طبعا كنت البنت الدلوعه في بيت اهلي اخر العنقود الكل يدلعني
جاني عرسان كثير من انا عمر 15 سنه
ولكن النصيب انكتبلي في عمر 18 سنه صارت الشوفه الشرعيه وانا في قمة سعادتي وبعدها صارت الملكه وكنت مره مبسوطه مع عريسي ودايم طلعات معاه ومطاعم في فترت الملكه ودلعني اخر دلع وهدايه ومشتروات.زززالخ
وبعد 7 اشهر صار الزواج
في البدايه كنت مبسوطه واحبه موووت واغار عليه بجنون لاني مكان بحياتي رجل احبه الا هو لاني انحرمت من ابوي من صغري لانو ابوي كان بعيد عننا كل البعد ملتهي في سفراتو وزواجو بااخرا.. ولاعمره ماضمني على صدره وحسسني معنى الابوه
اللي ربانا امي الله يطول بعمرها واللي كان يصرف علنا اخوي الكبير وماكان مقصر معنا بشي وهو اللي زوجني
وقضينا انا وزجي شهر عسل وحملت بسرعه بعد شهر العسل وكانت فترت دراسه ولكن ربنا ماارد سقط الجنين
وكنت عند اهلي فترت الاسقاط وكان زوجي يجيني بلهفه عليا وشوق
وشوي شوي بدا معاملتو تتغير علي لاتفه الاسباب وهو عصبي جدا يمكن اذا دبانه اتعدت من وجه يضارب معها
وكانت مشاكلنا تافه مجرد مايزعل يشق كتبي المدرسيه والدفاتر وكان يحرمني من المدرسه
والله مكنت اشتكي اهلي قلت انا بصلح وضعي بنفسي
وجا يوم وسافرنا انا وزوجي مع اهلي وبدا يظهر على حقيقتو امام اهلي يحب يذلني ويستحقرني ويستصغرني وانا من النوع ماارد عليه اسكت وادخل الغرفه واسكر على نفسي وابكي
لانو اهلي علموني على هذا الشي ولا كنت اناقشه المشكله بعد مايزعلني يبيني ارضى باي طريقه بسرعه وانا مستحيل ارضى بسرعه
وبعد مارجعنا من السفر
بدا بحركه جديده انه يمد يدو علي ويضربني ويقفل علي الله يكرمكم في الحمام مجرد من زعل بسيط واشتكيت اهلي على الضرب لانهم هما اللي علموني مجرد مايمد يده لاتسكتي ورحت بيت اخوي الكبير لانه مثل ماقتلكم اخوي هوا كل شي بالنسبة لي.. وجا بعد فتره صالحني بعد اتصالت من حماتي وهي تحبني كثير لاني انا مرت ولدهم البكر وعلى كلامها انتي بنت رجال وبنت الرجال لازم تصبر واحنا نوريكي فيه سمعت الكلام ورجعت
وبعدها حملت مره ثانيه ولله الحمد وكنا مبسوطين وقضينا انا وهو للمولد الجديد ملابس ومستلزمات النونو وجا موعد الولاده والكل من اهلو كانو منتظرين يكون المولد ذكر وابوه جهز لي غرفة الولاده بيبلونات ودباديب على اساس انه يبي ولد ومجرد ماسمع انه المولد انثى زعل وخرج من المستشفى وانا لما سمعت اتفاجات من التصرف واخذت في خاطري وسكت
رجعت للبيت من المستشفى وكانت عندي امي واختي الكبيره واقفين معي في فترة النفاس ماقصرو
طبعا انا كنت في غرفه انام مع امي وزوجي كان ينام في غرفت النوم يوم نادى علي قلت له دقيقه لاني تعبانه من الخياطه حق الولاده ولازم اقوم على مهلي ويوم دخلت الغرفه عندو جلس يشتمني ويسبني بالالفاظ وسخه ويقول ليش ماتجي بسرعه وقلت له قصر صوتك امي لاتسمعك قام مد يده وسحبني من شعري الين باب الشارع وامي تدافع عني وتقولو عيب عليك ولكن امي لاحول لها ولا قوه سترنا على الموضوع
