السلام عليكم ورحمه الله وبركاته ..

اخواتي اخواتي حبيت افضض لكم شويه .. تطلقت طلقه اولى منذ شهر وثلاث اسابيع ومن دون سبب .. قبل لا يطلقني كنت شهر فبيت امي والسبب انه اتضارب مع اخته وامه وخالته ..

كنت فغرفتي ويت عمتي (ام زوجي) ودخلت الغرفه من دون ما تدق الباب .. زوجي شافها فقال لها الحرمه تتلبس .. هي سارت وصاحت ويوم بنتها شافت انها اتصيح يت اتسب فيني وفاخوها .. اهنيه ريلي عصب وطلع وضرب اخته وخالته .. وعقب قالي شلي كل اغراضج بوديج بيت امج وغصبني اني اشل كل اغراضي .. تميت شهر وهو لا يتصل ولا شي انا كنت اتصل احيانا يرد عليه واحيانا ما يرد .. احرق تيلفونه ما يرد عليه وخلال شهر ما زارنا غير يومين بس ..لمده خمس دقايق .. وعقب انا رديت البيت (بيت عمي بو زوجي)من دون علمه ويوم رديت امه زعلانه مني .. انا لا غلط عليهم ولا سويتلهم شي .. اول شي ما بغت اتسلم عليه وسارت غرفتها .. وعقب طلعت من غرفتهاا وييت انا سلمت عليها .. ريلي عطا ابوه فلوس غشان ييب لي خدامه .. فهم ما يبون يعطوني هالخدامه انا ما اهتميت لهالموضوع زقرت الخدامه قلتلها انتي خدامتي انا انسانه بشوشه مب شريره .. احب اعامل الخدامه بلطف .. وقلتلها اي شي اتشوفينه فالغرفه لا اتسيرين واتطلعينه برع انا ما احب المشاكل .. طبعا كلمتها بالانجليزي وهي مادري يمكن ما فهمت كلامي .. سارت قالت لعمتي ان المدام يعني انا قايله ان هي مب زينه انا ما تكلمت هالكلام .. المهم اتصلت فولدها وقالت حرمتك قايله للخدامه اني مب زينه وانا ما تكلمت هالشي موول .. يا البيت وطلقني بالثلاث (طالق طالق طالق ) وهذا يعتبر طلقه اولى وطلع من البيت ولليوم وهو مب راد البيت ..

من فتره طرشت له مسج طرشلي مصروف ما طرشلي ..

امه تتصل فيه اتقوله رد البيت فالبدايه كان يقول خلها اترد بيت اهلها ومن هالكلام وعقب يقول لامه انتي السبب وعقب يلوم ابوه انته لاهي فمحاظراتك ودوامك ما تفكر فعيالك ..

زوجي يشتغل رجل اعمال .. وما يرد البيت الا الفير يعني ع الاذان ولا قبل ساعه من الاذان ..

حياتي معاه وجوده من عدمه واحد لانه يرد البيت ينام وينش الظهر يطلع يروح المكتب ..

انا ما قصرت فحقه مول طلقني من دون سبب .. يوم من رديت من بيت امي يا طلقني ..

وفنفس اليوم من اللي طلقني فيه اكتشفت انه يكلم وحده .. نش الصبح يتكلم فالتيلفون ورد الغرفه ويوم رد فتحت تيلفونه الرسايل المرسله لقيت انه كاتب مشتاق مول وانتي وين لوحده ..؟؟

متضايقه وكلي هموم ..

ابغي اقدم على ليسن ما اقدر اقضي حاجتي .. بس يالسه فالبيت مهمومه ..

