخبل من نافذة السياره احببببببببببببببببببببببببببببك والله العظيم احببببببببببببببك ليه نسيتيني ؟؟ <<< شسوي فيه ابتلشت فضحني مع السواق قام يرسل ورد لمكان شغلي وهدايا قمت غيرت مكان الشغل ولانه الصباح يلحقني عرف وين اشتغل يغيب شهر شهر ونص ويرجع يرسل ويلاحق ويصيح ومدري شنو انا من تزوجت 3 سنوات ومن بداية حبنا 10 سنوات يعني خلاااااااااااااااااااااااااااااااااص الزبده ... هالاسبوع شكله ماخذ اجازه او شي زهقننننننننننننننننننني بعيشتي نسيت اقول لكم قبل سنه يمكن ارسل لي خلاص يعني ماتبيني ؟؟ مارديت .... يعني قلت اكيد بيفهم اني مابيه ...ارسل خلاص انا كنت انتظرك ترجعين لي مابي غيرك بس شكلك ماتبيني ماكنت ابي ام لعيالي غيرك <<< 4 سنوات من زواجه ماجاب عيال بعدها بكم شهر سمعت ان زوجته حملت قلت خلص عقل بيصير ابو وبينساني انزين هالاسبوع اقول لكم زهقققققققققققني اروح الدوام اشوفه هناك صار يسأل عني بالاسم مايستحي احرجنننننننننننننننننننننننننننني دقيت عليه خلااااااااااااص حرام عليك انت وش تبي بالضبط ؟؟ روح لزوجتك محتاجتك .... هي اولى مني على وجه ولاده يقول ولدت وجابت بنت سميتها على اسم امك <<< مبروك انشرها بالاخبار ؟ طيب وش تبي ؟؟؟ ليه تلاحقني ؟؟؟ خلاص انا احب زوجي .. يقول لا لا لاتقولين تحبينه انتي تحبيني انا ليه انتي مو لي ليييييييييييه يقوم يصارخ بانفعال (( والله احببببببببببببببببك شسوي مو بيدي والله حاولت انسسسسسسسسسسسسااك مقدر ) اقفل بوجهه يرسل كلميني انا انتظرك والا بسأل عنك ... يدور علي بالمكان اقوم اتخشش خلص زهققققققققققققت ادق عليه انت غبي ؟؟؟ شتبي ؟؟ ابيك انتي ... قلت بهدده ترى بعلم زوجتك قال علميها اصلا هي تدري عنك قلت لها بتزوج عليك خليها تولي ماهمتني قلت طيب ابجيه بالطيب انت ولد حلال ومعدنك طيب ماترضاها لي اتبهدل الف بنت تتمناك روح الله يهداك لزوجتك وبنتك يرد علي .... انا بعيشك احسن منه وبعزك و أدللك انتي لي انا بروحي مو لغيري جيته بطريقه استفزازيه .. شكلها زوجتك وع جيكره وغبيه اللي تلاحقني وتاركها قلت يمكن بيغار عليها ويعصب ويكرهنني يرد اي غبيه ومااحبها وبطلقها وانتي اللي بتاخذذين المكان اعتبريني خدام لك او ماعندي كرامه او لزقه او اللي تبين بس مابتخلى عنك احتتتتتتتتتتتتتتتتتتتتتتتتتتترت شسووووووووووووووووووووووووووووووووووووووووووووووي والله العظيييييييييييييييييييييييييييييييييييييييم مااااااااحبه ولا ابيه خلاص اللي بينا انتهى كيف اعلمه هالشي اليوم ماقدرت اداوم ... والله العظيم كل يوم على اعصابي طلعت من البيت بروح دوامي شفته هناك ينتظر دخلت دخل وراي ويوم ضيعته رديت طلعت مره ثانيه قمت اصيح بشكل هستيري رحت المستشفى ضغطي 160 على 110 قلت للدكتور كل السالفه مسكين دكتور مصري يقول آه ايوه آه اها مايعرف حتى يواسي فكرت اني اقول له بشوفك واقتله مادري وش اسوي والله العظيم طفششششششششششت بنجن خلااااااااااااااااااااااص ماتعب ليه مايتعب انا ابغى اعيش حياتي اقول له ماااااااااااااحبك افهم يقول انتي تحبيني بس تكابرين مشكلته انه يظن اني للحين احبه واني اكابر مره قلت لامي شكت فيني اني للحين اكلمه تقول مو معقول ماتعب الا انك تكلمينه وعطتني كلمتين بالصميم حرمت اقول لها قلت بشتكي عند الشرطه بس مدري اخاف فيها سين وجيم قلت بقول للهيئه بس طالعين لنا بسالفة ولي الامر لازم يجي طبعا مقدر اقول لزوجي ولا اني انقل معه قلت له ابنقل معك قال مايصلح لاتحاولين وين اروووووووووح ويييييييييييين شسوي بعمري ؟؟ في نقطه بضيفها .. يرسل احبك وابيك وهالخرابيط ولما مثلا ارد واهزأه يقول لي انتي بس قولي لي ماتبيني وانا بروح اقول ايه مااااااااااااابيك يقول اكيد ؟؟؟ اقول ايه اكيييييييييد مابيك يقول خلص الله يوفقك اقول ببالي اخيرا يمكن ربي هداه بس خمس دقايق الا يرسل بس انتي قلتي لي مابتتركيني وانتي كنتي تحبيني يووووووووووووووووووووه يووووه فهمه ثقييييييييل يمكن عشر مرات هالحركه ... خلص بروح وربي يوفقك وبعدها يرجع ادري طولت حييييييييل بس ماعندي احد اشكي له كانت عندي مشكله ثانيه بس تعبت بكتبها بعدين |
09-05-2011, 10:24 PM
09-05-2011, 10:36 PM
09-05-2011, 10:59 PM
09-05-2011, 11:20 PM
09-05-2011, 11:21 PM
09-05-2011, 11:29 PM
 |
 |
|
رأيي يحتمل الخطأ |
||
 |
 |
09-05-2011, 11:41 PM
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