خلصت فترت النفاس وبدأ بجنون مره ثانيه مجرد زعل بسيط يحط حرتو في بنتي الصغيره بلا رحمه ولا رأفه لبنتو اللي من صلبو وكان عمرها شهور في الكوفله كان لما يسمع صوتها تبكي يجي ياخذها ويحبسها بغرفه مظلمه ويقفل عليها بالمفتاح عشان يحرق قلبي عليها وهو يتعمد يحرق دمي باي شي
عانيت وعانيت وعانيت كثير وغير الاستهزاء ويفشلني قدام اهلي ومايبي اهلي يجو عندي كان يقلب وجه على طول ويرفع صوتو علي ومره اهلي اتعشو عندي وعلى سفرت الاكل اخذ جك الماء وكبه علي قدامهم ....وصار يتمادا في قلت الادب الين طفح الكيل ويوم جيت اروح عند اهلي زياره قالي نص ساعه الزياره قلت طيب بس وصلت عند اهلي اتصل في بعد نص ساعه وقلي اطلعي انا تحت قلت له ماني طلعه قاعد يهاوشني وانا قيدني متحمله ماسكه نفسي الين مانفجرت وقلت مراح اطلع معك ابي اجلس لو ساعتين قفل التلفون في وجهي مدريت الا جرس بيت اهلي يدق وعندهم ضيوف وانا جالسه بالمجلس دخل في وسط الحريم وسحبني من شعري وصلت لقمة الوساخه منه
وكان يسهر كثير وكنت اقوله خصص لي يوم في الاسبوع نقعد مع بعض او نطلع نتعشى برا وكان ولا يسمع شي مني
وكنت وربي مااقصر في شي معاه كل اللي يبيه اسويه له سهره بشموع واضائات خافته واقوم ارقص قلت يمكن ينبسط
وكان يفشلني يقولي شغلي الاضاءه واجلسي اه كان يحطمني وانا اخذ في نفسي واسكت حتى شرب على الشر علمني وكانت في السفر اشرب معاه خلاااااص بعت كل شي حتى مبادئي ماكنت ابي حياتي تصير كذا
حتى المناسبات مثل عيد الميلاد وعيد زواجنا كنت افتكره واجهز له احلا الهدايا وهو عمره مافتكرني بهديه وقلت مو مشكله انا وهو واحد .........وين الهدايا ايام الخطوبه
اهملني اهملني كثير مايفتكرني الا وقت النوم....واشتكيت لاهلي كثير وماكان احد يسمعني حاولت اطلق ولكن مالقيت احد واقف معي
وبدأت اشوف حالي واتعرف على صحبات وبنيت لي مجتمعي الخاص وطلعات وروحات مع صحباتي وشاليهات واتعرفت على شاب بالصدفه بدات اتكلم معه وحسيت اني اتعلقت فيه وتركني وتركته بس كانت فتره بسيطه واتعرفت على واحد ثاني بس عشان اتسلى وطبعا في هذيك الايام كان زوجي معرفني على عشيقته سابقا وكنت اروح عندها ونسهر مع بعض انا وهي وزوجي الين الصبح ماكنت ادري انها حبيبته الاولى وكنا نلعب بلوت مع بعض كانت تكشف جسمها قدامو يعني بالغلط وانا كنت هبلا ولا ابالي لاني كنت صغيره ماافهم وعمري 20 سنه
وفي يوم جيت عند عشيقة زوجي وجلست احكيها عن نفسي وعن حياتي واخذنا الكلام الين ماقلتلها اني اعرف واحد غير زوجي وانا ماكنت داريه وش بينها وبين زوجي طحت في شباكها
ويوم من الايام اتصلت فيها وسالتها زوجي عندك قالت ايه قلتلها اذا طلع من عندك قوليلي انا مع الشخص الفلاني قالت ولا يهمك
