السلام عليكم ورحمة الله وبركاته
شخباركم اعضاء منتدانا الغاليين
عندي مشكلة وودي تعطوني آرائكم في حلها
انا بنت عمري 25 سنة تقدم لي شاب نفس سني وخطبني من اهلي وافقوا اهلي عليه والحمد لله قبل الخطبة الرسمية(الملكه) كلمته بالتلفون لمده شهرين وكان بعلم اهلي طبعا وكنت دايم الاجظ الخط عنده مشغول بالليل ويبقى بالساعات يتكلم انا كلمته وسالته كم مرة يقولي اصحابي يكلموني المهم انا سكتت عن السالفة-في مره من المرات كلمني وقالي انا باخذ دش وبغير ملابسي وبكلمك قلت له خلاص اوكي بس صدقوني كنت حاسه ان في شي يصير اتصلت بعد كم دقيقة وكان خطه مشغول وظل يتكلم يمكن ساعه او اكثر وانا اتصل ولا يرد علي بعدها كلمني وقلت له ليش كذبت علي قالي لا انا كنت بروح واتصلوا لي رديت عليه وقلت له اذا اكتشفت انك تخونني راح تخسرني وقال لي لا وماعرف شنو وراح يقنعني بكلامه...مرت الايام وانحطبنا بعدين ماقمت الاقي خطه مشغول ونسيت الموضوع وقلت يمكن هذا بس ابليس يوسوس لي...مر على خطبتي الحين 3 اشهر من قبل اسبوع كنت في بيتهم رن موبايله شافه وخلاه على الصامت-بعد ما سكر ارسلوا له مسج
انا رجع جاني الاحساس بالشك مرة ثانية-فلما راح المسجد خلى التلفون بالغرفه فتحته وشفت الرقم وشفت المسج وكان مكتوب(طمني عليك ليش ماترد على التلفون)

على طول بكيت والله عمري ماقصرت عنه بشي هاذي جزاتي
وتغيرت عليه من هذاك اليوم صرت ما احب اكلمه ولا حتى اشوفه

انا ما اعرف شلون اتصرف الحين؟؟؟
شاسوي ساعدوني
انا اختكم

الاشراف : عذراً تم تعديل العنوان ليناسب المضمون., بالتوفيق