بعدني فبيته (فبيت عمي)

ماذا افعل لا اعلم .؟؟؟؟؟؟؟؟؟

__________________
اللهم احفظ لي زوجي و ارزقنا بالذرية الصالحة

اللهم لا تدع لنا ذنبا الا غفرته ولا هما الا فرجته ولا دينا الا قضيته ولا حاجتاً من حوائج الدنيا الا قضيتها يا ارحم الراحمين

[rainbow]والله ما أبغى ازيد اهمومك بس صدقيني الحرمه الي ما تحترم نفسها وتصون كرامتها ما فية احد بالدنيا راح يحترمها اولا غلطتي لمى رديتي بيته وهو ما سأل عنك ثانيا غلطتي لمى جلستي بيته وهو مطلقك وش تنتضرين يجي يجرك من شعرك ويطلعك روحي لبيت اهلك لين كانت ضروفك ولا ترجعين له الا ليمن يرد اعتبارك الله يفرج همومنا وهمومك[/rainbow]

واااااااااااااااااضح من تصرفات زوجك ان باله مع واحده ثاااانيه



الله يعينك يا حبيبتي ويصبرك ..

اختي وين أهلك ؟
هل عرفوا بموضوع طلاقك ؟
ليش ما رحتي لعندهم
شو اللي مصبرك على الجلوس ببيت أهله و انتي بتعرفي انك غير مرغوبة و انهم ما بحبوكي ؟

__________________
.
.

استودعتك أهلي في سوريا يا من لا تضيع ودائعه

اختى الكريمة
هدا الرجل طلقك بدون وجه حق على حسب قولك يعنى اهانك و ظلمك و انتى مازال تسالين فيه خلى اهلك ياخدونلك حقك منه بس انتى لا تتصلين
فرج الله همك

__________________
[[IMG]

صمت وسكون ..
اهلي يدرون الا ابويه اذا قلنا لابويه اخاف يستوي فيه شي لانه مريض بالقلب .. انا فبيت عمي لان هو يباني اتم فبيته وما اطلع يقول وحده كلت وشربت ويانا ما يستوي جي .. وانا اتريا العده تنتهي عشان اشتكي عليه فالمحكمه ..

الله امين يارب ..

شكرا اختي صمت

__________________
اللهم احفظ لي زوجي و ارزقنا بالذرية الصالحة

اللهم لا تدع لنا ذنبا الا غفرته ولا هما الا فرجته ولا دينا الا قضيته ولا حاجتاً من حوائج الدنيا الا قضيتها يا ارحم الراحمين

شعاع من نور ..

والله ما ادري يا اختي .. هو يوم فكرت يتزوج ما بغى ياخذ وحده يعرفها يعني مب مغصوب عليه ..

الله يعين ..

شكرا اختي الغاليه

__________________
اللهم احفظ لي زوجي و ارزقنا بالذرية الصالحة

اللهم لا تدع لنا ذنبا الا غفرته ولا هما الا فرجته ولا دينا الا قضيته ولا حاجتاً من حوائج الدنيا الا قضيتها يا ارحم الراحمين

ماريا 13
اهلي يدرون الا ابويه اذا قلنا لابويه اخاف يستوي فيه شي لانه مريض بالقلب .. انا فبيت عمي لان هو يباني اتم فبيته وما اطلع يقول وحده كلت وشربت ويانا ما يستوي جي .. وانا اتريا العده تنتهي عشان اشتكي عليه فالمحكمه ..

الله امين يارب ..

شكرا اختي

__________________
اللهم احفظ لي زوجي و ارزقنا بالذرية الصالحة

اللهم لا تدع لنا ذنبا الا غفرته ولا هما الا فرجته ولا دينا الا قضيته ولا حاجتاً من حوائج الدنيا الا قضيتها يا ارحم الراحمين

sanna ahmed



هذا المفروض اللي يصير اني اخذ حقي منه ولكن يصبر ع العده

غاليتي
شكرا

__________________
اللهم احفظ لي زوجي و ارزقنا بالذرية الصالحة

اللهم لا تدع لنا ذنبا الا غفرته ولا هما الا فرجته ولا دينا الا قضيته ولا حاجتاً من حوائج الدنيا الا قضيتها يا ارحم الراحمين

حسبي الله ونعم الوكيل


الله يفرج همك


والله الزواج علاقه مقدسه بين الازواج


الله يهديه يا رب

__________________
http://live.gph.gov.sa/
اللهم اني استودعك اولادي