واتاري قايله كل شي لزوجي وبدأ زوجي يراقبني الين ماصادني مع الشخص في السياره في شارع عام صار اللي صار وطلعت مع زوجي في السياره بس الحمدالله ماقال لاهلي ولا فضحني ستر علي وسامحني
ورجعت بيتي صح ستر علي بس كان يلقحني بالكلام ويدقني بكلامو الجارح وكنت اسكت لاني انا الغلطانه
واتمنيت انه طلقني ولا خلاني اتعذب وبعدها فكرت اني احمل ثاني عشان زوجي يثق فيا ولكن دونه جدوه معاملته هي هي ماتغيرت
وبعد فتره رجع الشخص اللي كنت معه في السياره وبداء يكلمني وبعدها اتعلقت في هذا الشخص وحبيته حب جنوني عشت معه 8 سنوات بس كنت حريصه جدا من ناحية علاقتنا صح كانت حرام بس حاولت اطلق محد وقف معي كانو اهلي يشوفو حالي ويسكتو يصبروني ....عشت معه ونساني زوجي نهائي لاني في هذي الفتره كرهت زوجي كان مجرد على قولتهم ضل راجل ولا ضل حيطه كنت جسد من دون روح وحرمتو من روحته لاهلي اعطي الواجبات لاهلو وبس يعني شي مكمل..........وبعد 8 سنوات تركنا بعض انا وتحطمت حياتي كان فرقو صعب علي لاني اتعودت عليه وبعدها اخوي الكبير اللي كان كل شي بالنسبه لي اتوفى ...الله يرحمه ..وبعدها ظلمت الدنيا في وجهي لانو مافي احد راح يصبرني ولااحد اشكيلو همي وحتى لو زعلت من زوجي مافي بيت يستقبلني ...........وزادت البلا طينه انه زوجي دخل في ديون الله العالم
جلست افكر في حالي وقلت الى متى انا كذا اعتمد على الرجال ليش مااكون نفسي بنفسي لانه زوجي مااقدر اعتمد عليه ولا في شي يعني بكره لو طحت انا وعيالي مراح يسندنا
بدأت افكر اكمل دراستي الجامعيه والحمدالله دخلت الجامعه انتساب واشتغلت شغل رجال وكان زوجي يدري بكل شي واكلم رجال وجوالي كله رجال بس وربي كان كله شغل لاني كرهت شي اسمو رجال في حياتي
وبعدها جاتني وظيفه في احد الشركات واستمريت في الشركه وقسم بالله كنت ابي اشغل ماكان في نيتي شي ثاني
بدأه مدير الشركه يلاحقني الين ماوقع الفاس في الراس حبيته واتعلقت فيه وعرف عن قصة حياتي من اولها لاخرها وارتحت له كثير كان في قمة الاخلاق حبينا بعض واتعلقنا في بعض اللحين ابي انفصل عشان اتزوجو وهو يبيني بالحلال
اللحين لي 8 اشهر بعيده عن زوجي وعيال ابي اطلق وزوجي مابيبي يطلقني ورفعت عليه قضية خلع واهلي اجبروني اني اسحبها لانهم قالو بحيلوها ودي بدون محاكم وقلت ادب ورحت سحبت الدعوه وطلب زوجي المهر اردله وجمعت المهر وبرضو ماودو يطلقني قال اتنازل عن عيالي الاثنين واللحين قبل رمضان بيومين رجعت بيتي طبعا بعد ماعرفو اهلي عن الحبيب الجديد وزوجي عرف كمان و2 مره سامحني والله مادري وش بنيتو ولا ايش بالضبط هل هو مريض نفسيتو واهو عايشه برضو جسد بدون روح

اسفه على الاطاله وهذي اختصار لمشكلتي
اكيد الكل بيلوموني اني مشيت غلط بحياتي وفكرت اروح لتدكتور نفساني لانه عندي صراع مع نفسي ولا ادري ايش اسوي عايشه والسلام