السلام عليكم ورحمة الله وبركاته.......


ياأخواني والله العظيم اني في حيره من امري......


انا تقدمت لخطبة خمس فتيات والله ماكتب نصيب (الحمدلله على كل حال)


وانا الحمد لله راعي دين واخلاق وسمعتي 100% بشهادة الغير وماناقصني شي من جميع النواحي (للمعلوميه فقط)


الاولى: ابوها كان رافض بحجة الدراسه مع العلم ان البنت ماعندها مانع وهي مأكده هالشي لأختي

لانها صديقتها وكلنا نتمنى بعض وحاولت هي بشتى الطرق تقنع ابوها بس مافي فايده......


الثانيه: كمان ابوها رفض بدون علم البنت وامها وانا عرفت هذا من خلال زيارة والدتها لامي بعد شهرين من الخطبه مع العلم ان البنت وامها ماعندهم مانع....(الظاهر مايبغاها تتزوج من برا العائله)

الثالثه: البنت مو موافقه تبغى ولد خالتها

الرابعه والخامسه: مفوتات(مخطوبات)


الخلاصه:

الأن ابي اتقدم لفتاه ماني عارف عنها اي شي.....

لامن ناحية الاخلاق والدين ولامن ناحية الشكل... مع ان الجمال عندي مو من الأولويات (إستثنائي)

اهم شي الدين والأخلاق بعدين الجمال

وحاولت بالوالد بشتى الطرق اننا نقوم بزياره عاديه حتى نعرف البنت لاكن الوالد الله يحفظه راااااااافض

وسالفة النظره الشرعيه مستحيييييييييييييييييييله

أهلها من العائلة وناس طيبين مره (هذا الي أعرفه) لاكن هم بمنطقه ثانيه ومابيننا تواصل يمكن نتقابل بالسنة مره وحده ماني عارف عن البنت اي شي

السوال: هل أتوكل على الله وأستخير وأتقدم للبنت..ولا أصرف النظر عنها ؟؟؟؟؟



أعذروني على هالتفصيل الممل

اصرف نظر عنها

مدام انكم ماتطبقوا شرع الله (( النظرة الشرعية ))

يمكن ماتعجبك وبعدين تطلقها وتظلمها

البنات كثير دور على وحده عن طريق اهلك يكونوا عارفينها زين

اذا مافيه نظره شرعيه لاتجازف
هذا زواج مو لعبه

__________________

nedaa % طموحي غير %

شكرا على الردود والله يجزاكن خير

حسب قناعتك اذا انت تحب الجمال والشكل لاتتهور وتظلمها معك


اما اذا كان مايهمك الشكل توكل على الله وخذها وحظك نصيبك

هلا فيك أخوي متوهق بعمره........

أخوي مافي أحد مايهمه الجمال لاكن

ماني حاط هالشئ من أولوياتي بالأرتباط

يعني الدين والأخلاق ثم الجمال...........

مشكووووووووووور على مرورك ياأخي العزيز

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين

جزاك الله الف خير يا أختي ... همس القلوب

والله يا أختي ما أصلي صلاة أو اجلس لحالي

إلا أدعي الله انه يوفقني ببنت الحلال

وفكرتك ماني غافل عنها لاكن الله يكتب الي فيه الخير

ومشكورهـ على تفاعلك

ياخوي ماهو شرط اذا كان ماهو حاط الجمال من الاولويات انه ياخذها

هناك ارتياح نفسي اهم من كل شيء

اعرف ناس خطبوا جميلات لاينقصها شكلاً ولا خلقاً ولكن يوم شافها ماارتاح لها نفسياً

من رايي ماتستعجل ..
دام انه النظرة شرعية مستحيلة ...خلي اختك تزور الاسرة ( زيارة عادية )
وتشوف البنت وتعرف بعض التفاصيل عنها بطرح بعض الاسئلة ,,
والاسئلة ذكية ( قرأتها في احدى الكتب ) ساكتبها في موضوع في هذا القسم بإذن الله ... في القريب العاجل,,,
وفيما يتعلق بشكلها خذ بنصيحة همس القلوب ,,
ولاتنسى الاستخارة ..
وفقك الله