السلام عليكم..
لا تخافون الموضوع مو مأساوي و اجد .. بس حبيت ألفت انتباهكم
أنا أمووووووووووووت في الشموع.. لي عالم خاص مع الشموع.. و عندي أفكار حلوه عنها.. بس.. حبيت أذكر موقف مع زوجي بخصوص الشموع!!!
في أحد المناسبات الخاصه.. مليت الغرفه بشموع (راااااااائعه) !! أنا قعدت في و سطها و كان الجو خياااااااااااااالي.. ما تتخيلون شلون !!! و كنت أتوقع زوجي يعيش معاي هالعالم الخيالي!!
بس تدرون ايش قال لما دخل؟؟؟
قال لا يكون احنا في معبد بوذيه؟؟ و لاّ بيت سحره!!!!
دمه خفيف.. صح؟؟؟؟ ما علي منه!!! لازم يحب الشوع غصب عنه

طيب.. اليكم بعض الأفكار..
امممممممممممممم ؟؟؟ بصراحه أفكاري كثيره.. ما أدري ايش أختار و ايش أخلي!!!

بقول فكرتين فقط.. لأن الباقي سر المهنه (copy right)

فيه كاسات شفافه طويييله (بس من النوع السميك عشان ما تنكسر ).. تقريبا طولها متر... ممكن تاخذون ورده غصنها طويل (أنا أفضل الورود الصناعيه لأنها طويلة الأجل --- و هناك ورود صناعيه ما تفرقها عن الطبيعيه)
المهم.. تضعون الورده داخل هذا الكاس!!! بحيث تترك مسافة تقريباً 10 سم عن السطح.. و يملأ الكأس بالماء.. و تترك مسافة 7 سم تقريباً عن السطح (يعني غير ممتلئ بالكامل).. و في الأعلى توضع شمعه صغيره تطفو على السطح... بنفس لون الورده ( وحلوه ورده صفراء مع شمع أصفر) !!

و فيه فكره ثانيه.. لكن ما أدري في دولنا هل تباع أم لا!! أنا جبتها من ماليزيا.. لكن ممكن اذا في حل تصنع يدوياً .. لأن الفكره سهله!!
فيه شمعه لها قاعده.. و هي داخل شبك معدني.. لما تشعل الشمعه.. تعكس الاضائه داخل الغرفه و كأنك عايش في خلية نحل.. رااااااااااااائعه (جداً).. يعني ممكن اذا حصلتوا شبك معدني.. تستخدمونه.. و تحطون شمع بداخله (بس لازم لها قاعده .. عشان ما تولعون.. و تصير ليلتكم حمرا صدق!!! )


و ممكن انتوا تعطوني أفكاركم
أشكركم